ఫిబ్రవరి 7 న భారత్ లో వన్ ప్లస్ సంస్థ పెద్ద ఈవెంట్ ని నిర్వహిస్తోంది. ఈవెంట్ లో OnePlus 11 ఫ్లాగ్షిప్ తో పాటు, OnePlus 11R కూడా లాంచ్ అవుతోంది. వీటికి తోడు, OnePlus Keyboard, OnePlus Buds Pro 2 కూడా ఎంట్రీ ఇస్తున్నాయి. ఈ ఏడాది మొదట్లో చైనాలో OnePlus 11 లాంచ్ అయ్యింది. దీంతో స్పెసిఫికేషన్స్ ఇప్పటికే అందిరికీ తెలుసు.
ఇప్పుడు భారత్ లో లాంచ్ కి ముందు అమెజాన్ లిస్టింగ్ ద్వారా OnePlus 11 ప్రీ-ఆర్డర్ తేదీ ఖరారైంది. ఫిబ్రవరి 7 నుంచి OnePlus 11 డివైజ్ ప్రీ-ఆర్డర్ కి అందుబాటులోకి వస్తుంది. అంటే లాంచ్ రోజునే సేల్ కూడా మొదలుకానుందన్న మాట.
తన నుంచి రాబోవు 2023 ఫ్లాగ్షిప్స్ 4 మేజర్ ఆండ్రాయిడ్ ఓఎస్ అప్గ్రేడ్స్, 5 ఏళ్ళు సెక్యూరిటీ ప్యాచెస్ పొందుతాయని OnePlus సంస్థ ఇప్పటికే కన్ఫర్మ్ చేసింది. ఇకపోతే ఈ ఫ్లాగ్షిప్ డివైజ్ కెమెరా విభాగాన్ని వన్ప్లస్ సంస్థ హేజెల్బ్లడ్ సహకారంతో రూపొందించింది. ఇవన్నీ కలిసి ఫోన్ ని ఉత్తమమైన ఆప్షన్ గా నిలుపుతున్నాయి.
OnePlus 11 ధర (అంచనా)
భారత్ లో OnePlus 11 స్మార్ట్ ఫోన్ 12జిబి ర్యామ్ + 256జిబి స్టోరేజీ వేరియంట్ ధర రూ.54,999 గా ఉంటుందని సమాచారం. అలాగే 16జిబి ర్యామ్ + 256జిబి స్టోరేజీ మోడల్ ధర రూ.59,999 గా ఉండనుందని తెలుస్తోంది. 16జిబి ర్యామ్ + 512జిబి యూనిట్ ధర రూ.66,999 గా ఉంటుందని తెలుస్తోంది. 8జిబి ర్యామ్ + 128జిబి స్టోరేజీ వేరియంట్ ధరను రూ.49,999 గా పెట్టే అవకాశం ఉందని అంచనా వేయవచ్చు.
OnePlus 11 స్పెసిఫికేషన్స్
OnePlus 11 స్మార్ట్ ఫోన్ 6.7-ఇంచ్ క్యూహెచ్డీ+ ఈ4 ఓఎల్ఈడీ ఎల్టీపీవో 3.0 డిస్ప్లే, 120 హెర్ట్జ్ రిఫ్రెష్ రేట్, 3216*1440 పిక్సెల్స్ రెజుల్యూషన్, పంచ్-హోల్ కటౌట్, హెచ్డీఆర్10+ సపోర్ట్ తో వస్తోంది. ఈ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ వాడారు. గ్రాఫిక్స్ కోసం అడ్రెనో జీపీయూ వినియోగించారు. 16జిబి వరకు ఎల్పీడీడీఆర్5 ర్యామ్, 512జిబి వరకు యూఎఫ్ఎస్ 4.0 స్టోరేజీ ఆప్షన్స్ తో ఫోన్ వస్తోంది. OnePlus 11 డివైజ్ ఆండ్రాయిడ్ 13 ఓఎస్ ఆధారిత ఆక్నిజన్ఓఎస్ కస్టమ్ స్కిన్ పై పని చేస్తుంది.
OnePlus 11 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 ప్రైమరీ సెన్సర్ ఉంటుంది. ఇది ఓఐఎస్ సపోర్ట్ తో వస్తోంది. 48ఎంపి సోని ఐఎంఎక్స్581 అల్ట్రావైడ్ యాంగిల్ లెన్స్, 32ఎంపి సోని ఐఎంఎక్స్709 2x టెలీఫోటో కెమెరా ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
OnePlus 11 లో 5000mAh బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, వై-ఫై 6ఈ, బ్లూటూత్ 5.2, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి. ఈ ఫోన్ 163.1 మిల్లీ మీటర్ల పొడవు, 74.1 మిల్లీ మీటర్ల వెడల్పు, 8.53 మిల్లీ మీటర్ల మందం, 205 గ్రాముల బరువు ఉంటుంది. భద్రత కోసం ఈ డివైజ్ లో ఇన్-డిస్ప్లే ఫింగర్ ప్రింట్ స్కానర్ అందించారు. ఐపీ54 రేటింగ్, అలర్ట్ స్లైడర్ తో ఈ ఫోన్ వస్తోంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
