ప్రముఖ స్మార్ట్ఫోన్ బ్రాండ్ Motorola త్వరలో ఒక కొత్త జీ-సిరీస్ ఫోన్ని లాంచ్ చేయనుంది. Moto G85 5G పేరుతో ఈ డివైజ్ మార్కెట్ లోకి రానుంది. గత మోడల్ Moto G84 5G కి సక్సెసర్గా జీ85 5జీ రానుంది. తాజాగా ఈ ఫోన్ యొక్క రెండర్స్, డిజైన్ మరియు స్పెసిఫికేషన్స్ లీక్ అయ్యాయి. ఓసారి మోటో జీ85 5జీ యొక్క డిజైన్, రెండర్స్ మరియు స్పెసిఫికేషన్స్ వివరాలు తెలుసుకుందాం పదండి.
Moto G85 5G డిజైన్, కలర్ ఆప్షన్స్ (లీక్)
ప్రముఖ టిప్స్టర్ ఇవాన్ బ్లాస్ Moto G85 5G యొక్క వివరాలను సోషల్ మీడియా మాధ్యమం X పై షేర్ చేశారు.
లీకైన రెండర్స్ని గమనిస్తే, Moto G85 5G బ్రాస్, డార్క్ గ్రే మరియు బ్లూ కలర్ ఆప్షన్స్ లో రానుందని అర్థమవుతోంది.
Moto G85 5G డివైజ్ లో పంచ్ హోల్ కటౌట్, సన్నని బెజెల్స్, కర్వ్డ్ డిజైన్ ఉన్నాయి.
బ్యాక్ ప్యానెల్ పై డ్యూయల్ రియర్ కెమెరా సెటప్, ఒక ఎల్ఈడీ ఫ్లాష్ ఉన్నాయి. కెమెరా మాడ్యూల్ కాస్త పైకి ఉబికినట్లు ఉంది.
పవర్ మరియు వాల్యూమ్ బటన్స్ ఫోన్కి కుడివైపున ఉన్నాయి. బాటమ్ లో యూఎస్బీ టైప్-సీ పోర్ట్ ఉంది.
లీకైన ఇమేజ్ చూస్తే, ముందు డిస్ప్లేపై ఫోన్ పేరు స్పష్టంగా కనిపిస్తోంది. బ్యాక్ ప్యానెల్ పై మధ్యలో మోటోరోలా బ్రాండింగ్ ఉంది.
— Evan Blass (@evleaks) May 27, 2024
Moto G85 5G స్పెసిఫికేషన్స్ (లీక్)
డిస్ప్లే: టిప్స్టర్ మిస్టరీ లుపిన్ ప్రకారం, Moto G85 5G డివైజ్ లో 6.67-ఇంచ్ పీఓఎల్ఈడీ స్క్రీన్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్: Moto G85 5G లో క్వాల్కమ్ స్నాప్డ్రాగన్ 6ఎస్ జెన్ 3 చిప్సెట్, అడ్రెనో 619 జీపీయూ ఉంటాయి. ప్రాసెసర్ హయ్యస్ట్ క్లాక్ స్పీడ్ 2.3GHz.
కెమెరా: Moto G85 5G లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 9ఎంపి అల్ట్రావైడ్/మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంటుంది.
మెమొరీ: Moto G85 5G లో 8జిబి ర్యామ్, 256జిబి వరకు స్టోరేజీ ఉంటాయి. ఇతర మెమొరీ ఆప్షన్స్ కూడా ఉండే అవకాశం ఉంది.
బ్యాటరీ: Moto G85 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ సపోర్ట్ తో వస్తోంది.
ఓఎస్: Moto G85 5G డివైజ్ ఆండ్రాయిడ్ 14 ఓఎస్ తో లాంచ్ కానుంది.
లీక్ ప్రకారం, Moto G85 5G స్మార్ట్ఫోన్ 173 గ్రాముల బరువు ఉంటుందని తెలుస్తోంది. త్వరలో ఈ ఫోన్ కి సంబంధించిన లాంచ్ వివరాలు వెల్లడయ్యే అవకాశం ఉంది.
