భారత్ లో ఒప్పో ఎఫ్-సిరీస్ ఫోన్లకు మంచి డిమాండ్ ఉంది. ఎఫ్-సిరీస్ పోర్ట్ఫోలియో లో ఇప్పటి వరకు చాలా ఫోన్లు వచ్చాయి. త్వరలో రాబోవు స్మార్ట్ ఫోన్ల గురించి ఈ సిరీస్ ఫ్యాన్స్ ఎదురు చూస్తున్నారు. ఈ క్రమంలో ఒప్పో సంస్థ మే 15 న భారత్ లో OPPO F23 Pro 5G ని అనౌన్స్ చేసేందుకు సిద్ధమవుతున్నట్లు సమాచారం. ఈ ఫోన్ స్నాప్ డ్రాగన్ 695 చిప్సెట్ తో వస్తున్నట్లు తెలుస్తోంది. ఈ ఫోన్ తో పాటు స్టాండర్డ్ వేరియంట్ OPPO F23 5G కూడా లాంచ్ అవ్వనుందని వార్తలు వినిపిస్తున్నాయి.
తాజాగా ప్రముఖ టిప్స్టర్ ముకుల్ శర్మ OPPO F23 5G వేరియంట్ వివరాలను వెల్లడించారు. అయితే ఈ ఫోన్ లాంచ్ గురించి ఒప్పో నుంచి అధికార సమాచారం ఇంకా బయటకు రాలేదు. ఇకపోతే టిప్స్టర్ ఈ డివైజ్ కి సంబంధించిన ముఖ్యమైన వివరాలు షేర్ చేశారు.
OPPO F23 5G లాంచ్ తేదీ
OPPO F23 5G డివైజ్ ప్రో మోడల్ తో పాటు మే నెలలోనే లాంచ్ కానుందని అంచనా వేస్తున్నారు. దీనికి సంబంధించి ఒప్పో నుంచి రానున్న రోజుల్లో ఒక ప్రకటన వెలువడే అవకాశం ఉంది. OPPO F23 Pro 5G మే 15 న భారత్ లో లాంచ్ అవుతుందని గతంలో 91మొబైల్స్ తో టిప్స్టర్ ముకుల్ శర్మ చెప్పారు. ప్రో వేరియంట్ తో పాటు అదే తేదీన OPPO F23 5G లాంచ్ అవుతుందని భావిస్తున్నారు.
OPPO F23 5G స్పెసిఫికేషన్స్ (అంచనా)
- 8జిబి ర్యామ్, 256జిబి స్టోరేజీ
- 64ఎంపి ట్రిపుల్ రియర్ కెమెరా
OPPO F23 5G సిరీస్ డిజైన్ విషయంలో మేజర్ అప్గ్రేడ్ పొందనుంది. గత మోడల్స్ తో పోల్చితే కెమెరా ప్లేస్మెంట్ వేరుగా ఉండనుంది. ఈ సిరీస్ ఒప్పో రెనో 8టీ మాదిరి కెమెరా సెటప్ ని కలిగి ఉండనుంది. Oppo F23 5G స్మార్ట్ ఫోన్ 8జిబి ర్యామ్, 256జిబి స్టోరేజీతో వచ్చే అవకాశం ఉంది. ఈ ఒప్పో ఫోన్ 128జిబి స్టోరేజీ ఆప్షన్ లో కూడా లభించే చాన్స్ ఉంది.
OPPO F23 5G స్మార్ట్ ఫోన్ లో ట్రిపుల్ రియర్ కెమెరా ఉంటుందని అంచనా. ఇందులో 64ఎంపి మెయిన్ కెమెరా, 2ఎంపి మ్యాక్రో లెన్స్ ఉండే అవకాశం ఉంది. ఇక సెల్ఫీస్, వీడియో కాల్స్ కోసం ఈ డివైజ్ లో 32ఎంపి ఫ్రంట్ కెమెరా ఉండొచ్చని భావిస్తున్నారు. ఫోన్ బ్యాక్ ప్యానెల్ పై ఒక ఎల్ఈడీ ఫ్లాస్ ఉంటుంది. ఈ డివైజ్ ప్రైమరీ కెమెరా ఓఐఎస్ సపోర్ట్ తో వచ్చే అవకాశం ఉంది.
OPPO F23 Pro కూడా లాంచ్ అయ్యే అవకాశం
OPPO F23 Pro స్మార్ట్ ఫోన్ కూడా లాంచ్ కానుందని సమాచారం. మీడియా రిపోర్ట్స్ ప్రకారం, OPPO F23 Pro డివైజ్ 67 వాట్ ఫాస్ట్ చార్జింగ్ సపోర్ట్, 5,000 ఎంఏహెచ్ బ్యాటరీ తో వచ్చే చాన్స్ ఉంది. ఈ ఫోన్ కూడా మే 15 న లాంచ్ అవుతుందని అంచనా వేస్తున్నారు. స్టాండర్డ్ వేరియంట్ మాదిరి డిజైన్ ని OPPO F23 Pro కలిగి ఉంటుందని అంచనా వేయవచ్చు.
