चिनी स्मार्टफोन निर्माता कंपनी शाओमी ने यावर्षी फ्लॅगशिप Redmi K20 आणि Redmi K20 Pro स्मार्टफोन्स लॉन्च केले होते. कंपनी आता हि सीरीज वाढवत Redmi K30 आणण्याची तयारी करत आहे.
अनेक दिवसांपासून लीक समोर येत आहेत कि शाओमी आपल्या Redmi K20 सीरीजचा अपग्रेडेड वेरिएंट Redme K30 याच वर्षी लॉन्च करू शकते. तसेच याचा प्रो वेरिएंट म्हणजे Redmi K30 Pro पण सादर केला जाणार असल्याचा अंदाज लावला जात आहे.
इंडियन टिप्सटर सुधांशु अंभोर (@Sudhanshu1414) याने ट्विटर वर एक ट्विट करून या दोन्ही फोनच्या लॉन्च संबंधित माहिती दिली आहे. ट्विट नुसार Redme K30 याच वर्षी म्हणजे डिसेंबरच्या आधी आणि Redmi K30 Pro पुढच्यावर्षी लॉन्च केला जाऊ शकतो.
Redmi K30- This year
Redmi K30 Pro- Next year— Sudhanshu Ambhore (@Sudhanshu1414) November 4, 2019
आधी समोर आलेल्या रिपोर्ट्स मध्ये सांगण्यात आले होते कि Redmi K30 मध्ये यूजर्सना 5G सपॉर्ट मिळू शकतो. तसेच समोर आलेल्या माहिती नुसार या फोन मध्ये पंच होल डिस्प्ले व्यतिरिक्त MediaTek चिपसेट असू शकतो. तसेच कंपनीने काही दिवसांपूर्वी Redmi K30 ची पहिली झलक जारी केली होती. हा खुलासा स्वतः रेडमीचे जनरल मॅनेजर Lu Weibing यांनी केला होता.
बोलले जात आहे कि रेडमी के सीरीजचा हा आगामी स्मार्टफोन SA/NSA dual-mode 5G सपोर्टेड असेल. फोनच्या या फीचर मुळे 5G कनेक्टिविटी खूप मिळेल. विशेष म्हणजे क्वालकॉम ने नुकतेच आपल्या स्नॅपड्रॅगॉन 700 सीरीजच्या चिपसेट मध्ये 5G सपोर्ट देण्याची घोषणा केली आहे. त्यामुळे असे बोलले जात आहे कि Redmi K30 क्वालकॉमच्या याच चिपसेट सह लॉन्च केला जाईल.
किंमतीबद्दल बोलायचे तर Redmi K30 ची किंमत 20,000 रुपयांपेक्षा जास्त असेल. वेइबिंगच्या एका पोस्ट वर एका यूजरने Redmi K30 ची अंदाजे किंमत 2000 युआन म्हणजे जवळपास 20,000 रुपये आहे का असे विचारले होते त्याचे उत्तर देताना रेडमी जीएम म्हणाले होते कि 5G चिपसेट अजूनही महागच आहे. म्हणजे Redmi K30 20,000 रुपयांपेक्षा जास्तीच्या बजेट मध्ये लॉन्च केला जाईल. विशेष म्हणजे इंडियन स्मार्टफोन मार्केट मध्ये Redmi K20 Pro आणि Redmi K20 पण जास्त किंमतीत आल्यामुळे लोकांनी नाराजी दर्शवली होती.