ప్రముఖ స్మార్ట్ఫోన్ తయారీదారు Xiaomi నుంచి త్వరలో షావోమి 15 సిరీస్ లాంచ్ కానుంది. ఈ లైనప్ లో Xiaomi 15, Xiaomi 15 Pro డివైజెస్ మార్కెట్ లోకి రానున్నాయి. ఈ రెండు ఫోన్లలో స్నాప్డ్రాగన్ 8 జెన్ 4 చిప్సెట్ ఉంటుందని అంచనా వేస్తున్నారు. తాజా లీక్ ద్వారా Xiaomi 15 Pro యొక్క కెమెరా స్పెసిఫికేషన్స్ మరియు డిజైన్ రివీల్ అయ్యాయి. ఓసారి ఆ విశేషాలు తెలుసుకుందాం.
Xiaomi 15 Pro స్పెసిఫికేషన్స్, డిజైన్ (లీక్)
ప్రముఖ టిప్స్టర్ డిజిటల్ చాట్ స్టేషన్ Xiaomi 15 Pro వివరాలను చైనాకు చెందిన మైక్రో-బ్లాగింగ్ సైట్ Weibo పై షేర్ చేశారు.
లీక్ ప్రకారం, Xiaomi 15 Pro డివైజ్ స్క్వేర్-షేప్డ్ కెమెరా మాడ్యూల్ ఉంటుందని తెలుస్తోంది. మాడ్యూల్ కి బయట ఫ్లాష్ ఉంటుంది.
కెమెరా మాడ్యూల్ లో 50ఎంపి ప్రైమరీ కెమెరా, 50ఎంపి అల్ట్రావైడ్ యాంగిల్ లెన్స్, 50ఎంపి పెరిస్కోప్ టెలీఫోటో లెన్స్ ఉంటాయి.
మరో కథనం ప్రకారం, Xiaomi 15 Pro లో సర్క్యులర్ కెమెరా మాడ్యూల్ ఉంటుందని తెలుస్తోంది.
Xiaomi 14 Pro లో శాంసంగ్ జెఎన్1 50ఎంపి సెన్సర్ని అల్ట్రావైడ్ మరియు టెలీఫోటో కోసం ఇచ్చారు. కానీ, Xiaomi 15 Pro లో వేరే సెన్సర్స్ ఇవ్వనున్నట్లు తెలుస్తోంది.
Xiaomi 15 సిరీస్ స్పెసిఫికేషన్స్ (లీక్)
Xiaomi 15 లో 6.36-ఇంచ్ ఫ్లాట్ అమోలెడ్ డిస్ప్లే ఉంటుంది. ఈ ఫోన్ లో అల్ట్రాసోనిక్ ఫింగర్ప్రింట్ స్కానర్ని భద్రత కోసం అందించనున్నారు.
Xiaomi 15 Pro లో 2కే మైక్రో-కర్వ్డ్ స్క్రీన్ అందించనున్నట్లు డివైజ్ యొక్క ప్రోటో టైప్ ద్వారా తెలుస్తోంది.
Xiaomi 15 మరియు Xiaomi 15 Pro ఫోన్లలో క్వాల్కమ్ స్నాప్డ్రాగన్ 8 జెన్ 4 చిప్సెట్ ని అందించనున్నారు. ఈ చిప్సెట్ 3 నానోమీటర్ ఫ్యాబ్రికేషన్ పై తయారవ్వనుంది. దీని హయ్యస్ట్ క్లాక్ స్పీడ్ 4.0GHz. అక్టోబర్ నెలలో ఈ చిప్ లాంచ్ కానుంది.
Xiaomi 15 సిరీస్ లోని రెండు ఫోన్లలో ట్రిపుల్ రియర్ కెమెరా సెటప్ ఉంటుంది. Xiaomi 15 Pro లో 50ఎంపి ప్రైమరీ కెమెరా, 50ఎంపి పెరిస్కోప్ టెలీఫోటో లెన్స్ ఉంటాయి.
