హైలైట్స్
- డిసెంబర్ 2 న లాంచ్ కానున్న iQOO 11 5G స్మార్ట్ ఫోన్
- iQOO 11 5G ని ‘కింగ్ ఆఫ్ గేమింగ్ స్మార్ట్ ఫోన్స్’ గా అభివర్ణిస్తోన్న ఐకూ కంపెనీ
- మలేషియన్ మార్కెట్ లో లాంచ్ అవుతోన్న iQOO 11 5G
గత కొన్ని రోజులుగా iQOO 11 సిరీస్ కి సంబంధించిన లీక్స్ ఇంటర్నెట్ లో చక్కర్లు కొడుతున్నాయి. ఫీచర్లు, స్పెసిఫికేషన్స్ ఇవేనంటూ నానా హడావుడి క్రియేట్ అవుతోంది. ఈ క్రమంలో iQOO 11 5G డిసెంబర్ 2 న లాంచ్ కానుందంటూ ఓ వార్త బయటకు వచ్చింది. అయితే ఈసారి రూమర్ కాదండి, స్వయంగా ఐకూ కంపెనీయే ఈ ప్రకటన చేసింది. iQOO 11 5G డిసెంబర్ 2 న మలేషియా లో లాంచ్ అవుతోంది. తర్వాత కొన్ని రోజులకు మిగతా మార్కెట్స్ లోకి ఎంట్రీ ఇవ్వనుంది.
iQOO 11 5G లాంచ్
iQOO 11 5G స్మార్ట్ ఫోన్ డిసెంబర్ 2 న లాంచ్ అవ్వనుంది. మలేషియన్ మార్కెట్ లో తొలుత ఈ డివైజ్ ని లాంచ్ చేయనున్నట్లు కంపెనీ ప్రకటించింది. మలేషియా తర్వాత ఇతర మార్కెట్స్ లోకి ఈ ఫోన్ ఎంట్రీ ఇవ్వనుంది. భారత కాలమానం ప్రకారం iQOO 11 5G లాంచ్ ఈవెంట్ మధ్యాహ్నం 3.30 గంటలకు ప్రారంభం కానుంది. ఈ లాంచ్ తర్వాత కొన్ని రోజులకే భారత్ లో కూడా ఈ సిరీస్ లాంచ్ అవుతుందని సమాచారం.
iQOO 11 5G స్పెసిఫికేషన్స్
iQOO 11 5G స్మార్ట్ ఫోన్ 6.67-ఇంచ్ ఈ6 అమోలెడ్ డిస్ప్లే, ఫుల్ హెచ్డీ+ రెజుల్యూషన్, 144 హెర్ట్జ్ రిఫ్రెష్ రేట్ తో వస్తోంది. ఈ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ అమర్చారు. క్వాల్కమ్ తయారు చేసిన అత్యంత శక్తివంతమైన ఈ ప్రాసెసర్ ఇటీవలె లాంచ్ అయ్యింది. iQOO 11 5G ఫోన్ ని King Of Gaming Smartphones గా కంపెనీ చెబుతోంది.
iQOO 11 5G యొక్క కెమెరా విభాగం గురించి తెలుసుకుందాం. iQOO 11 5G లో ట్రిపుల్ రియర్ కెమెరా సెటప్ ఉంటుంది. ఇందులో 13 మెగా పిక్సెల్ అల్ట్రావైడ్ యాంగిల్ లెన్స్, 13 మెగాపిక్సెల్ పొట్రెయిట్ టెలీఫోటో లెన్స్, 50 ఎంపి శాంసంగ్ జీఎన్5 ప్రైమరీ సెన్సర్ ఉంటాయి. సెల్ఫీలు, వీడియో కాల్స్ కోసం ఇందులో 32 ఎంపి ఫ్రంట్ కెమెరా ఉంటుంది. పవర్ బ్యాకప్ కోసం ఇందులో 5000 ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
అయితే మలేషియా మార్కెట్ లో కేవలం iQOO 11 5G మాత్రమే లాంచ్ అవుతుందా లేదా దాంతో పాటు iQOO 11 Pro 5G కూడా ఎంట్రీ ఇస్తుందా అనేది ఇంకా తెలియదు.
iQOO 11 Pro స్పెసిఫికేషన్స్
iQOO 11 Pro స్మార్ట్ ఫోన్ క్వాల్కమ్ స్నాప్ డ్రాగన్ 8 జెన్ 2 చిప్సెట్ తో లాంచ్ కానుంది. 16జిబి వరకు ర్యామ్, 512జిబి వరకు స్టోరేజీ ఆప్షన్స్ తో ఈ ఫోన్ రానుంది. iQOO 11 Pro లో 6.78-ఇంచ్ ఈ6 అమోలెడ్ డిస్ప్లే, క్యూహెచ్డీ+ పిక్సెల్ రెజుల్యూషన్ ఉంటాయి.
iQOO 11 Pro కెమెరా విభాగానికి వస్తే, ఇందులో ట్రిపుల్ రియర్ కెమెరా సెటప్ ఉంటుంది. బ్యాక్ ప్యానెల్ పై 50ఎంపి ప్రైమరీ లెన్స్, 50ఎంపి అల్ట్రావైడ్ లెన్స్, 14.6 ఎంపి టెలీఫోటో లెన్స్ ఉంటాయి. సెల్ఫీలు, వీడియో కాల్స్ కోసం 32 ఎంపి ఫ్రంట్ కెమెరా ఉండనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
