Samsung Galaxy A23 5G స్మార్ట్ ఫోన్ ని ఇటీవలె శాంసంగ్ కంపెనీ భారత్ లో లాంచ్ చేసింది. తాజాగా Samsung Galaxy A24 4జీ వర్షన్ గీక్ బెంచ్ 5 బెంచ్ మార్కింగ్ ప్లాట్ఫామ్ పై కనిపించింది. ఈ లిస్ట్ లో ఫోన్ SM-245F అనే మోడల్ నంబర్ ని కలిగి ఉంది. అలాగే ఫోన్ యొక్క ర్యామ్, ఆండ్రాయిడ్ ఓఎస్, చిప్సెట్ వంటి ప్రధాన స్పెసిఫికేషన్స్ తెలిసాయి.
Samsung Galaxy A24 స్మార్ట్ ఫోన్ సింగిల్ కోర్ టెస్టులో 561 పాయింట్లు, మల్టీ కోర్ టెస్టులో 1943 పాయింట్లు సాధించింది. ఈ ఫోన్ లో శాంసంగ్ సంస్థ Exynos 7904 ప్రాసెసర్ ని వినియోగించబోతున్నట్లు గతంలో వార్తలు వచ్చాయి. అయితే తాజాగా బయటకు వచ్చిన గీక్ బెంచ్ 5 లిస్ట్ దీనికి భిన్నంగా ఉంది.
Geekbench పై కనిపించిన Samsung Galaxy A24
Samsung Galaxy A24 స్మార్ట్ ఫోన్ ని గీక్ బెంచ్ పై తొలుత MySmartPrice గుర్తించింది. ఈ లిస్ట్ లో Samsung Galaxy A24 స్మార్ట్ ఫోన్ ఆండ్రాయిడ్ 13 ఓఎస్, వన్యూఐ కస్టమ్ స్కిన్, 4జిబి ర్యామ్ తో రానున్నట్లు పేర్కొనబడి ఉంది. Samsung Galaxy A24 స్మార్ట్ ఫోన్ 2 + 6 కోర్ కన్ఫిగరేషన్ గల ఆక్టాకోర్ ప్రాసెసర్ తో వస్తున్నట్లు లిస్ట్ ద్వారా స్పష్టమైంది. 8 కోర్స్ లో, 2 కోర్స్ 2.20 గిగాహెర్ట్జ్ క్లాక్ స్పీడ్ కలిగి ఉన్నాయి. మిగతా 6 కోర్స్ 2.0 గిగాహెర్ట్జ్ క్లాక్ స్పీడ్ ని నమోదు చేశాయి. గ్రాఫిక్స్ కోసం ఈ ఫోన్ లో మాలి జీ57 జీపీయూ వాడారు.
గీక్ బెంచ్ లిస్టింగ్ ని బట్టి, Samsung Galaxy A24 డివైజ్ మీడియాటెక్ హీలియో జీ99 చిప్సెట్ తో వస్తున్నట్లు స్పష్టమైంది. ఈ చిప్సెట్ తో వస్తోన్న మొదటి శాంసంగ్ ఫోన్ ఇదే కావడం విశేషం. ఇప్పటి వరకు గీక్ బెంచ్ లిస్టింగ్ ద్వారా రివీల్ అయిన వివరాలు ఇవేనండి. రానున్న రోజుల్లో మరింత సమాచారాన్ని మీకు అందిస్తాం.
Samsung Galaxy A24 స్పెసిఫికేషన్స్
- MediaTek Helio G99 చిప్సెట్
- 4GB ర్యామ్
- 64GB/128GB స్టోరేజీ
- Mali G57 గ్రాఫిక్స్
- ఆండ్రాయిడ్ 13 ఓఎస్
- వన్యూఐ కస్టమ్ స్కిన్
Samsung Galaxy A24 స్మార్ట్ ఫోన్ మీడియాటెక్ హీలియో జీ99 ప్రాసెసర్ తో వస్తోంది. ఈ ఫోన్ లో 4జిబి ర్యామ్, 64జిబి/128జిబి స్టోరేజీ ఉంటాయి. మిగతా ర్యామ్ ఆప్షన్స్ కూడా ఉంటాయి. ఆండ్రాయిడ్ 13 ఓఎస్ ఆధారిత వన్యూఐ కస్టమ్ స్కిన్ పై ఫోన్ పని చేస్తుంది. మాలి జీ57 జీపీయూ ని గ్రాఫిక్స్ కోసం వాడారు. త్వరలోనే పూర్తి స్పెసిఫికేషన్స్ తెలియనున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
