Nokia పేరెంట్ కంపెనీ HMD నుంచి త్వరలో పలు స్మార్ట్ఫోన్లు లాంచ్ కానున్నాయి. ఇప్పటికే వాటకి సంబంధించిన వివరాలు నెట్టింట్లో ప్రత్యక్షమయ్యాయి. తాజాగా HMD సంస్థ HMD Arrow స్మార్ట్ఫోన్ ఇండియా లాంచ్ని ఖరారు చేసింది. కొన్ని రోజుల నుంచి హెచ్ఎండీ బ్రాండ్ సోషల్ మీడియాలో తమ కొత్త డివైజ్ పేరు సూచించమంటూ ఒక కాంటెస్ట్ రన్ చేస్తోంది. ఇప్పుడు ఆ ఫోన్ పేరు Arrow అని కన్ఫర్మ్ చేసింది. HMD Arrow ఇండియా లాంచ్ వివరాలు, అంచనా స్పెసిఫికేషన్స్ తెలుసుకుందాం పదండి.
HMD Arrow ఇండియా లాంచ్ ఖరారు
HMD Arrow స్మార్ట్ఫోన్ భారత్ లో మరి కొన్ని వారాల్లో లాంచ్ కానుంది. ఈ విషయాన్ని హెచ్ఎండీ సంస్థ సోషల్ మీడియా ప్లాట్ఫామ్ X ద్వారా తెలిపింది.
HMD Arrow టీజర్ ని ఐపీఎల్ జట్టు రాజస్తాన్ రాయల్స్ సోషల్ మీడియా హ్యాండిల్ ద్వారా షేర్ చేసింది.
గ్లోబల్ గా లాంచైన HMD Pulse స్మార్ట్ఫోన్ కి రీబ్రాండ్ వర్షన్ గా HMD Arrow డివైజ్ మార్కెట్ లోకి వస్తున్నట్లు వార్తలు వినిపిస్తున్నాయి.
India, thank you for naming HMD's first smartphone — the all-new HMD Arrow. ??
Gear up for the arrival of @HMDdevicesIN Arrow in only a few weeks ?? pic.twitter.com/GBSVl29HpM
— Rajasthan Royals (@rajasthanroyals) May 11, 2024
HMD Arrow స్పెసిఫికేషన్స్ (అంచనా)
డిస్ప్లే: HMD Arrow లో 6.65-ఇంచ్ హెచ్డీ+ ఎల్సీడీ స్క్రీన్, 90 హెర్ట్జ్ రిఫ్రెష్ రేట్, 600 నిట్స్ హై బ్రైట్నెస్ ఉంటాయి.
ప్రాసెసర్: HMD Pulse లో యూనిఎస్ఓసీ టీ606 చిప్సెట్, మాలి-జీ57 జీపీయూ ఉంటాయి. మరోవైపు హెచ్ఎండీ వైబ్ డివైజ్ స్నాప్డ్రాగన్ 680 చిప్సెట్, అడ్రెనో జీపీయూ తో వస్తోంది. ఈ రెండింట్లో ఒక చిప్ ని HMD Arrow లో వాడా అవకాశం ఉంది.
ర్యామ్, స్టోరేజీ: HMD Arrow ఫోన్ 6జిబి ర్యామ్, 64జిబి/128జిబి వరకు స్టోరేజీ ఆప్షన్స్ లో లభించనుంది.
కెమెరా: HMD Arrow లో 13ఎంపి ప్రైమరీ కెమెరా, సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఉంటుంది.
బ్యాటరీ: HMD Arrow లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 10 వాట్ చార్జింగ్ సపోర్ట్ తో వస్తోంది.
కనెక్టివిటీ: HMD Arrow లో వై-ఫై 5, బ్లూటూత్ 5.0, జీపీఎస్, యూఎస్బీ-సీ 2.0, డ్యూయల్ సిమ్ వంటి కనెక్టివిటీ ఆప్షన్స్ ఉంటాయి.
ఓఎస్: HMD Arrow స్మార్ట్ఫోన్ ఆండ్రాయిడ్ 14 ఓఎస్ పై పని చేస్తుంది. ఈ ఫోన్కి 2 ఏళ్ళు ఓఎస్ అప్డేట్స్, 3 ఏళ్ళు సెక్యూరిటీ అప్డేట్స్ లభిస్తాయి.
ఇతర ఫీచర్లు: HMD Arrow లో 3.5 ఎంఎం ఆడియో జాక్, సింగిల్ స్పీకర్, మైక్రోఎస్డీ కార్డ్ స్లాట్, ఐపీ52 స్ప్లాష్ అండ్ డస్ట్ రెసిస్టన్స్ రేటింగ్, సైడ్-మౌంటెడ్ ఫింగర్ ప్రింట్ స్కానర్ ఉంటాయి.
