షావోమి సబ్-బ్రాండ్ అయిన రెడ్మీ అఫీషియల్ గా Redmi Note 12 సిరీస్ ని భారత్ మరియు చైనాల్లో లాంచ్ చేసింది. భారత్ లో లాంచైన నోట్ 12 సిరీస్ ఫోన్లు 3 కాగా, చైనాలో వీటికి తోడు మరికొన్ని మోడల్స్ కూడా లాంచ్ అయ్యాయి. చైనాలో లాంచైన అన్ని మోడల్స్ దాదాపుగా 5జీ కనెక్టివిటీ కలిగినవే ఉన్నాయి.
అయితే త్వరలోనే షావోమి Redmi Note 12 4G వర్షన్ ని లాంచ్ చేయనుందని సమాచారం. ఇంకా 5జీ సేవలు అందుబాటులోకి రాని మార్కెట్స్ లో ఈ 4జీ మోడల్ ని లాంచ్ చేయనుంది షావోమి. ఇకపోతే, భారత్ మరియు చైనాల్లో కూడా ఈ తక్కువ ధర కలిగిన Redmi Note 12 4G ఎంట్రీ ఇవ్వనుందని భావిస్తున్నారు.
షావోమి ఇంకా Redmi Note 12 4G యొక్క లాంచ్ వివరాలను ఖరారు చేయలేదు. ఈలోపు XiaomiUI వెబ్సైట్ Redmi Note 12 4G కి సంబంధించిన రిపోర్ట్ ని లీక్ చేసింది. త్వరలోనే Redmi Note 12 4G భారత్ తో పాటు, గ్లోబల్ మార్కెట్స్ లో లాంచ్ కానుంది. ఐఎంఈఐ డేటాబేస్ లిస్టింగ్ ద్వారా Redmi Note 12 4G కి సంబంధించిన వివరాలు బయటకు వచ్చాయి. ఓసారి ఆ విశేషాలేంటో తెలుసుకుందాం పదండి.
Redmi Note 12 4G IMEI లిస్టింగ్
Redmi Note 12 4G స్మార్ట్ ఫోన్ కొన్ని వారాల్లో భారత్ లో లాంచ్ కానుంది. షావోమి ఇంకా వివరాలను కన్ఫర్మ్ చేయలేదు. అయితే కొన్ని రూమర్లైతే నెట్టింట్లో ప్రత్యక్షమయ్యాయి. షావోమియూఐ రిపోర్ట్ ప్రకారం Redmi Note 12 4G రెండు వర్షన్స్ లో రానుంది.
Redmi Note 12 4G కోడ్ నేమ్ తపస్ అని పెట్టారు. ఈ ఫోన్ 23028RA60L, 23021RAAEG అనే మోడల్ నంబర్స్ ని కలిగి ఉంది. ఈ రెండు వేరియంట్లు ఎన్ఎఫ్సీ ఫీచర్ తో రావడం లేదు. అయితే ఎన్ఎఫ్సీ సపోర్ట్ ఉన్న వేరియంట్ గ్లోబల్ మార్కెట్స్ లో లాంచ్ కానుంది. ఈ వేరియంట్ భారత్ లో లాంచ్ కాదు. ఈ వేరియంట్ కోడ్ నేమ్ టోపాజ్ కాగా, 23021RAA2Y అనే మోడల్ నంబర్ ని కలిగి ఉంది.
Redmi Note 12 4G ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది. ఇక భారత్ లో లాంచైన Redmi Note 12 సిరీస్ ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ తో వచ్చింది.
Redmi Note 12 4G స్మార్ట్ ఫోన్ 4జిబి ర్యామ్, 64జిబి స్టోరేజీతో వస్తోంది. 8జిబి ర్యామ్, 128జిబి స్టోరేజీ వేరియంట్ కూడా ఉంది.https://www.indiangadgetawards.com/
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
