హైలైట్స్:
- సెప్టెంబర్ 15 న లాంచ్ అవుతోన్న Vivo V25 5G
- మీడియాటెక్ డైమెన్సిటీ 900 చిప్ తో Vivo V25 5G వస్తున్నట్లు సమాచారం
- ఫ్లిప్ కార్ట్, వివో ఆన్లైన్ స్టోర్స్ ద్వారా సేల్ కి రానున్న Vivo V25 5G
గత నెలలో వివో ఇండియా వీ25 ప్రో ఫోన్ ని లాంచ్ చేసింది. అయితే వీ25 ఫోన్ కూడా అప్పుడే లాంచ్ అవుతుందని అనుకున్నారు. కానీ, అలా జరగలేదు. అయితే, ఈ నెలలో Vivo V25 5G లాంచ్ అవుతుందని వార్తలు వినిపించాయి. తాజాగా సెప్టెంబర్ 15 న Vivo V25 5G లాంచ్ అవ్వనున్నట్లు వివో కంపెనీ ప్రకటించింది. అందుకు సంబంధించిన మైక్రోసైట్ ఫ్లిప్ కార్ట్ లో దర్శనమిస్తోంది.
భారత్ లో Vivo V25 5G ధర, స్పెసిఫికేషన్స్
Vivo V25 5G ఫ్లిప్ కార్ట్, వివో ఆన్ లైన్ స్టోర్, ఆఫ్ లైన్ రిటైల్ ఔట్లెట్స్ ద్వారా లభ్యమవుతుంది. ఈ హ్యాండ్సెట్ లో ట్రిపుల్ కెమెరాలు, ఎల్ఈడీ ఫ్లాష్ రెక్టాంగ్యులర్ మాడ్యూల్ లో ఉంటాయని టీజర్ పిక్ ద్వారా తెలుస్తోంది. బాటమ్ లో సిమ్ ట్రే సెక్షన్, స్పీకర్ గ్రిల్స్, యూఎస్బీ టైప్-సీ పోర్ట్ ఉన్నాయి.
లిస్టింగ్ ని బట్టి, Vivo V25 5G లో వెనకాల మూడు కెమెరాలు ఉన్నాయి. ఫ్రంట్ లో 50ఎంపి కెమెరా బొకే ఫ్లేర్ పోట్రెయిట్ ఫీచర్ తో వస్తుండటం విశేషం. పోట్రెయిట్ ఇమేజెస్ నేచురల్ గా వస్తాయని కంపెనీ చెబుతోంది.
ఇక స్పెసిఫికేషన్స్ మరియు ఫీచర్ల విషయానికి వస్తే, Vivo V25 5G రెండు రంగుల వేరియంట్స్ లో లభిస్తుంది. అవి: బ్లాక్, బ్లూ. నీలం రంగు మోడల్ ఫ్లోరైట్ ఏజీ గ్లాస్ టెక్నాలజీని కలిగి ఉంటుంది. దీని వల్లన బ్యాక్ ప్యానెల్ కలర్స్ మారుస్తుంటుంది. ఈ కలర్ చేంజింగ్ టెక్నాలజీ Vivo V25 5G యొక్క ముఖ్యమైన ఫీచర్. ఇకపోతే ఈ ఫోన్ నథింగ్ ఫోన్ (1), పోకో ఎఫ్4 5జీ తదితర ఫోన్లతో పోటీపడనుంది.
Vivo V25 5G లో మీడియాటెక్ డైమెన్సిటీ 900 చిప్ ని అమర్చినట్లు సమాచారం. అలాగే ఇందులో 12జిబి వరకు ర్యామ్, 256జిబి వరకు స్టోరేజీ ఉండనుంది. ఇప్పుడు డిస్ప్లే వివరాలను చూద్దాం. Vivo V25 5G లో 6.44 అంగుళాల ఫుల్ హెచ్డీ+ అమోలెడ్ డిస్ప్లే ఉండనుంది. ఇది 90 హెర్ట్జ్ రిఫ్రెష్ రేట్ కలిగి ఉంటుంది. ఇప్పుడు కెమెరా విభాగం గురించి తెలుసుకుందాం. Vivo V25 5G లో 64ఎంపి ట్రిపుల్ రియర్ కెమెరా ఉండనుంది. సెల్ఫీలు, వీడియో కాల్స్ కోసం ఇందులో ముందు వైపున 50ఎంపి కెమెరాను అందిస్తుండటం విశేషం. ఇక బ్యాటరీ విభాగానికి వస్తే, Vivo V25 5G లో 4500 ఎంఏహెచ్ బ్యాటరీని అమర్చినట్లు సమాచారం. ఇది 44 వాట్ ఫాస్ట్ చార్జింగ్ సపోర్ట్ కలిగి ఉంటుంది. Vivo V25 5G 7.79 మిల్లీ మీటర్లు మందం, 186 గ్రాముల బరువు ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
