స్వదేశీ స్మార్ట్ ఫోన్ తయారీదారు అయిన Lava భారతీయ మార్కెట్ లో గతేడాది Lava Blaze 5G అనే డివైజ్ ని లాంచ్ చేసింది. అయితే ఇప్పుడు ఈ డివైజ్ యొక్క 8జిబి ర్యామ్ పవర్ఫుల్ వేరియంట్ ని తీసుకొచ్చింది. అంతే కాదు, 8జిబి ఫిజికల్ ర్యామ్ తో పాటు, 8జిబి వర్చువల్ ర్యామ్ ని కూడా ఈ ఫోన్ లో ఆఫర్ చేస్తున్నారు. దీంతో యూజర్ కి మొత్తం 16జిబి ర్యామ్ లభించనుంది. సరే, ఓసారి Lava Blaze 5G ధర, స్పెసిఫికేషన్స్, లభ్యత తదితర వివరాలు తెలుసుకుందాం.
Lava Blaze 5G ధర, లభ్యత
Lava Blaze 5G డివైజ్ 8జిబి వేరియంట్ ధరను రూ.12,999 గా నిర్ణయించారు. అయితే లాంచ్ ఆఫర్ లో భాగంగా ఈ ఫోన్ ని రూ.12,499 కే కొనుగోలు చేయవచ్చు. కంపెనీ బ్యాంక్ ఆఫర్ ని రన్ చేస్తోంది. దీని ద్వారా ఎస్బీఐ క్రెడిట్ కార్డ్ మరియు ఈఎంఐ ట్రాన్సాక్షన్స్ పై రూ.1000 వరకు డిస్కౌంట్ లభించనుంది. అంటే Lava Blaze 5G ఫోన్ ని కస్టమర్లు రూ.11,499 కే సొంతం చేసుకోవచ్చు. నేటి నుంచి అమెజాన్ ద్వారా Lava Blaze 5G డివైజ్ సేల్స్ మొదలయ్యాయి.
Lava Blaze 5G స్పెసిఫికేషన్స్
- డిస్ప్లే: Lava Blaze 5G లో 6.5-ఇంచ్ హెచ్డీ+ ఐపీఎస్ డిస్ప్లే, 1600*720 పిక్సెల్ రెజుల్యూషన్, 90 హెర్ట్జ్ రిఫ్రెష్ రేట్ ఉన్నాయి.
- చిప్సెట్: Lava Blaze 5G డివైజ్ లో మీడియాటెక్ డైమెన్సిటీ 700 చిప్ వాడారు.
- స్టోరేజీ: Lava Blaze 5G డివైజ్ 128జిబి స్టోరేజీ ఆఫర్ చేస్తోంది. ఇంకా 8జిబి ర్యామ్, 8జిబి వర్చువల్ ర్యామ్ సపోర్ట్ ఈ ఫోన్ లో ఉన్నాయి. దీంతో 16జిబి వరకు ర్యామ్ పవర్ యూజర్ కి లభిస్తుంది. మైక్రోఎస్డీ కార్డ్ ద్వారా 1టిబి వరకు మెమొరీని పెంచుకునే వీలుంది.
- బ్యాటరీ: Lava Blaze 5G స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
- కెమెరా: Lava Blaze 5G డివైజ్ లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి మ్యాక్రో లెన్స్, ఒక ఏఐ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- ఓఎస్: Lava Blaze 5G డివైజ్ ఆండ్రాయిడ్ 13 ఓఎస్ పై పని చేస్తుంది.
- ఇతర ఫీచర్లు: Lava Blaze 5G డివైజ్ లో డ్యూయల్ సిమ్, 5జీ, 4జీ, సైడ్ మౌంటెడ్ ఫింగర్ ప్రింట్ స్కానర్, బ్లూటూత్, వై-ఫై, జీపీఎస్ వంటి కనెక్టివిటీ ఫీచర్లు ఉన్నాయి.
