ప్రముఖ స్మార్ట్ఫోన్ బ్రాండ్ Infinix నేడు భారతీయ మార్కెట్ లో జీరో సిరీస్ లో కొత్త ఫోన్ లాంచ్ చేసింది. Infinix Zero 40 5G పేరుతో ఈ ఫోన్ విడుదలైంది. 3డీ కర్వ్డ్ అమోలెడ్ స్క్రీన్, డైమెన్సిటీ 8200 అల్టిమేట్ చిప్సెట్, 12జిబి ర్యామ్, 50ఎంపి ఫ్రంట్ కెమెరా, 108ఎంపి రియర్ కెమెరా వంటి ఫీచర్లు ఈ ఫోన్ లో ఉన్నాయి. ఈ ఫోన్ యొక్క ధర, సేల్ వివరాలు మరియు పూర్తి స్పెసిఫికేషన్స్ ఎలా ఉన్నాయో ఇప్పుడు తెలుసుకుందాం.
Infinix Zero 40 5G ధర, లభ్యత
Infinix Zero 40 5G స్మార్ట్ఫోన్ రెండు స్టోరేజీ వేరియంట్స్ లో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం.
12జిబి ర్యామ్ + 256జిబి స్టోరేజీ వేరియంట్ ధరను రూ.27,999 గా నిర్ణయించారు. 12జిబి ర్యామ్ + 512జిబి స్టోరేజీ టాప్ మోడల్ ధరను రూ.30,999 గా పెట్టారు.
లాంచ్ ఆఫర్ లో భాగంగా ఈ ఫోన్ పై రూ.3,000 బ్యాంక్ డిస్కౌంట్ ని కంపెనీ ఆఫర్ చేస్తోంది. కొన్ని ఎంపిక చేసిన బ్యాంక్ ట్రాన్సాక్షన్స్ పై ఈ ఆఫర్ లభిస్తుంది.
డిస్కౌంట్ తర్వాత, బేస్ మోడల్ రూ.24,999 కి, టాప్ మోడల్ రూ.27,999 కి లభిస్తుంది.
మూవింట్ టైటానియమ్, రాక్ బ్లాక్ మరియు వయొలెట్ గార్డెన్ కలర్ ఆప్షన్స్ లో ఈ ఫోన్ అందుబాటులో ఉంది.
సెప్టెంబర్ 21వ తేదీ నుంచి ఫ్లిప్కార్ట్ ద్వారా Infinix Zero 40 5G సేల్ ప్రారంభమవుతుంది. రిటైల్ ఔట్లెట్స్ లో కూడా ఈ ఫోన్ని కొనుగోలు చేయవచ్చు.
Infinix Zero 40 5G స్పెసిఫికేషన్స్
డిస్ప్లే: Infinix Zero 40 5G లో 6.78-ఇంచ్ 3డీ కర్వ్డ్ అమోలెడ్ స్క్రీన్, 144 హెర్ట్జ్ రిఫ్రెష్ రేట్, 1300 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ ఉన్నాయి.
ప్రాసెసర్: Infinix Zero 40 5G లో మీడియాటెక్ డైమెన్సిటీ 8200 చిప్సెట్ అందించారు. ఈ ఫోన్ 24జిబి వరకు డైనమిక్ ర్యామ్ కి సపోర్ట్ చేస్తుంది. అలాగే 512జిబి వరకు ఇంటర్నల్ స్టోరేజీని ఈ ఫోన్లో అందించారు.
సాఫ్ట్వేర్: Infinix Zero 40 5G ఆండ్రాయిడ్ 14 ఓఎస్ ఆధారిత ఇన్ఫినిక్స్ యూఐ కస్టమ్ స్కిన్ తో లాంచ్ అయ్యింది.
కెమెరా: Infinix Zero 40 5G లో డ్యూయల్ రియర్ కెమెరా సెటప్ ఉంది. ఇందులో 108ఎంపి ప్రైమరీ కెమెరా, 50ఎంపి అల్ట్రావైడ్ లెన్స్ ఉంది. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంది.
బ్యాటరీ, చార్జింగ్: Infinix Zero 40 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 45 వాట్ వైర్డ్ ఫాస్ట్ చార్జింగ్, 20 వాట్ వైర్లెస్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Infinix Zero 40 5G లో డ్యూయల్ సిమ్, బ్లూటూత్, వై-ఫై, ఎన్ఎఫ్సీ, జెమిని ఏఐ అసిస్టెంట్ వంటి ఆప్షన్స్ ఉన్నాయి.
