ప్రముఖ స్మార్ట్ ఫోన్ బ్రాండ్ Vivo త్వరలో భారత్ లో Vivo V27 సిరీస్ ని లాంచ్ చేయబోతోంది. వరుసబెట్టి లీక్స్ నెట్టింట్లో హల్చల్ చేసిన తర్వాత, ఎట్టకేలకు వివో నుంచి Vivo V27 అఫీషియల్ డిజైన్ బయటకు వచ్చింది. ఫ్లిప్ కార్ట్ ద్వారా భారత్ లో Vivo V27 సేల్ కి రానుంది. తాజాగా ఇదే ఈ-కామర్స్ సైట్ లో Vivo V27 ల్యాండింగ్ పేజీ ప్రత్యక్షమైంది. దీంతో Vivo V27 యొక్క అఫీషియల్ అవతార్ బయటకు వచ్చినట్లైంది. సరే, పదండి, Vivo V27 విశేషాలు ఏంటో తెలుసుకుందాం.
ఫ్లిప్ కార్ట్ లో కనిపిస్తోన్న పోస్టర్స్ ని బట్టి Vivo V27 Pro డివైజ్ గోల్డ్, గ్రీన్ కలర్ ఆప్షన్స్ లో వస్తున్నట్లు స్పష్టమవుతోంది. ఇకపోతే ఈ ఫోన్ ట్రిపుల్ రియర్ కెమెరా సెటప్ తో వస్తోంది. డెడికేటెడ్ రింగ్ లైట్ ని బ్యాక్ ప్యానెల్ పై గమనించవచ్చు. ఇంకా ఖరారు కాకపోయినప్పటికీ, Vivo V27, Vivo V27 Pro డివైజెస్ కర్వ్డ్ డిస్ప్లేస్ తో వస్తున్నట్లు అంచనా వేస్తున్నారు. పోస్టర్స్ లో రియర్ పార్ట్ కర్వ్డ్ గా కనిపిస్తోంది.
Vivo V27 Pro స్పెసిఫికేషన్స్ (అంచనా)
Vivo V27 Pro డివైజ్ డిస్ప్లే విభాగం ఎలా ఉండనుందో తెలుసుకుందాం. ఈ ఫోన్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ తో వస్తోంది. ఈ ఫోన్ లో మీడియాటెక్ డైమెన్సిటీ 8200 చిప్సెట్ వాడినట్లు సమాచారం. ఈ ఫోన్ 12జిబి ర్యామ్, 256జిబి స్టోరేజీ తో వస్తోంది. మిగతా ర్యామ్, స్టోరేజీ ఆప్షన్స్ కూడా ఉండే అవకాశం ఉంది.
Vivo V27 Pro లో పవర్ బ్యాకప్ కోసం 4500 ఎంఏహెచ్ బ్యాటరీ ఉండనుంది. ఇది 67 వాట్ ఫాస్ట్ చార్జింగ్ సపోర్ట్ తో వస్తున్నట్లు సమాచారం. Vivo V27 Pro స్మార్ట్ ఫోన్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేయనుంది.
లేటెస్ట్ లీక్స్ ని బట్టి గత మోడల్స్ కంటే లేటెస్ట్ సిరీస్ ఖరీదు ఎక్కువగా ఉండేట్లు కనిపిస్తోంది. Vivo V27 5G ధర రూ.35,000 గా ఉంటుందని అంచనా. Vivo V27 Pro 5G ధర రూ.40,000 ఉంటుందని సమాచారం. Vivo V27 5G డివైజ్ గతేడాది చైనాలో లాంచైన Vivo S16 మాదిరి ఉంటుందని రూమర్లు వినిపిస్తున్నాయి. మరోవైపు Vivo V27 Pro 5G ఫోన్ చైనాలో లాంచైన ఇంకో ఫోన్ Vivo S16 Pro 5G ని పోలి ఉంటుందని సమాచారం.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
