Xiaomi ने गेल्या वर्षी काही फोल्डेबल फोनच्या डिजाइन पेटेंट केल्या होत्या. कंपनीच्या कॉन्सेफ्ट फोनची झलक पण गेल्यावर्षी दिसली होती ज्याची कूल डिजाइन खूप कुल होती. तर आता 91मोबाईल्सला शाओमी फोल्डेबल फोनच्या डिजाइनची माहिती मिळाली आहे. हे पेटेंट चाइनीज सर्टिफिकेशन साइट CNIPA वर आले आहे. हि डिजाइन बघून वाटत आहे कि हा फोन Mi Fold किंवा Mi MIX Fold असू शकतो. याची डिजाइन Huawei Mate X प्रमाणे असेल.
या फोनच्या फोटो वरून दिसत आहे कि फोन मध्ये फ्लेक्सिबल स्क्रीन आणि मोठी हिंज आतल्या बाजूला असेल. हिंजच्या मदतीने फोन हॉरिजोंटली फोल्ड करता येईल. या फोनची डिजाइन Huawei Mate X स्मार्टफोन प्रमाणे असेल. शाओमी हँडसेट कर्व्ड डिस्प्ले आणि साइड बार डुअल कॅमेरा एलईडी फ्लॅश सह येईल. फोनचा कॅमेरा मॉड्यूल नॉच मध्ये असेल कि अंडर-डिस्प्ले हे अजून स्पष्ट झाले नाही.
Mi MIX Fold टॅबलेट साइज स्क्रीन सह येईल. तसेच हँडसेट मध्ये डुअल कॅमेरा सेटअप असेल जो फ्रंट कॅमेऱ्याचे काम पण करेल. याच्या मदतीने सेल्फी आणि वीडियो कॉलिंग करता येईल. हा स्मार्टफोन शाओमी कस्टम एंडरॉयड स्किन MIUI वर चालेल. तसेच या फोन मध्ये मल्टी-ऍक्टिव्ह विंडोज सपोर्ट असू शकतो.
अजूनही Mi MIX Fold च्या स्पेसिफिकेशन्स बद्दल कोणतीही माहिती समोर आलेली नाही. पण आशा व्यक्त केली जात आहे कि फोन क्वालकॉम स्नॅपड्रॅगॉन 865 SoC सह सादर केला जाऊ शकतो. गेल्यावर्षी कंपनीने Mi MIX Alpha स्नॅपड्रॅगॉन 855 SoC सह सादर केला होता. याचा अर्थ असा कि कंपनी या वेळी नवीन फ्लॅगशिप चिपसेटचा वापर करेल.