రూ.50,999 ధరకి అమెజాన్ లో అందుబాటులో ఉన్న Samsung Galaxy S22, కొనొచ్చంటారా?

హైలైట్స్:

• అమెజాన్ లో రూ.50,999 కే అందుబాటులో ఉన్న Samsung Galaxy S22
• అమెజాన్ కూపన్, క్రెడిట్ కార్డ్ ఆఫర్స్ ద్వారా రూ.10,000 డిస్కౌంట్ తో కలిపి ఆఫర్ వర్తింపు
• ఇటీవలె లాంచ్ అయిన పిక్సెల్ 7 కి గట్టి పోటీ ఇవ్వనున్న Samsung Galaxy S22

Samsung Galaxy S22 స్మార్ట్ ఫోన్ ఈ ఏడాది మొదట్లో లాంచ్ అయ్యింది. గెలాక్సీ ఎస్ 21 కి సక్సెసర్ గా ఈ ఫోన్ మార్కెట్ లోకి వచ్చింది. భారత్ లో ఎస్-సిరీస్ ఫోన్లు స్నాప్ డ్రాగన్ చిప్సెట్స్ తో రావడం ఇదే తొలిసారి. భారత్ లో రూ.72,999 ధరతో Samsung Galaxy S22 లాంచ్ అయ్యింది. అల్ట్రా మోడల్ ధర రూ.1,09,999 గా ఉంది. ఇప్పుడు ఫెస్టివల్ సీజన్ సందర్భంగా అమెజాన్ లో Samsung Galaxy S22 మునుపెన్నడూ చూడని ధరకు అందుబాటులోకి వచ్చింది. డిస్కౌంట్ తో Samsung Galaxy S22 ధర రూ.50,999 కి చేరుకుంది.

అమెజాన్ డిస్కౌంట్ కూపన్ ద్వారా రూ.10,000 మరియు రూ.2,000 ఇన్‌స్టంట్ బ్యాంక్ డిస్కౌంట్ (ఈఎంఐ లావాదేవీలకు) తో కలిపి ఈ ఫోన్ ధర రూ.50,999 కి తగ్గింది. నాన్-ఈఎంఐ లావాదేవీలకు రూ.1750 డిస్కౌంట్ మాత్రమే లభిస్తుంది. ఫోన్ ఫీచర్లు, స్పెసిఫికేషన్ల పరంగా చూస్తే, ఇది మంచి డీల్ అని చెప్పాలి. అయితే, ఈ ఫోన్ ని కొనొచ్చంటారా లేదా? తెలుసుకుందాం పదండి.

అమెజాన్ లో Samsung Galaxy S22 పై ఆఫర్

రూ.72,999 ధరతో Samsung Galaxy S22 భారత్ లో లాంచ్ అయ్యింది. అయితే గ్రేట్ ఇండియన్ ఫెస్టివల్ సేల్ లో భాగంగా అమెజాన్ లో ఈ ఫోన్ ధర రూ.62,999 గా లిస్ట్ కాబడింది. దీనికి తోడు అదనంగా రూ.10,000 అమెజాన్ కూపన్ డిస్కౌంట్ లభించనుంది. దీంతో ఫోన్ ధర రూ.52,999 కి తగ్గినట్లైంది. అంతే కాదండోయ్, ఇంకా క్రెడిట్ కార్డ్ ద్వారా రూ.2,000 డిస్కౌంట్ లభించనుంది. దీంతో ఫోన్ రూ.50,999 కే దొరకనుంది.

వన్ ప్లస్ 10టీ 5జీ, ఐకూ 9టీ, మోటో ఎడ్జ్ 30 ప్రో వంటి ఫోన్లతో Samsung Galaxy S22 పోటీ పడనుంది. ఇటీవలె లాంచ్ అయిన గూగుల్ పిక్సెల్ 7 లాంచ్ ఆఫర్ క్రింద రూ.49,999 కి లభిస్తోంది. దీంతో ఈ ఫోన్ కి Samsung Galaxy S22 తగిన పోటీ ఇవ్వడం ఖాయమని తెలుస్తోంది.

Samsung Galaxy S22 ఫోన్ కొనొచ్చంటారా?

Samsung Galaxy S22 లో 6.1-ఇంచ్ ఫుల్ హెచ్డీ+ అమోలెడ్ డిస్ప్లే, 90 హెర్ట్జ్ రిఫ్రెష్ రేట్, క్వాల్కమ్ స్నాప్ డ్రాగన్ 8 జెన్ 1 ప్రాసెసర్ ఉన్నాయి. ఈ ఫోన్ ఆండ్రాయిడ్ 12 ఓఎస్ పై పని చేస్తుంది. ఈ ఫ్లాగ్షిప్ డివైజ్ లో ఫంక్షనల్ ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 12ఎంపి అల్ట్రా వైడ్ యాంగిల్ కెమెరా, 10 ఎంపి టెలీఫోటో లెన్స్ ఉన్నాయి. ఈ టెలీఫోటో లెన్స్ 3x ఆప్టికల్ జూమ్ ని కలిగి ఉంది. ఒకే ఒక డౌన్‌సైడ్ ఏంటంటే, ఇందులో కేవలం 3700 ఎంఏహెచ్ బ్యాటరీ ఉంది. ఇక ఈ బ్యాటరీ 25 వాట్ ఫాస్ట్ చార్జింగ్ కి సపోర్ట్ చేస్తుంది.

బ్యాటరీ కెపాసిటీ తక్కువ కాబట్టి, బ్యాకప్ ఏమంత బాగుండదని తెలుస్తోంది. రోజు మొత్తం నిరవధికంగా ఫోన్ పని చేయాలని అనుకునే వారికి ఈ ఫోన్ సరైన ఆప్షన్ కాదు. ఆపిల్ సంస్థ ఐఫోన్ మినీ వర్షన్ ని నిలిపివేసిన తరుణంలో కాంపాక్ట్ ఫోన్ కొనాలని భావించే వారికి Samsung Galaxy S22 బెస్ట్ ఆప్షన్ అని చెప్పవచ్చు. కానీ, ఆపిల్ ఐఫోన్ మినీ వర్షన్ ని ఆపేసిందంటే దానర్థం కాంపాక్ట్ ఫోన్లకు డిమాండ్ లేదనే కదా. మరి ఈ Samsung Galaxy S22 కి ఎలాంటి స్పందన వస్తుందో చూడాలి. ధర తగ్గడంతో జనాలు ఈ ఫోన్ ని పరిగణలోకి తీసుకుంటారేమో చూడాలి.