లీకైన OPPO A17 స్మార్ట్ ఫోన్ డిజైన్

హైలైట్స్:

• ఇటీవలి కాలంలో వరుసగా ఏ-సిరీస్ ఫోన్లను లాంచ్ చేస్తున్న ఒప్పో
• లో-బడ్జెట్ సెగ్మెంట్ ని టార్గెట్ చేస్తూ OPPO A17 ని లాంచ్ చేయాలని ప్లాన్ చేస్తున్న ఒప్పో
• తాజాగా లీకైన OPPO A17 రెండర్ ఇమేజ్

OPPO A16 ఫోన్ ని రిప్లేస్ చేసేందుకు OPPO A17 ఫోన్ వచ్చేస్తోంది. ఏడాది మొత్తం ఏ-సిరీస్ హ్యాండ్సెట్స్ ని లాంచ్ చేస్తూ పోతున్న ఒప్పో కంపెనీ మరొక బడ్జెట్ ఫ్రెండ్లీ ఫోన్ OPPO A17 ని లాంచ్ చేసేందుకు రంగం సిద్ధం చేసుకుంటోంది. తాజాగా ఈ ఫోన్ యొక్క రెండర్స్ లీక్ అయ్యాయి.

OPPO A17 యొక్క డిజైన్ ఎలిమెంట్స్ ని పరిశీలిస్తే, సంప్రదాయ ఏ-సిరీస్ డిజైన్ శైలిని కలిగి ఉంది. చిన్నపాటి వాటర్ డ్రాప్ నాచ్, వర్టికల్ గా అమరిన రియర్ కెమెరాలు కనిపిస్తున్నాయి. సర్క్యులర్ మాడ్యూల్ లో కెమెరాలు ఉన్నాయి. ఇప్పుడంతా ఇదే ట్రెండ్ నడుస్తున్న సంగతి తెలిసిందే. పెద్దగా ఉన్న రింగ్స్ లో కెమెరాలను అమర్చుతున్నారు. ఈ టైప్ చూడటానికి బాగుంటోంది. అందుకే ఇండస్ట్రీలో దాదాపుగా అన్ని సంస్థలు ఈ రింగ్ లో కెమెరా డిజైన్ ని ఫాలో అవుతున్నాయి. ప్రత్యేకించి చైనాకు చెందిన స్మార్ట్ ఫోన్ బ్రాండ్స్ ఈ డిజైన్ తో కూడిన కెమెరా మాడ్యూల్స్ ని తమ ఫోన్లలో అమర్చుతున్నాయి.

తాజాగా OPPO A17 లో కూడా ఇదే విధంగా ఫోన్ బ్యాక్ ప్యానెల్ లో రెండు రింగ్స్ లో కెమెరాలు ఒదిగి కనిపిస్తున్నాయి. లీకైన OPPO A17 రెండర్ ఇమేజెస్ ని బట్టి ఫోన్ లుక్ చాలా బాగుందనిపిస్తోంది. ఆకర్షణీయంగా ఫోన్ డిజైన్ ని తీర్చిదిద్దారు. ఇటీవలి కాలంలో బడ్జెట్ సెగ్మెంట్ లో ఫీచర్ల కంటే, డిజైన్ పైనే ఎక్కువ ఫోకస్ ఉంటోంది. ఫోన్ డిజైన్ ని చూసి జనాలు మారు మాట్లాడకుండా కొనేస్తున్నారు. అయితే ఫీచర్లు, స్పెసిఫికేషన్లు కూడా ముఖ్యమే అన్న సంగతి మరవకూడదు. ఏదేమైనా తక్కువ బడ్జెట్ ఫోన్లలో ఉండాల్సిన మినిమమ్ ఫీచర్లు అందిస్తూ, చక్కటి డిజైన్ ని అందిస్తే అప్పుడు అటు కంపెనీలకు, ఇటు కొనుగోలుదారులకు బిగ్ ప్లస్ అవుతుంది.

ఈ నెలాఖరు వరకు OPPO A17 స్మార్ట్ ఫోన్ మార్కెట్ లోకి ప్రవేశించే అవకాశం ఉంది. అంటే కొన్ని రోజుల్లో ఫోన్ యొక్క పూర్తి ఫీచర్లు, స్పెసిఫికేషన్లు బయటకు రానున్నాయన్న మాట. ఈ నెల పూర్తయ్యేందుకు మరొక ఐదారు రోజుల సమయమే ఉన్నందున ఏ క్షణమైనా ఒప్పో నుంచి ప్రకటన రావచ్చు.

OPPO A17 స్పెసిఫికేషన్స్ (అంచనా)

ఇప్పటి వరకు OPPO A17 కి సంబంధించిన స్పెసిఫికేషన్స్ ఏమీ బయటకు రాలేదు. కానీ, ఇందులో 6.5-ఇంచ్ ఐపీఎస్ ఎల్సీడీ డిస్ప్లే, వాటర్ డ్రాప్ నాచ్, 270 పిక్సెల్ పర్ ఇంచ్ డెన్సిటీ, 20:9 యాస్పెక్ట్ రేషియో, ఆండ్రాయిడ్ 11, కలర్ ఓఎస్ 11 కస్టమ్ స్కిన్, 4జిబి ర్యామ్, 64జిబి స్టోరేజీ, మైక్రోఎస్డీ కార్డ్ ఆప్షన్, డ్యూయల్ రియర్ కెమెరా సెటప్, 16ఎంపి ప్రైమరీ కెమెరా, 2ఎంపి సెకండరీ లెన్స్, 8ఎంపి సెల్ఫీ కెమెరా, 4500 ఎంఏహెచ్ బ్యాటరీ, యూఎస్బీ టైప్-సీ పోర్ట్, 3.5ఎంఎం ఆడియో జాక్, వై-ఫై, బ్లూటూత్ వంటి ఫీచర్లు ఉండే అవకాశం ఉంది.

లేటెస్ట్ స్మార్ట్ ఫోన్, ఆటోమొబైల్, టెలీకామ్, టెక్నాలజీ, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.