హైలైట్స్:
- ఓ వీడియో ద్వారా లీకైన మోటో జీ32 భారత వేరియంట్ డిజైన్
- 6.5 అంగుళాల హెచ్డీ+ 90 హెర్ట్జ్ డిస్ప్లే, స్నాప్ డ్రాగన్ 680 చిప్, 16ఎంపి సెల్ఫీ కెమెరా ఈ ఫోన్ ప్రధాన ఫీచర్లు
- ఫ్లిప్ కార్ట్ ద్వారా మోటో జీ32 అమ్ముడుకానుంది. భారత్ లో ఈ ఫోన్ ధర రూ.13,000 ఉండే అవకాశం
ఆగస్టు 9 న భారత్ లో మోటో జీ32 స్మార్ట్ ఫోన్ లాంచ్ అవుతోంది. గత నెలలో యూరప్ లో ఈ ఫోన్ లాంచ్ అయ్యింది. లాంచ్ కి ముందు, ప్రముఖ టిప్ స్టర్ ముకుల్ శర్మ మోటో జీ32 యొక్క ఫస్ట్ హ్యాండ్స్-ఆన్ లుక్ ని షేర్ చేశాడు. భారత్ లో ఈ మోటోరోలా హ్యాండ్సెట్ ఎంట్రీ లెవెల్ యూనిసాక్ చిప్సెట్ తో వస్తోందని వార్తలు వచ్చాయి. యూరోపియన్ వర్షన్ లో స్నాప్ డ్రాగన్ 680 చిప్ ను వాడారు. అయితే, భారత్ లో కూడా స్నాప్ డ్రాగన్ 680 ప్రాసెసర్ తో కూడిన మోటో జీ32 వస్తుందని టిప్ స్టర్ ముకుల్ శర్మ అన్నాడు.
గతంలో, మోటో జీ32 ఎన్సీసీ సర్టిఫికేషన్ ద్వారా మోటో జీ32 యొక్క లైవ్ ఇమేజెస్, బాక్స్ కంటెంట్ గుడీస్ రివీల్ అయ్యాయి. తర్వాత లీక్డ్ రెండర్స్ ద్వారా ఫోన్ ఫస్ట్ లుక్ ని కూడా మనం చూశాం. ఇక ఇప్పుడు మోటో జీ32 యొక్క పూర్తి రూపం మన ముందుకు వచ్చింది.
Moto G32 భారత వేరియంట్ డిజైన్ లీక్
[Exclusive] moto g32 is launching tomorrow in India. Ahead of launch, here's the first hands-on look of the Indian variant of the device for the #stufflistingsarmy ?
Feel free to retweet.#motorola #motog32 #AllYouWant pic.twitter.com/Il5zpgO2GY— Mukul Sharma (@stufflistings) August 8, 2022
పైన వీడియోలో, టిప్ స్టర్ బ్లాక్ కలర్ మోటో జీ32 ని రివీల్ చేశాడు. మోటో జీ32 ఎరుపు రంగు వర్షన్ కూడా అందుబాటులో ఉంది. బాటమ్ లో డిస్ప్లే స్లిమ్ చిన్ ని కలిగి ఉంది. మోటో జీ32 ఫోన్లో కుడివైపు పవర్ బటన్, వాల్యూమ్ రాకర్ ఉన్నాయి. ఇక 3.5ఎంఎం హెడ్ ఫోన్ జాక్, స్పీకర్ గ్రిల్, సిమ్ కార్డ్ ట్రే, యూఎస్బీ టైప్ సీ పోర్ట్ బాటమ్ లో ఉన్నాయి.
Moto G32 స్పెసిఫికేషన్స్, ధర (అంచనా)
మోటో జీ32 స్మార్ట్ ఫోన్ లో 6.5 అంగుళాల హెచ్డీ+ ఎల్సీడీ డిస్ప్లే, 90 హెర్ట్జ్ రిఫ్రెష్ రేట్, క్వాల్కమ్ స్నాప్ డ్రాగన్ 680 ప్రాసెసర్, 5,000 ఎంఏహెచ్ బ్యాటరీ, 30 వాట్ ఫాస్ట్ చార్జింగ్ సపోర్ట్ ఉన్నాయి. 4జిబి ర్యామ్, 128జిబి స్టోరేజీ, 1టీబీ వరకు మైక్రో ఎస్డీ కార్డ్ ద్వారా స్టోరేజీని పెంచుకునే అవకాశముంది.
ఇప్పుడు మోటో జీ32 స్మార్ట్ ఫోన్ యొక్క కెమెరా విభాగం గురించి తెలుసుకుందాం. మోటో జీ32 స్మార్ట్ ఫోన్లో 50ఎంపి ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఉన్నాయి. సెల్పీలు, వీడియో కాల్స్ కొరకు ముందువైపున 16ఎంపి కెమెరాను అమర్చారు. ఆండ్రాయిడ్ 12 ఓఎస్ పై ఫోన్ పని చేస్తుంది. మోటో జీ32 స్మార్ట్ ఫోన్ ని ఫ్లిప్ కార్ట్ ద్వారా కొనుగోలు చేయవచ్చు. భారత్ లో మోటో జీ32 ధర రూ.13,000.
