నేడే Infinix Zero 20 ఫస్ట్ సేల్: ధర, స్పెసిఫికేషన్స్ తెలుసుకోండి

హైలైట్స్

• ఇటీవలె భారత్ లో లాంచైన Infinix Zero 20 స్మార్ట్ ఫోన్
• 60ఎంపి ఓఐఎస్ కెమెరా, డ్యూయల్ ఎల్ఈడీ ఫ్లాష్ తో వచ్చిన Infinix Zero 20
• ఫ్లిప్ కార్ట్ ద్వారా నేటి నుంచి Infinix Zero 20 సేల్ ప్రారంభం
• Infinix Zero 20 8జిబి+128జిబి వేరియంట్ ధర రూ.15,999

ఈ నెల ఆరంభంలో ఇన్ఫినిక్స్ సంస్థ Infinix Zero 20 స్మార్ట్ ఫోన్ ని భారత మార్కెట్ లో లాంచ్ చేసింది. నేడు Infinix Zero 20 ఫస్ట్ సేల్ కి వచ్చింది. Infinix Zero 20 డివైజ్ ఒక 4జీ కనెక్టివిటీ కల్గిన డివైజ్. 5జీ ఫోన్ల హవా నడుస్తోన్న ఈ రోజుల్లో Infinix Zero 20 చక్కటి ఫీచర్లతో 4జీ కనెక్టివిటీతో వచ్చింది. మరి ఇంకా 5జీ సేవలు అంతటా ప్రారంభం కాలేదు కాబట్టి, మీరు నిశ్చింతగా Infinix Zero 20 ఫోన్ ని కొనుగోలు చేయవచ్చు. స్పెసిఫికేషన్స్ కూడా ఇందులో చాలా బాగున్నాయి.

Infinix Zero 20 మీడియాటెక్ హీలియో జీ99 ప్రాసెసర్ తో వచ్చింది. ఇందులో 90 హెర్ట్జ్ అమోలెడ్ డిస్ప్లే, 4500 ఎంఏహెచ్ బ్యాటరీ ఉన్నాయి. 108ఎంపి ప్రైమరీ కెమెరా, 60ఎంపి ఫ్రంట్ కెమెరా ఈ ఫోన్ ప్రత్యేకతలు. Infinix Zero 20 లో 45 వాట్ ఫాస్ట్ చార్జింగ్ కూడా ఉంది. సరే ఓసారి ఈ ఫోన్ యొక్క ధర, ఇతర స్పెసిఫికేషన్స్ ఎలా ఉన్నాయో తెలుసుకుందాం పదండి.

భారత్ లో Infinix Zero 20 ధర, లభ్యత

Infinix Zero 20 స్మార్ట్ ఫోన్ 8జిబి ర్యామ్ + 128జిబి స్టోరేజీ వేరియంట్ ధర రూ.15,999 గా ఉంది. నేడు అనగా డిసెంబర్ 28 మధ్యాహ్నం 12 గంటల నుంచి ఫ్లిప్ కార్ట్ ద్వారా ఈ ఫోన్ సేల్ మొదలు కానుంది.

Infinix Zero 20 స్పెసిఫికేషన్స్

Infnix Zero 20 5G స్మార్ట్ ఫోన్ 6.7-ఇంచ్ ఫుల్ హెచ్డీ+ అమోలెడ్ డిస్ప్లే, 90 హెర్ట్జ్ రిఫ్రెష్ రేట్, పంచ్-హోల్ కటౌట్ తో వచ్చింది. ఈ ఫోన్ లో మీడియాటెక్ హీలియో జీ99 ప్రాసెసర్ వాడారు. 8జిబి ర్యామ్, 128జిబి స్టోరేజీ ఈ ఫోన్ లో అందించారు. మైక్రోఎస్డీ కార్డ్ సాయంతో మెమొరీని పెంచుకోవచ్చు. సూపర్ లార్జ్ వీసీ కూలింగ్ టెక్నాలజీని ఈ ఫోన్ లో అందించారు.

Infnix Zero 20 5G లో 4500 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, 4జీ, డ్యూయల్ బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి. Infnix Zero 20 5G ఆండ్రాయిడ్ 12 ఓఎస్ ఆధారిత ఎక్స్ఓఎస్ 12 కస్టమ్ స్కిన్ పై పనిచేస్తుంది.

Infnix Zero 20 5G లో డ్యూయల్ రియర్ కెమెరా సెటప్ ఉంటుంది. ఇందులో 108ఎంపి అల్ట్రా విజన్ ప్రైమరీ కెమెరా, 13ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీలు, వీడియో కాల్స్ కోసం 60ఎంపి ఓఐఎస్ ఫ్రంట్ కెమెరా అందించారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.