ప్రముఖ స్మార్ట్ ఫోన్ బ్రాండ్ OnePlus ఫిబ్రవరి 7 న OnePlus 11, OnePlus 11R ఫోన్లను లాంచ్ చేస్తోంది. అలాగే ఈ కంపెనీ నుంచి నార్డ్ సిరీస్ లో కూడా కొన్ని మోడల్స్ భారత మార్కెట్ కి రానున్నాయని సమాచారం. వీటిలో OnePlus Nord 3, OnePlus Nord CE 3 డివైజెస్ పేర్లు ప్రధానంగా వినిపిస్తున్నాయి.
ఇప్పుడు లాంచ్ కి ముందు OnePlus Nord 3 స్మార్ట్ ఫోన్ స్పెసిఫికేషన్స్ బయటకు వచ్చాయి. డిజిటల్ చాట్ స్టేషన్ ద్వారా OnePlus Nord 3 యొక్క స్కీమాటిక్స్ బయటకు వచ్చాయి. దీంతో డిజైన్ రివీల్ అయ్యింది. OnePlus Nord 3 ఫోన్ మీడియాటెక్ డైమెన్సిటీ 8200 చిప్సెట్, అలర్ట్ స్లైడర్, 1.5కే డిస్ప్లే తో వస్తోంది. సరే, ఓసారి OnePlus Nord 3 పూర్తి స్పెసిఫికేషన్స్ తెలుసుకుందాం పదండి.
OnePlus Nord 3 !? ?
– 6.74" 1.5K 120Hz Amoled
– Flat side frame | Alert slider
– Dimensity 8200
– Triple rear camera
– 4500/5000mAh + 100W
– OxygenOS 13.1 (Android 13) pic.twitter.com/5LZbxgkk4s— Shishir (@ShishirShelke1) January 29, 2023
OnePlus Nord 3 స్పెసిఫికేషన్స్ (లీక్డ్)
OnePlus Nord 3 స్మార్ట్ ఫోన్ 6.74-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1.5కే రెజుల్యూషన్ తో రానున్నట్లు సమాచారం. నార్డ్ సిరీస్ లో ఇదే హై-రెజుల్యూషన్ అని చెప్పవచ్చు. స్కీమాటిక్స్ ని గమనిస్తే, సెంటర్ పంచ్ హోల్ డిజైన్ తో ఫోన్ వస్తున్నట్లు స్పష్టమవుతోంది. ఇకపోతే ఈ ఫోన్ 120 హెర్ట్జ్ రిఫ్రెష్ రేట్ ని కలిగి ఉండే అవకాశం ఉంది.
OnePlus Nord 3 స్మార్ట్ ఫోన్ లో మీడియాటెక్ డైమెన్సిటీ 8200 ఆక్టాకోర్ ప్రాసెసర్ ఉంటుంది. ఇది 4 నానోమీటర్ ప్రాసెస్ పై తయారైన ఆక్టాకోర్ చిప్సెట్. గ్రాఫిక్స్ కోసం ఈ ఫోన్ లో మాలి-జీ610 ఎంసీ6 జీపీయూ వాడనున్నట్లు సమాచారం. డైమెన్సిటీ 8200 ప్రాసెసర్ ని రెడ్మీ కే60ఈ, ఐకూ నియో 7 ఎస్ఈ, వివో ఎస్16 ప్రో ఫోన్లలో వాడారు.
OnePlus Nord 3 స్మార్ట్ ఫోన్ ట్రిపుల్ రియర్ కెమెరా సెటప్, డ్యూయల్ ఎల్ఈడీ ఫ్లాష్ తో వస్తోంది. ఇందులో 64ఎంపి ఒమ్నీవిజన్ సెన్సర్ లేదా 50ఎంపి సోని ఐఎంఎక్స్890 సెన్సర్ ఉండే అవకాశం ఉందని టిప్ స్టర్ ద్వారా తెలుస్తోంది. దీనికి తోడు ఒక 8ఎంపి అల్ట్రావైడ్ యాంగిల్ కెమెరా, 2ఎంపి మ్యాక్రో లెన్స్ ఉంటాయి. 100 వాట్ ఫాస్ట్ చార్జింగ్ తో వస్తోన్న తొలి నార్డ్-బ్రాండెడ్ ఫోన్ ఇదే కానుంది. నార్డ్ 2 మరియు నార్ట్ 2టీ ఫోన్లు వరుసగా 65వాట్, 80 వాట్ ఫాస్ట్ చార్జింగ్ సపోర్ట్ తో వచ్చాయి.
OnePlus Nord 3 డివైజ్ ఫ్లాట్-ఎడ్జ్ డిజైన్ తో రానున్నట్లు సమాచారం. ఈ ఫోన్ అలర్ట్ స్లైడర్ తో వస్తుండటం మంచి విషయం. అలర్ట్ స్లైడర్ వచ్చినప్పటి నుంచి ఈ ఫీచర్ ఫ్యాన్ ఫేవరెట్ అయిపోయింది. ఇకపోతే OnePlus Nord 3 డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13 పై పని చేస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
