Vivo आजकाल आपल्या Y-सीरीज च्या स्मार्टफोन उत्पादन पोर्टफोलिओचा आणखी विस्तार करण्याची योजना आखत आहे. या अंतर्गत Vivo Y19s मोबाईल एफसीसी सर्टिफिकेशन वेबसाईटवर स्पॉट झाला आहे. ज्यामध्ये प्रमुख स्पेसिफिकेशन आणि डिझाईन यांचा तपशील पहायला मिळाला आहे. तुम्हाला सांगतो की काही काळानंतर फोन स्वस्त किंमतीत आणला जाऊ शकतो. त्याची एन्ट्री जागतिक बाजारपेठेसह भारतीय बाजारात होऊ शकते. चला, पुढे सूचीची माहिती अधिक सविस्तरपणे जाणून घेऊया.
Vivo Y19s एफसीसी सूची
- आगामी स्मार्टफोन Vivo Y19s ला माय स्मार्ट प्राईस ने एफसीसी सर्टिफिकेशनवर स्पॉट केले आहे .
- हा डिव्हाईस V2419 या मॉडेल क्रमांकासह एफसीसी सूचीमध्ये समोर आला आहे.
- आगामी फोनमध्ये स्पीडसाठी 8 जीबी रॅमसह 256 जीबी स्पेस मिळणार असल्याचे समोर आले आहे.
- वेबसाईटवर दोन आयएमईआय क्रमांक सूचीबद्ध आहेत. जे सूचित करते की Vivo Y19s मध्ये ड्युअल सिम सपोर्ट असेल.
- हा 15 वॉट चार्जिंगला सपोर्ट करू शकतो. बॅटरीची रेट केलेली क्षमता 5050 एमएएच आणि सामान्य क्षमता 5150 एमएएच ठेवली जाऊ शकते.
- कंपनी कदाचित लाँचच्या वेळी 5000 एमएएच च्या बॅटरीच्या रूपात याला बाजारात आणू शकते.
- कनेक्टिव्हिटीबद्दल बोलायचे झाल्यास Vivo Y19s मध्ये 4G सपोर्ट असेल. हा वायफाय, बीडीएस, GLONASS, जीपीएस, QZSS, SBAS आणि एफएम रिसीव्हरसह येईल.
Vivo Y19s चे डिझाईन (एफसीसी सूची)
सूचीमध्ये Vivo च्या आगामी फोनचा बॅक पॅनल देखील दाखवण्यात आला आहे. ज्यामध्ये व्हर्टिकल ड्युअल कॅमेरा सेटअप आहे. ज्याच्याकडे रिंग लाईट दिली गेली आहे. हे Vivo सारखेच डिझाईन असल्याचे दिसते जे इतर अनेक डिव्हाईसमध्ये येत आहे. फोनचा चकचकीत बॅक आणि खाली उजवीकडे Vivo लोगो आहे. याशिवाय एफसीसी वेबसाईट वरून लक्षात येते की स्मार्टफोनचे डायमेंन्शन 165.66 x 76.03 x 8.24 मिमी आणि वजन 198 ग्रॅम ठेवले जाऊ शकते.
Vivo Y18s चे स्पेसिफिकेशन
आगामी Vivo Y19s डिव्हाईस मागील मॉडेल Vivo Y18s चा सक्सेसर बनू शकतो. त्याला कंपनीने मे महिन्यात व्हिएतनामच्या बाजारात सादर केले होते. ज्याचा तपशील पुढे दिला आहे.
- डिस्प्ले: Vivo Y18s मध्ये 6.56 इंचाचा एलसीडी डिस्प्ले देण्यात आला आहे. त्यावर 840 निट्स पीक ब्राईटनेस, 90 हर्ट्स रिफ्रेश रेट आणि 1612 x 720 पिक्सेल रिझोल्यूशन मिळत आहे.
- प्रोसेसर: Vivo Y18s मध्ये हेलिओ जी85 चिपसेट आहे. हा 12 नॅनोमीटर प्रक्रियेवर आधारित 2 गिगाहर्ट्झ पर्यंतची उच्च क्लॉक स्पीड असलेला प्रोसेसर आहे.
- स्टोरेज: Vivo Y18s मध्ये 6 जीबी रॅम+ 128 जीबी स्टोरेज दिले गेले आहे. यात एक्सटेन्टेड तंत्रज्ञानासह 6 जीबी रॅम वाढविण्याची सुविधा आहे, ज्याच्या मदतीने एकूण 12 जीबी पर्यंतची शक्ती वापरली जाऊ शकते. यासोबतच मायक्रोएसडी कार्ड स्लॉट देखील आहे.
- कॅमेरा: Vivo Y18s स्मार्टफोनमध्ये ,ड्युअल रिअर कॅमेरा सेटअप एलईडी सह मिळत आहे. ज्यामध्ये 50 मेगापिक्सलचा प्रायमरी कॅमेरा आणि 0.08 मेगापिक्सेलची लेन्स लावण्यात आली आहे. तर, सेल्फी आणि व्हिडिओ कॉलिंगसाठी 8 मेगापिक्सेलची लेन्स आहे.
- बॅटरी: Vivo Y18s मध्ये 5000 एमएएच ची बॅटरी आहे. त्याला चार्ज करण्यासाठी 15 वॉट फास्ट चार्जिंग उपलब्ध आहे.
- इतर: हा Vivo स्मार्टफोन IP54 रेटिंग, ड्युअल सिम, 4G, वाय-फाय ब्लूटूथ यांसारख्या अनेक फिचर्स सह येत आहे.