iQOO చాలా నెలలుగా iQOO 11S స్మార్ట్ఫోన్పై పని చేస్తోంది. రాబోయే డివైజ్ iQOO 12 సిరీస్ స్మార్ట్ఫోన్ల కంటే ముందు iQOO నుండి చివరి ఫ్లాగ్షిప్ స్మార్ట్ఫోన్ ఇదే కానుంది. అయితే తాజాగా iQOO 11S కి సంబంధించిన పనితీరు మరియు వేగవంతమైన ఛార్జింగ్ సామర్థ్యాలపై ఓ నివేదిక బయటకు వచ్చింది. ఇటీవల, స్మార్ట్ఫోన్ 3C ధృవీకరణను పొందింది.
స్మార్ట్ఫోన్ MIIT నుండి ధృవీకరణను కూడా పొందింది. దీంతో లాంచ్ సమీపంలోనే ఉందని అర్థమైంది. వివో సంస్థ చైనా వైస్ ప్రెసిడెంట్ జియా జింగ్డాంగ్, రాబోయే డివైజ్ యొక్క ఇమేజ్ ని షేర్ చేశారు. దీంతో డివైజ్ డిజైన్ ఎలా ఉందో తెలిసిపోయింది. iQOO రాబోయే iQOO 11S స్మార్ట్ఫోన్ లాంచ్ తేదీని ప్రకటించింది. ఈ పరికరంతో iQOO TWS 1ని ప్రారంభించనున్నట్లు కంపెనీ ధృవీకరించింది.
iQOO 11S లాంచ్ తేదీ, ఖరారైన స్పెసిఫికేషన్స్
iQOO ద్వారా భాగస్వామ్యం చేయబడిన కొత్త టీజర్ వీడియో రాబోయే డివైజ్ యొక్క లాంచ్ తేదీని రివీల్ చేసింది. జూలై 4న రాత్రి 7 గంటలకు iQOO తన కొత్త స్మార్ట్ఫోన్ను లాంచ్ చేయనుందని వీడియో ద్వారా రివీల్ అయ్యింది. కంపెనీ BMW మోటార్స్పోర్ట్తో తన భాగస్వామ్యాన్ని కొనసాగిస్తోంది. టీజర్ రాబోయే iQOO 11S స్మార్ట్ఫోన్ యొక్క పూర్తి డిజైన్ను కూడా రివీల్ చేసింది. డివైజ్ సెంటర్డ్ పంచ్ హోల్, స్లిమ్ బెజెల్స్ ని కలిగి ఉంది.
పవర్ బటన్ మరియు వాల్యూమ్ రాకర్స్ ఇతర iQOO స్మార్ట్ఫోన్ల మాదిరిగానే కుడి వైపున ఉన్నాయి. iQOO స్మార్ట్ఫోన్ స్నాప్డ్రాగన్ 8 జెన్ సిరీస్ చిప్సెట్ను కలిగి ఉంటుంది. iQOO అప్గ్రేడ్ చేసిన Qualcomm Snapdragon 8 Gen 2 చిప్సెట్తో స్మార్ట్ఫోన్ను తీసుకొస్తోందని ఒక టిప్స్టర్ వెల్లడించారు. డివైజ్లో డెడికేటెడ్ ఇంటెలిజెంట్ మీడియా చిప్సెట్ ఉంటుందని కంపెనీ పేర్కొంది.
బ్రాండ్ భాగస్వామ్యంతో వచ్చిన మరో టీజర్ రాబోయే డివైజ్ యొక్క కలర్ ఆప్షన్స్ ని రివీల్ చేసింది. iQOO 11S స్మార్ట్ఫోన్ లెజెండరీ వెర్షన్ (బ్లాక్), ట్రాక్ వెర్షన్ (వైట్) మరియు కియాంటాంగ్ టింగ్చావో (సియాన్) కలర్ ఆప్షన్లలో అందుబాటులో ఉంటుంది. స్మార్ట్ఫోన్ యొక్క 3C లిస్టింగ్ ప్రకారం, డివైజ్ 200W ఫాస్ట్ ఛార్జింగ్ టెక్నాలజీతో వస్తున్నట్లు తెలిసింది.
iQOO సంస్థ iQOO 11S డివైజ్ ని మూడు వేరియంట్లలో విడుదల చేయనుందని టిప్స్టర్ డిజిటల్ చాట్ స్టేషన్ వెల్లడించింది. Qualcomm Snapdragon 8 Gen 2 చిప్సెట్ LPDDR5x RAM మరియు UFS 4.0 స్టోరేజ్తో పెయిర్ చేయబడుతుంది. iQOO స్మార్ట్ఫోన్ను 12GB + 256GB, 16GB + 256 /512GB మరియు 16GB + 1TB వేరియంట్లలో లాంచ్ చేసే అవకాశం ఉంది. బేస్ వేరియంట్ ధరను కంపెనీ CNY 4,099 (సుమారు రూ. 46,600)గా నిర్ణయించే అవకాశం ఉంది.
iQOO TWS 1 1.2mbps లాస్లెస్ ఆడియో, 49db ANC మరియు 54ms గేమింగ్ లేటెన్సీకి సపోర్ట్ చేస్తుంది. ఇయర్బడ్లు కేస్తో 42 గంటల బ్యాటరీ లైఫ్ ని కలిగి ఉంటాయి. TWS 1 లెజెండరీ ట్రాక్ డిజైన్ కలర్ ఆప్షన్ లో లాంచ్ అవుతుంది. IQOO గ్లోబల్ మార్కెట్ల కోసం రాబోయే నెలల్లో iQOO 11S మరియు iQOO TWS 1ని లాంచ్ చేయనుంది.
iQOO 11S స్పెసిఫికేషన్స్ (అంచనా)
- డిస్ప్లే: iQOO 11S లో 6.78-ఇంచ్ ఈ6 అమోలెడ్ డిస్ప్లే, 2కే రెజుల్యూషన్, 144 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: iQOO 11S స్మార్ట్ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ ఉంటుంది.
- మెమొరీ, స్టోరేజీ: iQOO 11S డివైజ్ లో 12జిబి/16జిబి ఎల్పీడీడీఆర్5ఎక్స్ ర్యామ్, 256జిబి/512జిబి/1టిబి యూఎఫ్ఎస్ 4.0 స్టోరేజీ ఉంటాయి.
- సాఫ్ట్వేర్: iQOO 11S స్మార్ట్ ఫోన్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 3.0 కస్టమ్ స్కిన్ పై పని చేస్తుంది.
- రియర్ కెమెరా: iQOO 11S స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ ప్రైమరీ కెమెరా, 13ఎంపి టెలీఫోటో లెన్స్, 8ఎంపి అల్ట్రావైడ్ లెన్స్ ఉంటాయి.
- ఫ్రంట్ కెమెరా: iQOO 11S స్మార్ట్ ఫోన్ లో సెల్ఫీస్, వీడియో కాల్స్ కోసం 16ఎంపి సెల్ఫీ కెమెరా ఉంటుంది.
- బ్యాటరీ: iQOO 11S డివైజ్ లో 4700 ఎంఏహెచ్ బ్యాటరీ ఉంటుంది. ఇది 200 వాట్ ఫాస్ట్ చార్జింగ్ సపోర్ట్ తో వస్తోంది.
- ఇతర ఫీచర్స్: iQOO 11S స్మార్ట్ ఫోన్ లో ఇన్-డిస్ప్లే ఫింగర్ ప్రింట్ స్కానర్, స్టీరియో స్పీకర్, యూఎస్బీ టైప్-సీ పోర్ట్ ఉంటాయి.
