ప్రముఖ స్మార్ట్ ఫోన్ బ్రాండ్ Vivo త్వరలోనే Vivo V27 సిరీస్ ని భారత్ తో పాటు, గ్లోబల్ మార్కెట్స్ లో లాంచ్ చేయబోతోంది. Vivo V27 సిరీస్ మార్చి 1 న లాంచ్ అవుతున్నట్లు ఖరారైంది. Vivo V27 సిరీస్ లాంచ్ కోసం వివో అభిమానులు ఎంతగానో ఎదురు చూస్తున్నారు. Vivo V-సిరీస్ కి ప్రత్యేకించి భారత్ లో ఆదరణ ఎక్కువే.
Vivo V27 సిరీస్ 120 హెర్ట్జ్ కర్వ్డ్ అమోలెడ్ డిస్ప్లే, కలర్ చేంజింగ్ బ్యాక్ ప్యానెల్ డిజైన్, సోని ఐఎంఎక్స్766వి సెన్సర్ తో వస్తోంది. ఈ లైనప్ లో మొత్తం 3 మోడల్స్ లాంచ్ కానున్నాయి. అవి: Vivo V27, Vivo V27 Pro, Vivo V27e. ఫ్లిప్ కార్ట్ అనుకోకుండా Vivo V27 సిరీస్ ఇండియా లాంచ్ తేదీని రివీల్ చేసింది. దీంతో మార్చి 1 న ఈ సిరీస్ లాంచ్ కానుందని స్పష్టత వచ్చింది.
వివో వి27 సిరీస్ కలర్ ఆప్షన్స్
Vivo V27 సిరీస్ బ్లూ, గ్రీన్ కలర్ ఆప్షన్స్ లో వస్తోంది. అతినీలలోహిత కాంతి పడిన వెంటనే ఫోన్ బ్యాక్ ప్యానెల్ డార్క్ షేడ్ లోకి మారిపోతుంది. ఈ కలర్ చేంజింగ్ ఫీచర్ కి చాలా మంది ఫ్యాన్స్ ఉన్నారు. దీంతో ఈ తరహా ఫోన్లకు గిరాకీ బాగానే ఉంది. గత సిరీసుల్లో కూడా వివో ఈ కలర్ చేంజింగ్ టెక్నాలజీని వాడింది.
Vivo V27 సిరీస్ స్మార్ట్ ఫోన్ సోని ఐఎంఎక్స్ 776వి సెన్సర్, ఆరా లైటింగ్ తో వస్తున్నట్లు సమాచారం. అంటే ఈ ఫోన్ 50ఎంపి ప్రైమరీ కెమెరాను కలిగి ఉండనుంది. ఇంకా ఈ ఫోన్ పొట్రెయిట్ కేపబులిటీస్ ని వివో బాగా హైలైట్ చేస్తోంది.
రీసెంట్ లీక్ ద్వారా Vivo V27 Pro స్మార్ట్ ఫోన్ 8జిబి ర్యామ్ + 128జిబి స్టోరేజీ మరియు 8జిబి ర్యామ్ + 256జిబి స్టోరేజీ వేరియంట్స్ తో వస్తున్నట్లు తెలిసింది. Vivo V27 Pro ధర రూ.41,999 గా ఉండనుందని సమాచారం. భారత్ లో దీని ధర రూ.40,000 గా ఉండనుంది. గూగుల్ ప్లే కన్సోల్ లిస్టింగ్ ప్రకారం, Vivo V27 Pro ఫుల్ హెచ్డీ రెజుల్యూషన్, 440 పీపీఐ పిక్సెల్ డెన్సిటీతో వస్తోంది.
Vivo V27 Pro డివైజ్ ఇటీవలె గూగుల్ ప్లే కన్సోల్ పై కనిపించింది. ఆ లిస్టింగ్ ప్రకారం, Vivo V27 Pro మీడియాటెక్ డైమెన్సిటీ 8200 చిప్సెట్, మాలి జీ610 జీపీయూ, 8జిబి ర్యామ్, ఆండ్రాయిడ్ 13 ఓఎస్, ఫన్టచ్ఓఎస్ 13 కస్టమ్ స్కిన్ తో వస్తున్నట్లు స్పష్టమైంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
