హైలైట్స్:
- సెప్టెంబర్ 6 న భారత్ లో లాంచ్ అవుతోన్న రియల్ మీ సీ33 స్మార్ట్ ఫోన్
- సన్నగా, తక్కువ బరువులో బౌండ్లెస్ సీ డిజైన్ తో వస్తున్న హ్యాండ్సెట్
- 5000ఎంఏహెచ్ బ్యాటరీ, 50ఎంపి డ్యూయల్ రియర్ కెమెరాలు ఈ ఫోన్ ప్రధాన ఫీచర్లు
సెప్టెంబర్ 6 న రియల్ మీ, రెడ్మీ కంపెనీల యొక్క లాంచ్ ఈవెంట్స్ జరగనున్నాయి. రెడ్మీ నుంచి రెడ్మీ 11 ప్రైమ్ సిరీస్ మరియు రెడ్మీ ఏ1 స్మార్ట్ ఫోన్స్ లాంచ్అ వుతుండగా, రియల్ మీ నుంచి రియల్ మీ వాచ్ 3 ప్రో, రియల్ మీ సీ33 లాంచ్ అవుతున్నాయి. సెప్టెంబర్ 6 న మధ్యాహ్యం 12 గంటలకు సీ-సిరీస్ స్మార్ట్ ఫోన్ లాంచ్ అవుతుందని ఇటీవలె రియల్ మీ కంపెనీ కన్ఫర్మ్ చేసింది. రియల్ మీ అధికార వెబ్ సైట్ లో సీ33 కి సంబంధించిన ల్యాండింగ్ పేజీని మనం గమనించవచ్చు. రియల్మీ సీ33 యొక్క ముఖ్యమైన ఫీచర్లను, డిజైన్ ఆ పేజీ ద్వారా తెలుస్తున్నాయి.
Realme C33 డిజైన్
రియల్మీ వెబ్ సైట్ ప్రకారం, రియల్మీ సీ33 స్మార్ట్ ఫోన్ బౌండ్లెస్ సీ డిజైన్, మెరిసే బ్యాక్ ప్యాననెల్, డ్యూయల్ రియర్ కెమెరాలతో వస్తోంది. చూస్తుంటే, ఫోన్ అచ్చంగా రియల్మీ 9ఐ 5జీ మాదిరి కనిపిస్తోంది. హ్యాండ్సెట్ బరువు 187 గ్రాములు, మందం 8.3 మిల్లీమీటర్లు ఉంటుందని చెబుతున్నారు. ఇక ఫోన్ భద్రత కొరకు సైడ్-మౌంటెడ్ ఫింగర్ ప్రింట్ సెన్సర్ ని అమర్చారు. సీ33 లో 3.5 ఎంఎం ఆడియో జాక్ ఉండటం విశేషం. అలాగే ఒక స్పీకర్ గ్రిల్ ఉంది. ఇంకా బాటమ్ లో యూఎస్బీ టైప్ సీ పోర్ట్ ఉంది. రియల్మీ సీ33 స్మార్ట్ ఫోన్ సాండీ గోల్డ్, ఆక్వా బ్లూ, నైట్ సీ కలర్ ఆప్షన్స్ లో లభించనుంది.
Realme C33 స్పెసిఫికేషన్స్
రియల్మీ సీ33 స్పెసిఫికేషన్స్ ని గమనిస్తే, వెనకాల రెండు కెమెరాలున్నాయి. వీటిలో ఒకటి 50ఎంపి ప్రైమరీ కెమెరా. సెగ్మెంట్ బెస్ట్ పిక్సెల్ పెర్ఫామెన్స్, మల్టీ ఫోటోగ్రఫీ మోడ్స్, సీహెచ్డీఆర్ ఆల్గొరిథమ్ (బ్లాక్ లిట్ ఫోటోల కోసం) వంటి ఫీచర్లను ఈ ఫోన్ కలిగి ఉందని రియల్మీ సంస్థ చెబుతోంది. ఇక ఈ ఫోన్ 5000ఎంఏహెచ్ బ్యాటరీ కలిగి ఉండి, 37 గంటల స్టాండ్ బై అందిస్తుంది. రియల్మీ సీ33 లో అల్ట్రా-సేవింగ్ మోడ్ ఉండటం చేత, శక్తి వినియోగం మరింత మెరుగుపడుతుందని కంపెనీ చెబుతోంది.
రియల్మీ సీ33 స్మార్ట్ ఫోన్ 3జిబి ర్యామ్ + 32జిబి స్టోరేజీ, 4జిబి ర్యామ్ + 64జిబి స్టోరేజీ, 4జిబి ర్యామ్ + 128జిబి స్టోరేజీ వేరియంట్లలో లభ్యమవుతుందని ప్రముఖ టిప్ స్టర్ సుదాన్శు అంభోరే తెలిపాడు. ఇక హ్యాండ్సెట్ ధర రూ.9,500 నుంచి రూ.10,500 మధ్య ఉంటుందని సమాచారం. తక్కువ బడ్జెట్ లో మంచి కెమెరా, కెమెరా మోడ్స్ కావాలని అనుకునే వారు రియల్మీ సీ33 ఫోన్ ని కొనుగోలు చేయవచ్చు.
లేటెస్ట్ స్మార్ట్ ఫోన్, టెలీకామ్, ఆటోమొబైల్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
