Xiaomi ने जेव्हापासून घोषणा केली आहे कि कंपनी आपल्या ‘मी सीरीज’ मध्ये नवीन स्मार्टफोन लॉन्च करण्यास तयार आहे, तेव्हापासून टेक मंचावर सीरीजच्या नवीन डिवाईसेजची वाट बघितली जात आहे. आज प्रतीक्षा संपवत शाओमीने आपले दोन नवीन फोन Mi 10 आणि Mi 10 Pro सादर केले आहेत. कंपनीने हे फोन आज चीनी बाजारात लॉन्च केले आहेत. हाईएंड स्पेसिफिकेशन्स ने सुसज्ज असलेल्या मी 10 आणि मी 10 प्रो शाओमीचे 5जी स्मार्टफोन आहेत ज्यांनी फ्लॅगशिप सेग्मेंट मध्ये एंट्री घेतील आहे. आज चीन मध्ये लॉन्च झाल्यांनतर येत्या काही दिवसांत हे फोन इतर बाजारांत पण लॉन्च केले जातील. चला एक नजर टाकूया Xiaomi च्या नवीन ताकदवान Mi 10 आणि Mi 10 Pro वर.
Xiaomi Mi 10
शाओमी मी 10 बद्दल आधी बोलूया, हा स्मार्टफोन 1080 × 2340 पिक्सल रेज्ल्यूशन असलेल्या 6.67 इंचाच्या फुलएचडी+ पंच-होल कर्व्ड एमोलेड डिस्प्लेला सपोर्ट करतो. या फोनची स्क्रीन 90हर्ट्ज रिफ्रेश रेट वर चालते तसेच शाओमीने फोन इन-डिस्प्ले फिंगरप्रिंट सेंसर टेक्नॉलॉजीने सुसज्ज केला आहे. हा स्मार्टफोन एंडरॉयडच्या लेटेस्ट ओएस एंडरॉयड 10 वर लॉन्च झाला आहे जो मीयूआई 11 वर चालतो. तसेच प्रोसेसिंगसाठी Xiaomi Mi 10 मध्ये क्वॉलकॉमचा स्नॅपड्रॅगॉन 865 चिपसेट देण्यात आला आहे. विशेष म्हणजे हा चिपसेट 5G कनेक्टिविटीला सपोर्ट करतो.
फोटोग्राफी सेग्मेंट पाहता Xiaomi Mi 10 च्या बॅक पॅनल वर चार रियर कॅमेरा सेंसर्स देण्यात आले आहेत ज्यात 108 मेगापिक्सलचा प्राइमरी ISOCELL Bright HMX सेंसरचा समावेश आहे. त्याचबरोबर हा फोन एफ/2.4 अपर्चर असलेल्या 13 मेगापिक्सलच्या वाइड अँगल लेंस आणि दोन एफ/2.4 अपर्चर असलेल्या 2 मेगापिक्सलच्या कॅमेरा सेंसर्सला सपोर्ट करतो. तसेच सेल्फी आणि वीडियो कॉलिंगसाठी या फोन मध्ये 20 मेगापिक्सलचा फ्रंट कॅमेरा देण्यात आला आहे. शाओमी मी10 30वॉट फास्ट चार्जिंगला सपोर्ट असलेल्या 4,780एमएएच च्या बॅटरी सह लॉन्च केला गेला आहे.
Xiaomi Mi 10 Pro
शाओमी मी10 प्रो सीरीजचा मोठा मॉडेल आहे. या फोन मध्ये पण 1080 × 2340 पिक्सल रेज्ल्यूशन असलेली 6.67 इंचाचा फुलएचडी+ एमोलेड डिस्प्ले देण्यात आला आहे जो 90हर्ट्ज रिफ्रेश रेटला सपोर्ट करतो. मी 10 प्रो पण कंपनीने कर्व्ड डिजाईन वर बनवला आहे आणि इन-डिस्प्ले फिंगरप्रिंट सेंसर टेक्नॉलॉजीने सुसज्ज करून बाजारात आणला आहे. Xiaomi Mi 10 Pro पण एक 5G फोन आहे जो क्वॉलकॉमच्या स्नॅपड्रॅगॉन 865 चिपसेट वर चालतो. कंपनीने हा डिवाईस एंडरॉयड 10 आधारित मीयूआई 11 वर लॉन्च केला आहे.
Xiaomi Mi 10 Pro च्या कॅमेरा सेग्मेंट बद्दल बोलायचे तर फोन मध्ये क्वॉड रियर कॅमेरा सेटअप देण्यात आला आहे. फोनच्या बॅक पॅनल वर 108 मेगापिक्सलचा ISOCELL Bright HMX सेंसर देण्यात आला आहे ज्या सोबत 20 मेगापिक्सलची अल्ट्रा वाइड अँगल लेंस, 12 मेगापिक्सलची शार्ट टेलीफोटो लेंस आणि 8 मेगापिक्सलची मोठी टेलीफोटो लेंस आहे. तसेच फोनच्या फ्रंट पॅनल वरील पंच होल मध्ये 20 मेगापिक्सलचा सेल्फी कॅमेरा आहे. हा डिवाईस पावर बॅकअपसाठी 50वॉट फास्ट चार्जिंग टेक्नॉलॉजीने सुसज्ज असलेल्या 4,500एमएएच च्या बॅटरीला सपोर्ट करतो.
असे आहेत वेरिएंट्स
Xiaomi ने Mi 10 तीन वेरिएंट्स मध्ये लॉन्च केला आहे. फोनचा बेस वेरिएंट 8 जीबी रॅम सह 128 जीबी इंटरनल स्टोरेजला सपोर्ट करतो. मी 10 च्या दुसऱ्या वेरिएंट मध्ये 8 जीबी रॅम सह 256 जीबी मेमरी देण्यात आली आहे तर फोनचा सर्वात मोठा वेरिएंट 12 जीबी रॅम सह 256 जीबी इंटरनल स्टोरेजला सपोर्ट करतो. तसेच Mi 10 Pro बद्दल बोलायचे तर हा फोन पण तीन वेरिएंट्स मध्ये लॉन्च झाला आहे. फोनचा बेस वेरिएंट 8 जीबी रॅम सह 128 जीबी इंटरनल स्टोरेजला सपोर्ट करतो तसेच दुसऱ्या वेरिएंट मध्ये 12 जीबी रॅम सह 256 जीबी मेमरी तर सर्वात मोठ्या वेरिएंट मध्ये 12 जीबी रॅम सह 512 जीबी इंटरनल स्टोरेज देण्यात आली आहे.
Mi 10
8 जीबी रॅम + 128 जीबी स्टोरेज = 3999 युआन (जवळपास 41,000 रुपये)
8 जीबी रॅम + 256 जीबी स्टोरेज = 4299 युआन (जवळपास 44,000 रुपये)
12 जीबी रॅम + 256 जीबी स्टोरेज = 4699 युआन (जवळपास 48,000 रुपये)
Mi 10 Pro
8 जीबी रॅम + 128 जीबी स्टोरेज = 4999 युआन (जवळपास 51,000 रुपये)
12 जीबी रॅम + 256 जीबी स्टोरेज = 5499 युआन (जवळपास 55,000 रुपये)
12 जीबी रॅम + 512 जीबी स्टोरेज = 5999 युआन (जवळपास 61,000 रुपये)