गेल्या काही दिवसांपासून प्रसिद्द विडियो मेकिंग ऍप TikTok चर्चेत आहे. काही दिवसांपूर्वी हा ऍप बॅन करण्यात आला होता. पण काही आठवड्यांपूर्वी हा पुन्हा एंडरॉयड आणि आईओएस मध्ये डाउनलोड साठी उपलब्ध झाला आहे. पण अनेक दिवसांपासून या ऍपमुळे होणाऱ्या मृत्यूंची संख्या वाढतच जात आहे. अलीकडेच टिक-टॉक वीडियो बनवणे आणि सेल्फी घेण्याच्या प्रयत्नात एका युवकाचा यमुनेत बुडून मृत्यू झाला आहे.
हि घटना उत्तर प्रदेश मधील मथुरा येथील आहे. मीडिया रिपोर्ट्सच्या माहिती नुसार छत्तीसगड मधील भिलाई मधून मथुरा फिरायला आलेल्या एका युवकाने गेल्या आठवड्यात शनिवारी महावन येथील ब्रह्माण्ड घाटावर एक युवक टिक-टॉक वीडियो बनवण्याच्या नादात यमुनेत बुडाला, ज्यामुळे त्याचा मृत्यू झाला. पोलिसांच्या मते छत्तीसगड मधील दुर्ग जिल्ह्यातील भिलाई शहरातून 55 लोकांचा एक ग्रुप 16 जूनला तीर्थ यात्रेसाठी आला होता, ज्यात या युवकाचा समावेश होता. मृत तरुणाचे वय 24 वर्ष आहे आणि त्याचे नाव हितेश वासनिक होते.
याआधी तामिळनाडू मधून एक बातमी समोर आली होती, ज्यात एका महिलेने विष पिऊन आपला जीव दिला होता. मीडिया रिपोर्ट्स मध्ये समोर आले आहे कि तामिळनाडू मध्ये राहणारी 24 वर्षीय विवाहितेने विष घेऊन आत्महत्या केली आहे. रिपोर्ट्स नुसार अनिता नावाची हि महिला दोन मुलांची आई आहे जी TikTok वर वीडियो बनवायची. अनिताची TikTok वीडियो बनवण्याची सवय तिच्या नवऱ्याला आवडत नव्हती आणि याबाबत त्यांच्यात भांडण होत होते.
विशेष म्हणजे ऍप इंटेलिजेंस फर्म सेंसर टॉवर नुसार टिकटॉक ने वर्षाच्या तिमाहीत 18 कोटी 80 लाख यूजर्स जोडले आहेत. इतकेच नव्हे तर मार्च 2018 पासून आतापर्यंत हा ऍप इंस्टॉल करण्याच्या बाबतीत 70 टक्के वाढ झाली आहे. मागील काही दिवसांपासून TikTok साठी भारत मोठी बाजारपेठ ठरली आहे. हैराणीची बाब म्हणजे देशात TikTok बॅन झाल्यामुळे या चीनी कंपनीला रोज $500,000 यूएस डॉलर म्हणजे जवळपास 3.5 कोटी रुपयांचे नुकसान होत होते.