ప్రముఖ స్మార్ట్ ఫోన్ బ్రాండ్ మోటోరోలా రీసెంట్ గా Moto E13 అనే స్మార్ట్ ఫోన్ ని గ్లోబల్ గా లాంచ్ చేసింది. ఈ ఎంట్రీ లెవెల్ స్మార్ట్ ఫోన్ యూనిసాక్ టీ606 ప్రాసెసర్ తో వచ్చింది. ఈ స్మార్ట్ ఫోన్ 60 హెర్ట్జ్ ఐపీఎస్ ఎల్సీడీ డిస్ప్లే, 13ఎంపి ప్రైమరీ కెమెరాతో వచ్చింది. తాజాగా Pricebaba అనే వెబ్సైట్ వెలువరించిన కథనం ప్రకారం, Moto E13 భారతీయ మార్కెట్ లో ఫిబ్రవరి మొదటివారంలో లాంచ్ కానున్నట్లు తెలుస్తోంది.
తాజా రిపోర్ట్ ద్వారా Moto E13 యొక్క ధర, వేరియంట్స్ వివరాలు తెలిసాయి. ఆ రిపోర్ట్ ప్రకారం, Moto E13 స్మార్ట్ ఫోన్ ధర రూ.10,000 లోపు ఉండనున్నట్లు సమాచారం. ఇంకా ఈ ఫోన్ భారతీయ మార్కెట్ లో 4జిబి ర్యామ్, 64జిబి స్టోరేజీ కన్ఫిగిరేషన్ తో లాంచ్ కానున్నట్లు తెలుస్తోంది. యురోపియన్ వేరియంట్ 2జిబి ర్యామ్, 64జిబి స్టోరేజీ తో లాంచ్ అయ్యింది. సరే, ఓసారి Moto E13 యొక్క స్పెసిఫికేషన్స్, ఫీచర్స్, ధర తదితర వివరాలు తెలుసుకుందాం పదండి.
Moto E13 స్పెసిఫికేషన్స్, ఫీచర్స్, ధర
Moto E13 స్మార్ట్ ఫోన్ 6.5-ఇంచ్ ఐపీఎస్ ఎల్సీడీ హెచ్డీ+ (720*1600 పిక్సెల్స్) రెజుల్యూషన్, 269పీపీఐ పిక్సెల్ డెన్సిటీ, 20:9 యాస్పెక్ట్ రేషియో, 60హెర్ట్జ్ రిఫ్రెష్ రేట్, వాటర్ డ్రాప్ నాచ్ ని కలిగి ఉంటుంది. ఈ ఫోన్ లో UniSoC T606 ప్రాసెసర్ వాడారు. గ్రాఫిక్స్ కోసం మాలి జీ57 ఉపయోగించారు. అయితే ఈ ఫోన్ భారత్ లో కేవలం 4జిబి వేరియంట్ లో మాత్రమే లాంచ్ కానుంది. Moto E13 స్మార్ట్ ఫోన్ ఆండ్రాయిడ్ 13 (గో ఎడిషన్) పై పని చేయనుంది. Moto E13 స్మార్ట్ ఫోన్ లో 13ఎంపి ప్రైమీరీ కెమెరా, ఎల్ఈడీ ఫ్లాష్ ఉంటాయి. సెల్ఫీస్, వీడియో కాల్స్ కోసం ఇందులో 5ఎంపి ఫ్రంట్ కెమెరా ఉంటుంది.
IP52 రేటింగ్ తో వస్తోన్న Moto E13
ఈ ఫోన్ ఐపీ52 స్ప్లాష్-రెసిస్టన్స్ తో వస్తుండటం విశేషం. అంటే నీటి జల్లులు పడినా ఫోన్ కి ఏమీ కాదు. అయితే ఫోన్ మాత్రం పూర్తిస్థాయి వాటర్ రెసిస్టంట్ కాదని గుర్తుపెట్టుకోవాలి. తేలికపాటి వాన జల్లులు, నీటి చిలకరింపులను ఫోన్ తట్టుకోగలదు. అంతేగానీ, ఫోన్ ని అమాంతం నీటిలో ముంచకూడదు.
Moto E13 స్మార్ట్ ఫోన్ లో 3.5ఎంఎం ఆడియో జాక్, డాల్బి అట్మాస్ ఆడియో, డ్యూయల్ సిమ్, 4జీ, బ్లూటూత్ 5.0, వై-ఫై, జీపీఎస్, గ్లొనాస్, గెలీలియో వంటి కనెక్టివిటీ ఆప్షన్స్ ఉంటాయి. ఫోన్ స్టోరేజీని మైక్రోఎస్డీ కార్డ్ సాయంతో 256జిబి వరకు పెంచుకోవచ్చు. పవర్ బ్యాకప్ కోసం ఈ ఫోన్ లో 5000 ఎంఏహెచ్ బ్యాటరీ ఉంటుంది. ఇది 10 వాట్ ఛార్జింగ్ సపోర్ట్ తో వస్తోంది. చార్జింగ్ మరియు డేటా ట్రాన్స్ఫర్ కోసం ఇందులో టైప్-సీ పోర్ట్ అందించారు.
Moto E13 డివైజ్ 164.19 మిల్లీ మీటర్ల పొడవు, 74.95 మిల్లీ మీటర్ల వెడల్పు, 8.47 మిల్లీ మీటర్ల మందం, 179.5 గ్రాముల బరువు ఉంటుంది. Moto E13 స్మార్ట్ ఫోన్ క్రీమీ వైట్, కాస్మిక్ బ్లాక్, అరోరా గ్రీన్ కలర్ ఆప్షన్స్ లో లభిస్తుంది. ఈ ఫోన్ 2జిబి ర్యామ్ + 64జిబి స్టోరేజీ వేరియంట్ ధర 119.99 యూరోలు (సుమారు రూ.10,600) గా ఉంది. భారత్ లో Moto E13 ధర రూ.10,000 లోపే ఉండనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
