ప్రముఖ స్మార్ట్ ఫోన్ బ్రాండ్ OPPO నేడు భారతీయ మార్కెట్ లో OPPO A38 డివైజ్ ని లాంచ్ చేసింది. ఏ-సిరీస్ లో వచ్చిన ఈ ఫోన్ బడ్జెట్ సెగ్మెంట్ కొనుగోలుదారులను ఉద్దేశించి తీసుకొచ్చారు. OPPO A38 స్మార్ట్ ఫోన్ 90 హెర్ట్జ్ రిఫ్రెష్ రేట్, హెచ్డీ+ రెజుల్యూషన్, 6.56-ఇంచ్ డిస్ప్లే, 5 మెగా పిక్సెల్ ఫ్రంట్ కెమెరా, 4జిబి ర్యామ్, 128జిబి స్టోరేజీ, 50ఎంపి డ్యూయల్ రియర్ కెమెరా సెటప్ తో వచ్చింది. సరే, ఓసారి OPPO A38 డివైజ్ పూర్తి స్పెసిఫికేషన్స్, ధర తదితర వివరాలు తెలుసుకుందాం పదండి.
భారత్ లో OPPO A38 ధర, లభ్యత
భారత్ లో OPPO A38 స్మార్ట్ఫోన్ ధరను రూ.12,999 గా నిర్ణయించారు. ఈ డివైజ్ 4జిబి ర్యామ్, 128జిబి స్టోరేజీని ఆఫర్ చేస్తుంది. గ్లోయింగ్ బ్లాక్, గ్లోయింగ్ గోల్డ్ కలర్ ఆప్షన్స్ లో లభిస్తుంది. ఆసక్తిగల వారు ఫ్లిప్కార్ట్ ద్వారా కొనుగోలు చేయవచ్చు.
OPPO A38 స్పెసిఫికేషన్స్, ఫీచర్స్
- స్క్రీన్: OPPO A38 లో 6.56-ఇంచ్ హెచ్డీ+ డిస్ప్లే, 90 హెర్ట్జ్ రిఫ్రెష్ రేట్, 720 నిట్స్ పీక్ బ్రైట్నెస్, వాటర్ డ్రాప్ నాచ్ ఉన్నాయి.
- చిప్సెట్: OPPO A38 స్మార్ట్ ఫోన్ లో మీడియాటెక్ హీలియో జీ85 చిప్సెట్ వాడారు. ఇది ఆక్టా-కోర్ ప్రాసెసర్. గ్రాఫిక్స్ కోసం ఈ ఫోన్ లో మాలి-జీ52 ఎంపీ2 జీపీయూ వాడారు.
- ర్యామ్, స్టోరేజీ: OPPO A38 డివైజ్ లో 4జిబి ఎల్పీడీడీఆర్4ఎక్స్ ర్యామ్, 128జిబి ఈఎంఎంసీ 5.1 స్టోరేజీ ఉన్నాయి. మైక్రోఎస్డీ కార్డ్ ద్వారా 1టిబి వరకు మెమొరీని పెంచుకోవచ్చు.
- ఓఎస్: OPPO A38 డివైజ్ ఆండ్రాయిడ్ 13 ఓఎస్ ఆధారిత కలర్ఓఎస్ 13.1 కస్టమ్ స్కిన్ పై పని చేస్తుంది.
- కెమెరా: OPPO A38 స్మార్ట్ ఫోన్ లో 50ఎంపి ప్రైమరీ కెమెరా, 2ఎంపి పొట్రెయిట్ లెన్స్ ఉన్నాయి. సెల్ఫీస్, వీడియో కాల్స్ కోసం 5ఎంపి ఫ్రంట్ కెమెరాను అందించారు.
- బ్యాటరీ: OPPO A38 లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 33 వాట్ సూపర్వూక్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: OPPO A38 స్మార్ట్ ఫోన్ లో 4జీ, డ్యూయల్ సిమ్, వై-ఫై, బ్లూటూత్, జీపీఎస్, సైడ్-మౌంటెడ్ ఫింగర్ ప్రింట్ స్కానర్ వంటి ఫీచర్లు ఉన్నాయి.
