Xiaomi सध्या टेक विश्वात चर्चेत आहे. एकीकडे शाओमी इंडियाने कंफर्म केले आहे कि जगातील पहिला 108 मेगापिक्सल कॅमेरा असलेला स्मार्टफोन Mi Note 10 पुढल्या महिन्यात भारतीय बाजारात लॉन्च केला जात आहे. तर शाओमी चाइनाने कंपनीच्या ‘के सीरीज’ चा आगामी स्मार्टफोन Redmi K30 समोर आणला आहे. कालच Redmi K30 चा खरा फोटो इंटरनेट वर वायरल झाला होता, ज्यात फोनच्या फ्रंट पॅनल सोबतच अनेक महत्वाच्या स्पेसिफिकेशन्सचा खुलासा झाला होता. आता Xiaomi ने अधिकृतपणे Redmi K30 ची लॉन्च डेट सांगितली आहे.
Xiaomi ने घोषणा केली आहे कि Redmi K सीरीज टेक बाजारात विस्तारासाठी तयार आहे आणि सीरीजचा लेटेस्ट स्मार्टफोन पुढल्या महिन्यातच लॉन्च केला जाईल. Xiaomi ने सांगितले आहे कि कंपनी पुढल्या महिन्यात डिसेंबरच्या 10 तारखेला चीन मध्ये एका मोठ्या ईवेंटचे आयोजन करणार आहे आणि या ईवेंटच्या मंचावरून ब्रँडचा आगामी स्मार्टफोन Redmi K30 जगासमोर सादर केला जाईल. Redmi ब्रँडचे जीएम Lu Weibing यांनी अधिकृत घोषणा केली आहे कि 10 डिसेंबरला Redmi K30 चीनी बाजारात लॉन्च होईल.
विशेष म्हणजे 10 डिसेंबरला कंपनी फक्त Redmi K30 स्मार्टफोन लॉन्च करू शकते. तर Redmi K30 Pro कंपनी पुढच्यावर्षीच्या सुरवातीला लॉन्च करेल. 10 डिसेंबरला Redmi K30 फक्त चीनी बाजारातच लॉन्च होईल तसेच हा स्मार्टफोन इंडियन मार्केट मध्ये कधी येईल याची माहिती मिळाली नाही. लक्षात असू दे कि Redmi K30 ब्रँडचा 5G फोन असेल, त्यामुळे 5G फोन भारतीय बाजारात येणे मोठे पाऊल असेल.
डुअल पंच-होल
Redmi K30 ब्रँडचा पहिला पंच-होल डिस्प्ले असलेला स्मार्टफोन असेल. लीक झालेल्या फोटो वरून समजले आहे कि या फोन मध्ये एक नाही तर दोन पंच-होल असतील म्हणजे डिस्प्लेच्या वरच्या बाजूला उजवीकडे स्क्रीन वर दोन होल दिले जातील ज्यात सेल्फी कॅमेरा सेंसर असेल. Redmi K30 ची डुअल पंच-होल डिजाईन आपण Samsung Galaxy S10 Plus स्मार्टफोन मध्ये पण बघितली आहे.
डिस्प्ले
Redmi K30 च्या या फोटो वरून समजले आहे कि हा स्मार्टफोन 1080 x 2400 पिक्सल रेज्ल्यूशन असलेल्या 6.66 इंचाच्या फुलएचडी+ डिस्प्ले सह लॉन्च केला जाईल. Redmi K30 चा डिस्प्ले 120हर्ट्ज रिफ्रेश रेट सह येईल तसेच 395 डीपीआई ला सपोर्ट करेल. एकीकडे या स्मार्टफोन मध्ये इन डिस्प्ले फिंगरप्रिंट सेंसर असल्याचे बोलले जात आहे तर इतर काही लीक्स मध्ये सांगण्यात आले आहे कि Redmi K30 साईड माउंटेड फिंगरप्रिंट सेंसरला सपोर्ट करेल.
स्टोरेज व प्रोसेसर
फोटो मध्ये Redmi K30 चा जो वेरिएंट दाखवण्यात आला आहे त्यात 64 जीबी इंटरनल स्टोरेज आहे. बोलले जात आहे कि 64जीबी मेमरी असलेला हा वेरिएंट Redmi K30 चा बेस वेरिएंट असू शकतो. तसेच फोटो मध्ये स्पष्ट झाले आहे कि Redmi K30 क्वालकॉमच्या चिपसेट सह लॉन्च केला जाईल तसेच या डिवाईस वेरिएंट मध्ये स्नॅपड्रॅगॉन 730 या स्नॅपड्रॅगॉन 730जी चिपसेट मिळू शकतो. Redmi K30 चा हा वेरिएंट एंडरॉयड 9 पाई सह मीयूआई 11 च्या 9.11.18 वर्जन सह दाखवण्यात आला आहे तसेच फोन मध्ये ग्राफिक्स साठी एड्रेनो 618 जीपीयू आहे.