Xiaomi ने दीर्घ प्रतीक्षेनंतर आज भारतीय बाजारात आपल्या ‘रेडमी नोट’ सीरीजचा विस्तार केला आहे. देशात आपला प्रोडक्ट पोर्टफोलियो वाढवत शाओमीने Redmi Note 8 Pro इंडियन मार्केट मध्ये आणला आहे. हा फोन भारतात लॉन्च झालेला पहिला रेडमी फोन आहे जो 64 मेगापिक्सलच्या कॅमेरा सेंसरला सपोर्ट करतो. Redmi Note 8 Pro सोबत शाओमी ने Redmi Note 8 मॉडेल पण बाजारात आणला आहे तसेच हे दोन्ही फोन येत्या 21 ऑक्टोबर पासून कंपनी वेबसाइट सोबत शॉपिंग साइट अमेझॉन इंडिया वर सेल साठी उपलब्ध होतील.
किंमत
Redmi Note 8 Pro भारतात तीन वेरिएंट्स मध्ये लॉन्च केला गेला आहे. फोनच्या 6 जीबी रॅम + 64 जीबी स्टोरेज वेरिएंटची किंमत 14,999 रुपये, 6 जीबी रॅम + 128 जीबी स्टोरेज वेरिएंटची किंमत 15,999 रुपये तर 8 जीबी रॅम + 128 जीबी स्टोरेज वेरिएंटची किंमत 17,999 रुपये आहे. Redmi Note 8 Pro गामा ग्रीन, हॉलो वाईट आणि शॅडो ब्लॅक कलर मध्ये लॉन्च केला गेला आहे.
Redmi Note 8 बद्दल बोलायचे तर फोनचा 4 जीबी रॅम + 64 जीबी स्टोरेज वेरिएंट 9,999 रुपये तर 6 जीबी रॅम + 128 जीबी स्टोरेज वेरिएंट 12,999 रुपयांमध्ये लॉन्च केला गेला आहे. Redmi Note 8 स्पेस ब्लॅक, नेप्च्युन पर्पल, कॉस्मिक पर्पल आणि मूनलाईट वाईट कलर मध्ये विकत घेता येईल.
Redmi Note 8 Pro
डिजाईन व डिस्प्ले
Redmi Note 8 Pro वॉटरड्रॉप नॉच डिजाईन सह येतो ज्याचा स्क्रीन-टू-बॉडी रेशियो 91.4 टक्के आहे. हा फोन 2340 x 1080 पिक्सल रेज्ल्यूशन असलेल्या 6.53 इंचाच्या फुलएचडी+ डिस्प्लेला सपोर्ट करतो. फोनच्या बॅक पॅनल वर रियर कॅमेरा सेटअप वर्टिकल शेप मध्ये आहे. तीन कॅमेरा सेंसर आणि फिंगरप्रिंट सेंसर एकाच रांगेत आहेत तसेच या सेटअपच्या उजवीकडे फ्लॅश लाईट आणि मॅक्रो सेंसर आहे. तसेच फोनच्या सुरक्षेसाठी Redmi Note 8 Pro चे फ्रंट आणि बॅक दोन्ही पॅनल्स कोर्निंग गोरिल्ला ग्लास 5 ने प्रोटेक्ट केले गेले आहेत.
64 MP कॅमेरा
Redmi Note 8 Pro मध्ये 64-मेगापिक्सलचा Samsung चा GW1 सेंसर आहे. GW1 सेंसर ISOCELL टेक्नॉलजीचा वापर करून पिक्सल-टू-पिक्सल बॅरियर बनवतो जो पिक्सल्स मधील लाइट कमी करून कलर रिप्रॉडक्शन चांगले करतो. 64-मेगापिक्सलचा हा सेंसर (9248×6936) पिक्सल रेजोल्यूशन असलेले फोटोचे आउटपुट देतो. इतकेच नव्हे तर या सेंसरने 480-फ्रेम प्रति सेकंदाच्या स्पीडने स्लो-मोशन विडियो पण शूट केला जाऊ शकतो.
फोटोग्राफी सेग्मेंट पाहता फोन मध्ये 64 मेगापिक्सल प्राइमरी सेंसर सोबत एफ/2.2 अपर्चर असेलला 8 मेगापिक्सलचा अल्ट्रा वाइड अँगल सेन्सर देण्यात आला आहे जो 120डिग्री वाइड अँगल वर काम करतो. त्याचबरोबर Redmi Note 8 Pro मध्ये 2 मेगापिक्सलचा अल्ट्रा मॅक्रो लेंस आणि 2 मेगापिक्सलचा डेफ्थ सेंसर देण्यात आला आहे. हा स्मार्टफोन 10x डिजीटल जूमला सपोर्ट करतो. तसेच सेल्फी साठी Redmi Note 8 Pro मध्ये एफ/2.0 अपर्चर असलेला 20 मेगापिक्सलचा फ्रंट कॅमेरा आहे.
ओएस व प्रोसेसर
Redmi Note 8 Pro एंडरॉयड 9 पाई आधारित मीयूआई 10 वर लॉन्च केला गेला आहे. प्रोसेसिंग साठी या फोन मध्ये आक्टाकोर प्रोसेसर सह मीडियाटेकचा नवीन चिपसेट हेलीयो जी90टी देण्यात आला आहे. ग्राफिक्स साठी Redmi Note 8 Pro माली जी76 एमसी4 जीपीयूला सपोर्ट करतो. फोनची प्रोसेसिंग स्मूथ करण्यासाठी यात ‘मी टर्बो’ आहे तसेच गेमिंगच्या वेळी परफॉर्मेंस फास्ट करण्यासाठी Redmi Note 8 Pro गेम टर्बों 2.0 टेक्नॉलॉजी सह येतो.
कनेक्टिविटी आणि बॅटरी
Redmi Note 8 Pro डुअल सिम फोन आहे जो 4जी वोएलटीई ला सपोर्ट करतो. फोन मध्ये आईआर ब्लास्टर, ब्लूटूथ, डुअल सिम, डुअल 4जी, वाईफाई आणि यूएसबी टाईप सी सोबत 3.5एमएम जॅक पण देण्यात आला आहे. तसेच Redmi Note 8 Pro ची मोठी खासियत फोन मधील Alexa सपोर्ट आहे ज्या द्वारे फोनवरूनच स्मार्ट डिवाईसेज कंट्रोल केले जाऊ शकतात. तसेच पावर बॅकअप साठी Redmi Note 8 Pro 18वॉट फास्ट चार्जिंग असेलल्या 4500एमएएच च्या दमदार बॅटरीला सपोर्ट करतो.
Redmi Note 8
Xiaomi ने Redmi Note 8 Pro सोबत Redmi Note 8 भारतात लॉन्च केला आहे. या फोन मध्ये 6.3 इंचाचा फुलएचडी+ डिस्प्ले देण्यात आला आहे जो 2340 x 1080 पिक्सल रेज्ल्यूशनला सपोर्ट करतो. हा फोन एंडरॉयड 9 पाई आधारित मीयूआई वर सादर केला गेला आहे जो आक्टाकोर प्रोसेसर सह 11एनएम टेक्नॉलॉजी वर बनलेल्या क्वालकॉम स्नॅपड्रॅगॉन 665 चिपसेट वर चालतो. तसेच ग्राफिक्स साठी या फोन मध्ये एड्रेनो 610 जीपीयू आहे.
Redmi Note 8 पण क्वॉड रियर कॅमेऱ्याला सपोर्ट करतो. फोनच्या बॅक पॅनल वर फ्लॅश लाईट सह 48 मेगापिक्सलचा प्राइमरी सेंसर देण्यात आला आहे. त्याचबरोबर हा फोन 8 मेगापिक्सलच्या अल्ट्रा वाइड अँगल, 2 मेगापिक्सलची अल्ट्रा मॅक्रो लेंस आणि 2 मेगापिक्सलचा डेफ्थ सेंसरला सपोर्ट करतो. त्याचप्रमाणे सेल्फी साठी Redmi Note 8 मध्ये 13 मेगापिक्सलचा फ्रंट कॅमेरा देण्यात आला आहे. पावर बॅकअप साठी हा फोन 18वॉट फास्ट चार्जिंग सपोर्ट असलेल्या 4,000एमएएच च्या बॅटरीला सपोर्ट करतो.
शाओमी रेडमी नोट 8 प्रो वीडियो
