भारतातील नंबर वन स्मार्टफोन ब्रँड बनलेली Xiaomi गेल्या काही दिवसांपासून इंटरनल मीडिया मध्ये चर्चेत आहे. बातमी अशी आहे की कंपनी येत्या 11 फेब्रुवारीला अंर्तराष्ट्रीय टेक मंचावर आपल्या ‘मी सीरीज’ चा विस्तार करणार आहे आणि सीरीज मध्ये कंपनीचे दोन पावरफुल स्मार्टफोन Xiaomi Mi 10 आणि Mi 10 Pro लॉन्च केले जातील. कंपनीने अजूनतरी या दोन्ही स्मार्टफोन्सची माहिती दिली नाही पण वेगवेगळ्या लीक्स मध्ये फोनचे अनेक डिटेल्स समोर आले आहेत. आज पुन्हा Xiaomi Mi 10 Pro संबंधित एक नवीन लीक समोर आला आहे ज्यात सांगण्यात आले आहे की हा डिवाईस 16 जीबी च्या ताकदवान रॅम सह लॉन्च होईल.
Xiaomi Mi 10 Pro च्या या ताज्या लीक मध्ये चीनी माइक्रोब्लागिंग साइट वेईबो वर एक पोस्ट शेयर करण्यात आली आहे ज्यात फोनच्या सेटिंग मेन्यूचा स्क्रीनशॉट शेयर केला गेला आहे. या स्क्रीनशॉट मध्ये सेटिंग मेन्यू मध्ये ‘अबाउट’ पेज ओपन आहे ज्यात फोनचे अनेक स्पेसिफिकेशन्स लपलेले आहेत. या स्क्रीनशॉट मध्ये फोन चे नाव Mi 10 Pro 5G लिहिण्यात आले आहे ज्यावरून समजते की हा डिवाईस 5जी कनेक्टिविटी सह लॉन्च होईल.
पावरफुल स्पेसिफिकेशन्स
शाओमी मी 10 प्रो चे स्पेसिफिकेशन्स पाहता शेयर केल्या गेलेल्या फोटो वरून समजते कि हा स्मार्टफोन 2080 X 1080 पिक्सल रेज्ल्यूशन असलेल्या 6.4 इंचाच्या डिस्प्ले सह लॉन्च केला जाईल जो 120हर्ट्ज रिफ्रेश रेटला सपोर्ट करेल. लीकनुसार हा स्मार्टफोन 16 जीबी च्या पावरफुल रॅम सह लॉन्च केला जाऊ शकतो सोबतच डिवाईस मध्ये 512 जीबी इंटरनल स्टोरेज मिळेल. Mi 10 Pro 5G फोटो मध्ये मीयूआई 11 वर्जन सह दाखवण्यात आला आहे तसेच फोन मध्ये क्वॉलकॉमचा स्नॅपड्रॅगन 865 चिपसेट मिळणार असल्याचे सांगण्यात आले आहे.
Xiaomi Mi 10 Pro 5G कंपनी क्वॉड रियर कॅमेरा सेटअप वर लॉन्च करू शकते. लीकनुसार हा फोन 108 मेगापिक्सलच्या प्राइमरी सेंसरला सपोर्ट करेल. त्याचबरोबर मी 10 प्रो च्या बॅक पॅनल वर 16 मेगापिक्सलचा सेकेंडरी सेंसर आणि 12 मेगापिक्सल व 5 मेगापिक्सलचे दोन इतर कॅमेरा सेंसर मिळू शकतात. तसेच पावर बॅकअप साठी या फोन मध्ये 5,250एमएएच ची बॅटरी असल्याचे समोर आले आहे. अजून एका लीक मध्ये सांगण्यात आले आहे कि शाओमीचा हा स्मार्टफोन 65वॉट फास्ट चार्जिंग टेक्नॉलॉजीला सपोर्ट करेल.
Xiaomi ने अजूनतरी Mi 10 आणि Mi 10 Pro ची लॉन्च डेट शेयर केली नाही पण काही दिवसांपूर्वी समोर आलेल्या एका पोस्टरनुसार शाओमी 11 फेब्रुवारीला शांघाय मध्ये एका ईवेंटचे आयोजन करेल आणि या ईवेंटच्या मंचावरून मी 10 आणि मी 10 प्रो स्मार्टफोन टेक मंचावर येतील. विशेष म्हणजे 11 फेब्रुवारीला Samsung पण एक इंटरनेशनल ईवेंट आयोजित करणार आहे ज्यात Galaxy S20 लॉन्च केला जाईल. सॅमसंगने आपल्या या ईवेंट ‘Galaxy Unpacked’ नाव दिले आहे आणि याच दिवशी सॅमसंगचा फोल्डेबल फोन टेक मार्केट मध्ये येऊ शकतो. असे जरी असले तरी 91मोबाईल्सने लीक मध्ये समोर आलेल्या स्पेसिफिकेशन्सना दुजोरा दिला नाही.