ప్రముఖ స్మార్ట్ఫోన్ బ్రాండ్ Vivo వై-సిరీస్ లో ఒక కొత్త ఫోన్ లాంచ్ చేసింది. Vivo Y28 4G పేరుతో ఈ డివైజ్ గ్లోబల్ మార్కెట్ లోకి ఎంట్రీ ఇచ్చింది. 6000 ఎంఏహెచ్ బ్యాటరీ, 16జిబి వరకు ర్యామ్, మీడియాటెక్ హీలియో జీ85 చిప్సెట్, ఎల్సీడీ డిస్ప్లే వంటి స్పెసిఫికేషన్స్ ఉన్నాయి. ఓసారి ఈ ఫోన్ ధర, లభ్యత మరియు పూర్తి స్పెసిఫికేషన్స్ తెలుసుకుందాం.
Vivo Y28 4G ధర
Vivo Y28 4G స్మార్ట్ఫోన్ 8జిబి ర్యామ్ + 256జిబి స్టోరేజీ సిండిల్ మెమొరీ వేరియంట్ లో లాంచ్ అయ్యింది. సింగపూర్ రిటైలర్ వెబ్సైట్ లో సింగపూర్ 269 డాలర్లు గా దీని ధర లిస్ట్ అయ్యింది. భారత కరెన్సీలో దీన్ని రూ.16,400 గా చెప్పవచ్చు.
Vivo Y28 4G స్మార్ట్ఫోన్ అగేట్ గ్రీన్ మరియు గ్లీమింగ్ ఆరెంజ్ కలర్ ఆప్షన్స్ లో లభిస్తుంది. భారత్ లో ఈ ఫోన్ లాంచ్ అవుతుందో లేదో ఇంకా తెలియదు.
Vivo Y28 4G స్పెసిఫికేషన్స్
డిస్ప్లే: Vivo Y28 4G లో 6.68-ఇంచ్ ఎల్సీడీ స్క్రీన్, 1608*720 పిక్సెల్స్ రెజుల్యూషన్, 90 హెర్ట్జ్ రిఫ్రెష్ రేట్, 264 పీపీఐ పిక్సెల్ డెన్సిటీ 1000 నిట్స్ పీక్ బ్రైట్నెస్ ఉన్నాయి.
చిప్సెట్: Vivo Y28 4G లో మీడియాటెక్ హీలియో జీ85 ప్రాసెసర్ వాడారు. ఇది 12 నానోమీటర్ ఫ్యాబ్రికేషన్ పై తయారైంది. గ్రాఫిక్స్ కోసం మాలి జీ52 జీపీయూ వాడారు.
మెమొరీ: Vivo Y28 4G డివైజ్ 8జిబి ఎల్పీడీడీఆర్4ఎక్స్ ర్యామ్, 8జిబి వర్చువల్ ర్యామ్, 256జిబి ఈఎంఎంసీ 5.1 స్టోరేజీ ఉన్నాయి. మైక్రోఎస్డీ కార్డ్ సాయంతో మెమొరీని 1టిబి వరకు పెంచుకోవచ్చు.
కెమెరా: Vivo Y28 4G లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి బొకే లెన్స్ ఉన్నాయి. డైనమిక్ లైట్ తో కూడిన ఎల్ఈడీ ఫ్లాష్ ఈ ఫోన్ లో ఉంది.
బ్యాటరీ: Vivo Y28 4G లో పవర్ బ్యాకప్ కోసం 6000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్: Vivo Y28 4G స్మార్ట్ఫోన్ ఆండ్రాయిడ్ 14 ఓఎస్ ఆధారిత ఫన్టచ్ఓఎస్ 14 కస్టమ్ స్కిన్ పై పని చేస్తుంది.
ఇతర ఫీచర్లు: Vivo Y28 4G లో డ్యూయల్ సిమ్, 4జీ, బ్లూటూత్ 5.0, వై-ఫై 5, యూఎస్బీ 2.0, జీపీఎస్, ఓటీజీ, ఎఫ్ఎమ్ వంటి ఫీచర్లు ఉన్నాయి.
