ప్రముఖ స్మార్ట్ఫోన్ బ్రాండ్ OnePlus నుంచి త్వరలో ఒక కొత్త నార్డ్ సిరీస్ ఫోన్ లాంచ్ కానుంది. OnePlus Nord CE 4 Lite పేరుతో ఈ ఫోన్ మార్కెట్ లోకి రానుంది. తాజాగా ఈ ఫోన్ ఐఎండీఏ సర్టిఫికేషన్ వెబ్సైట్ పై లిస్ట్ అయ్యింది. కొన్ని రోజుల క్రితం ఈ డివైజ్ భారత్కి చెందిన బీఐఎస్ సైట్ పై కూడా కనిపించింది. దీంతో ఇండియా లాంచ్ కన్ఫర్మ్ అయ్యింది. ఓసారి ఐఎండీఏ లిస్టింగ్ వివరాలు, అంచనా స్పెసిఫికేషన్స్ ఎలా ఉన్నాయో తెలుసుకుందాం.
OnePlus Nord CE 4 Lite ఐఎండీఏ లిస్టింగ్
OnePlus యొక్క కొత్త ఫోన్ ఐఎండీఏ పై CPH2621 అనే మోడల్ నంబర్ తో లిస్ట్ అయ్యింది. ఈ విషయాన్ని తొలుత MySmartPrice గుర్తించింది.
ఐఎండీఏ లిస్టింగ్ని గమనిస్తే, OnePlus Nord CE 4 Lite పేరు స్పష్టంగా కనిపిస్తోంది.
ఐఎండీఏ లిస్టింగ్ ద్వారా OnePlus Nord CE 4 Lite కి సంబంధించిన స్పెసిఫికేషన్స్ ఏవీ రివీల్ కాలేదు. కానీ, ఈ ఫోన్ లాంచ్ త్వరలో ఉంటుందని స్పష్టమైంది.
OnePlus Nord CE 4 Lite స్పెసిఫికేషన్స్
టిప్స్టర్ సంజు చౌదరి ద్వారా ఇటీవలె OnePlus Nord CE 4 Lite యొక్క ఇమేజ్ని సోషల్ మీడియా ప్లాట్ఫామ్ X పై షేర్ చేశారు. ఈ ఫోన్ ధర భారత్ లో రూ.20,000 లోపు ఉంటుందని టిప్స్టర్ అంచనా వేశారు.
{Exclusive}
Here is your first look at the back design of OnePlus Nord CE 4 lite ?
Specifications expected :-
? 6.67" FHD+ AMOLED display
120Hz RR
? Snapdragon 6 gen 1
? Android 14 (2+3 OS UPDATES)
? 50MP+2MP+ 16MP
? 5500mAh
– In-display FPs
-Under 20k#OnePlus… pic.twitter.com/b1HM9XXvud— Sanju Choudhary (@saaaanjjjuuu) May 6, 2024
డిస్ప్లే: OnePlus Nord CE 4 Lite లో 6.67-ఇంచ్ ఫుల్హెచ్డీ+ స్క్రీన్, అమోలెడ్ ప్యానెల్, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్: OnePlus Nord CE 4 Lite డివైజ్ లో క్వాల్కమ్ స్నాప్డ్రాగన్ 6 జెన్ 1 చిప్సెట్ ఉంటుంది.
కెమెరా: OnePlus Nord CE 4 Lite లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 2ఎంపి సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
బ్యాటరీ: OnePlus Nord CE 4 Lite లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంటుంది. ఫాస్ట్ చార్జింగ్ వివరాలు ఇంకా తెలియదు.
ఓఎస్: OnePlus Nord CE 4 Lite డివైజ్ ఆండ్రాయిడ్ 14 ఓఎస్ తో లాంచ్ కానుంది. రెండేళ్ళు ఓఎస్ అప్డేట్స్, 3 ఏళ్ళు సెక్యూరిటీ ప్యాచెస్ ఈ ఫోన్కి లభిస్తాయి.
