OnePlus సంస్థ తన రాబోవు మిడ్-రేంజ్ స్మార్ట్ ఫోన్ OnePlus Nord CE 3 Lite 5G లాంచ్ తేదీని ఖరారు చేసింది. OnePlus Nord CE 3 Lite 5G తో పాటు OnePlus Nord Buds 2 కూడా లాంచ్ కానున్నాయి. ఏప్రిల్ 4 వ తేదీన ఇవి భారత్ లో లాంచ్ అవుతున్నాయి. తాజాగా లాంచ్ కి ముందు వన్ప్లస్ సంస్థ OnePlus Nord CE 3 Lite 5G యొక్క బ్యాటరీ కెపాసిటీ, ఫాస్ట్ చార్జింగ్ కెపాసిటీని రివీల్ చేసింది. అలాగే OnePlus Nord CE 3 Lite 5G యొక్క కలర్ ఆప్షన్ ని టీజ్ చేసింది. క్రొమాటిక్ గ్రే కలర్ ఆప్షన్ ని కంపెనీ రివీల్ చేసింది.
లాంచ్ కి ముందు బయటకు వచ్చిన OnePlus Nord CE 3 Lite 5G విశేషాలు
OnePlus Nord CE 3 Lite 5G స్మార్ట్ ఫోన్ 5000 ఎంఏహెచ్ బ్యాటరీ, 67 వాట్ సూపర్వూక్ ఫాస్ట్ చార్జింగ్ సపోర్ట్ తో రానున్నట్లు కంపెనీ తెలిపింది. టైప్-సీ పోర్ట్ ని చార్జింగ్ మరియు డేటా ట్రాన్స్ఫర్ కోసం అందిస్తున్నారు. ప్రమోషనల్ పోస్టర్స్ ద్వారా సెకండ్ కలర్ వేరియంట్ ని కంపెనీ రివీల్ చేసింది. OnePlus Nord CE 3 Lite 5G డివైజ్ పేస్టల్ లైమ్ కలర్ తో పాటు క్రొమాటిక్ గ్రే కలర్ ఆప్షన్ లో లభించనుంది.
OnePlus Nord CE 3 Lite 5G ధర విషయానికి వస్తే, ఈ ఫోన్ ధర రూ.25,000 కి దగ్గర్లో ఉండవచ్చు. లీకైన సమాచారాన్ని బట్టి, ఈ ఫోన్ ధర రూ.27,999 గా ఉంటుందని అంచనా.
OnePlus Nord CE 3 Lite 5G స్పెసిఫికేషన్స్ (అంచనా)
OnePlus Nord CE 3 Lite 5G లో 6.72-ఇంచ్ ఫుల్ హెచ్డీ+ ఐపీఎస్ ఎల్సీడీ డిస్ప్లే, 120 హెర్ట్జ్ రిఫ్రెష్ రేట్ ఉంటాయి. ఈ డివైజ్ లో సెంట్రల్లీ-అలైన్డ్ సింగిల్ పంచ్-హోల్ కటౌట్ ఉంటుంది. ఇందులో సెల్ఫీ కెమెరా ఇచ్చారు. OnePlus Nord CE 3 Lite 5G లో 16ఎంపి ఫ్రంట్ కెమెరా ఉండే అవకాశం ఉంది. అలాగే 64ఎంపి మెయిన్ కెమెరా ఉంటుందని అంచనా వేస్తున్నారు.
OnePlus Nord CE 3 Lite 5G లో స్నాప్ డ్రాగన్ 695 చిప్సెట్ ఉంటుందని అంచనా. ఈ ఫోన్ 8జిబి ర్యామ్, 128జిబి స్టోరేజీతో రానుందని సమాచారం. సాఫ్ట్ వేర్ విషయానికి వస్తే, OnePlus Nord CE 3 Lite 5G డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13 కస్టమ్ స్కిన్ పై పని చేయనుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
