चिनी स्मार्टफोन कंपनी Vivo चा Vivo Y50 काही दिवसांपूर्वी IMEI डाटाबेस मध्ये दिसला होता. अलीकडेच गूगल प्ले कंसोल वर वीवो वाय50 मॉडेल नंबर Vivo V1935 सह दिसला होता, ज्यावरून माहिती मिळाली होती कि कंपनी हा डिवाइस लवकरच सादर करू शकते. आता फोनची किंमत आणि काही स्पेसिफिकेशन्स सह फोन अधिकृतरित्या वर सादर केला गेला आहे.
वीवो कंबोडियाने आपल्या फेसबुक पेज वर एक पोस्ट मध्ये फोनची किंमत आणि काही स्पेसिफिकेशन्सचा खुलासा केला आहे. कंपनीने या पोस्ट मध्ये फोनच्या उपलब्दतेबाबत कोणतीही माहिती दिली नाही. इतकेच नव्हे तर भारतातील टिप्सटर Sudhanshu Ambhore ने डिवाइसचे अधिकृत रेंडर्स आणि स्पेसिफिकेशन्सची माहिती शेअर केली आहे.
Vivo Y50 ची डिजाइन
Vivo Y50 बद्दल बोलायचे तर हा कंपनीने पंच-होल डिस्प्ले सह सादर केला आहे. तसेच कंपनीने डिवाइस ब्लॅक ग्रेडिएंट वॉयलेट कलर ऑप्शन मध्ये आणला आहे. त्याचबरोबर फोनच्या मागे फिंगरप्रिंट स्कॅनर आणि आयताकृती कॅमेरा मॉड्यूल आणि एलईडी फ्लॅश देण्यात आला आहे.
Vivo Y50 चे स्पेसिफिकेशन्स
Vivo Y50 चे स्पेसिफिकेशन्स पाहता यात 6.53-इंचाची स्क्रीन आणि फुल एचडी+ डिस्प्ले देण्यात आला आहे, ज्याचे स्क्रीन रिजोल्यूशन 1080 x 2340 पिक्सल आहे. तसेच फोन मध्ये स्नॅपड्रॅगॉन 665 प्रोसेसर असेल. त्याचबरोबर फोन मध्ये 8GB रॅम आणि 128GB इंटरनल स्टोरेज देण्यात आली आहे. गूगल कंसोल प्ले लिस्टिंग मध्ये समोर आले होते कि फोन मध्ये 6 GB रॅम पण असेल.
फटोग्राफीसाठी फोन मध्ये रियर वर 13-मेगापिक्सल प्राइमरी शूटर, 8-मेगापिक्सल वाइड-अँगल शूटर 120 डिग्री फिल्ड-ऑफ-व्यू, 2-मेगापिक्सल पोर्टेट लेंस आणि 2-मेगापिक्सल मॅक्रो सेंसर फोकल लेंथ सह मिळतो. तसेच बॅकअपसाठी फोन मध्ये 5,000mAh ची बॅटरी 18W फास्ट चार्जिंग सपोर्ट सह देण्यात आला आहे.
किंमत
Vivo Cambodia फेसबुक पेज वरील पोस्टनुसार Vivo Y50 फोनची किंमत $249 (जवळपास 19000 रुपये) आहे. पण अजूनही Vivo Y50 च्या उपलब्धतेबाबत कोणतीही माहिती देण्यात आलेली नाही. पण आशा आहे कि अधिकृतरित्या लवकरच कंपनी डिवाइसच्या सेलची घोषणा करेल.