హైలైట్స్
- 2023 మొదటి త్రైమాసికంలో లాంచ్ కానున్న OPPO Find X6 Pro
- ట్రిపుల్ రియర్ కెమెరా సెటప్ తో వస్తోన్న OPPO Find X6 Pro
- OPPO Find X6 Pro డివైజ్ స్నాప్ డ్రాగన్ 8 జెన్ 2 ప్రాసెసర్ తో రానుందని అంచనా
Find X6 సిరీస్ ని లాంచ్ చేసేందుకు ఒప్పో సిద్ధమవుతోంది. ఈ లైనప్ లో రెండు ప్రీమియమ్ స్మార్ట్ ఫోన్స్ లాంచ్ కానున్నాయి. అవి: OPPO Find X6, OPPO Find X6 Pro. ఈ ఫ్లాగ్షిప్ స్మార్ట్ ఫోన్ సిరీస్ యొక్క లాంచ్ తేదీని కంపెనీ ఇంకా కన్ఫర్మ్ చేయాల్సి ఉంది. 2023 మొదటి త్రైమాసికంలో OPPO Find X6 సిరీస్ లాంచ్ అవుతుందని మేం అంచనా వేస్తున్నాం.
ఇదిలా ఉండగా, OPPO Find X6 Pro యొక్క డిజైన్, స్పెసిఫికేషన్స్ నెట్టింట్లో ప్రత్యక్షమయ్యాయి. ప్రముఖ టిప్ స్టర్ డిజిటల్ చాట్ స్టేషన్ కెమెరా స్పెసిఫికేషన్స్ ని సోషల్ మీడియాలో షేర్ చేసింది. లీకైన వివరాలను బట్టి, OPPO Find X6 Pro డివైజ్ కొత్త కెమెరా సిస్టమ్ తో రానున్నట్లు స్పష్టమైంది. ఓసారి OPPO Find X6 Pro యొక్క స్పెసిఫికేషన్స్, ఫీచర్స్ ఇతర వివరాలు ఎలా ఉన్నాయో చూడండి.
OPPO Find X6 Pro కెమెరా స్పెసిఫికేషన్స్
OPPO Find X6 Pro స్మార్ట్ ఫోన్ OPPO Find X5 Pro కి సక్సెసర్ గా వస్తోంది. అయితే ఈ ఫ్లాగ్షిప్స్ భారత్ లో లాంచ్ అవుతాయా లేదా అన్న విషయం ఇంకా తెలియదు. డిజిటల్ చాట్ స్టేషన్ రివీల్ చేసిన సమాచారాన్ని బట్టి, OPPO Find X6 Pro 50ఎంపి సోని ఐఎంఎక్స్989 కెమెరా సెన్సర్ తో వస్తోంది. షావోమి 13 ప్రో, వివో ఎక్స్90 ప్రో, షావోమి 12ఎస్ అల్ట్రా ఫోన్లలో ఇదే సెన్సర్ వాడారు. ఈ 1-ఇంచ్ సెన్సర్ ఆప్టికల్ ఇమేజ్ స్టెబిలైజేషన్ తో వస్తోంది.
50ఎంపి ప్రైమరీ కెమెరాతో పాటు, 50ఎంపి అల్ట్రావైడ్ యాంగిల్ లెన్స్ ఉండనుంది. దీని కోసం ఒప్పో Sony IMX890 సెన్సర్ వాడనున్నట్లు సమాచారం. ఈ సెన్సర్ 1/1.56-ఇంచ్ సెన్సర్, f/2.2 అపర్చర్, 14ఎంఎం ఫోకల్ లెంగ్త్ కల్గి ఉంటుంది.
ఇకపోతే 50ఎంపి టెలీఫోటో లెన్స్ కూడా ఉంటుంది. ఇందుకోసం ఒప్పో Sony IMX890 లేదా Sony IMX766 సెన్సర్ వాడే అవకాశం ఉంది. ఈ టెలీఫోటో సెన్సర్ f/2.6 అపర్చర్ మరియు ఓఐఎస్ సపోర్ట్ తో వస్తోంది. ఇక సెల్ఫీస్, వీడియో కాల్స్ కోసం ఇందులో 32ఎంపి సోని ఐఎంఎక్స్709 సెన్సర్ ఉంటుంది.
OPPO Find X6 Pro క్వాల్కమ్ స్నాప్ డ్రాగన్ 8 జెన్ 2 ప్రాసెసర్ ని కలిగి ఉంటుంది. ఇక స్టాండర్డ్ వేరియంట్ అయిన OPPO Find X6 డివైజ్ మీడియాటెక్ డైమెన్సిటీ 9200 చిప్సెట్ తో రానుంది. ఈ రెండు ఫోన్లు కూడా మారిసిలికాన్ ఎక్స్ ఎన్పీయూ తో వస్తున్నాయి.
OPPO Find X6 Pro డిజైన్ విషయానికి వస్తే ఇందులో బ్యాక్ ప్యానెల్ పై సర్క్యులర్ కెమెరా మాడ్యూల్ ఉంటుంది. ఇందులో రెండు సర్క్యులర్ కటౌట్స్, ఒక స్క్వేర్ షేప్డ్ కటౌట్ ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
