Tecno, ఈ సంవత్సరం ఫిబ్రవరిలో, Tecno Pop 7 Pro స్మార్ట్ఫోన్ను భారత మార్కెట్లో ప్రవేశపెట్టింది. Tecno త్వరలో కొత్త పాప్ సిరీస్ హ్యాండ్సెట్ Tecno Pop 8 ని దేశంలో లాంచ్ చేయనుందని టిప్స్టర్ పారస్ గుగ్లాని తెలిపారు. అయితే ఇప్పటికే, టెక్నో సంస్థ గ్లోబల్ మార్కెట్స్ లో Tecno Pop 8 స్మార్ట్ఫోన్ ని కొన్ని వారాల క్రితం లాంచ్ చేసింది.
Tecno Pop 8 ఇండియా లాంచ్ సమాచారాన్ని పారస్ గుగ్లాని X ప్లాట్ఫామ్ పై షేర్ చేశారు. అలాగే ఈ డివైజ్ యొక్క అంచనా ధరను కూడా పారస్ రివీల్ చేశారు. Tecno Pop 8 సంస్థ యొక్క ఇంటర్నల్ డైనమిక్ పోర్ట్ డిస్ప్లేను కలిగి ఉంటుంది. ఇది Apple యొక్క డైనమిక్ ఐల్యాండ్ వంటిదని చెప్పుకోవచ్చు.
Tecno Pop 8 90Hz రిఫ్రెష్ రేట్ డిస్ప్లేను కలిగి ఉన్న మొదటి పాప్-సిరీస్ స్మార్ట్ఫోన్. ఇది UniSoC T606 ప్రాసెసర్ మరియు 4GB వరకు RAM ద్వారా శక్తిని పొందుతుంది. ఈ స్మార్ట్ఫోన్ 5000mAh బ్యాటరీతో వస్తోంది. భారతదేశంలో Tecno Pop 8 ధర, స్పెసిఫికేషన్స్ తదితర వివరాలను తెలుసుకుందాం పదండి.
Tecno Pop 8 launching soon ????
– Android T GO
– Unisoc T606
-13MP Primary
-8MP Front
-5000 mAh/10W<₹6999 pic.twitter.com/qHtMBrWmsI
— Paras Guglani (@passionategeekz) October 29, 2023
భారత్ లో Tecno Pop 8 ధర
టిప్స్టర్ పారస్ గుగ్లాని Tecno Pop 8 డివైజ్ యొక్క కచ్చితమైన ధరను వెల్లడించలేదు. అయితే భారత్ లో ఈ ఫోన్ ధర రూ.7,000 లోపే ఉంటుందని అంచనా వేస్తున్నారు. Tecno Pop 8 డివైజ్ ఇప్పటికే గ్లోబల్ మార్కెట్స్ లోకి పరిచయం చేయబడింది. దీంతో స్పెసిఫికేషన్స్ ఎలా ఉంటాయో తెలిసింది.
Tecno Pop 8 స్పెసిఫికేషన్స్
- డిస్ప్లే: Tecno Pop 8 లో 6.6-ఇంచ్ ఎల్సీడీ స్క్రీన్, హెచ్డీ+ (720*1612 పిక్సెల్స్) రెజుల్యూషన్, 90 హెర్ట్జ్ రిఫ్రెష్ రేట్, సెంటర్డ్ పంచ్ హోల్ నాచ్, డైనమిక్ పోర్ట్ ఉంటాయి.
- ప్రాసెసర్: Tecno Pop 8 లో యూనిఎస్ఓసీ టీ606 చిప్, మాలి జీ57 జీపీయూ గ్రాఫిక్స్ ఉంటాయి.
- మెమొరీ: Tecno Pop 8 ఫోన్ 3జిబి/4జిబి ర్యామ్ మరియు 3జిబి/4జిబి ఎక్స్టెండెడ్ ర్యామ్ ఉంటాయి. 64జిబి/128జిబి స్టోరేజీ ఉంటాయి. మైక్రో-ఎస్డీ కార్డ్ సాయంతో మెమొరీని 1టిబి వరకు పెంచుకోవచ్చు.
- సాఫ్ట్వేర్: Tecno Pop 8 స్మార్ట్ఫోన్ ఆండ్రాయిడ్ 13 గో ఎడిషన్ ఓఎస్ పై పని చేస్తుంది.
- కెమెరా: Tecno Pop 8 లో 13ఎంపి ప్రైమరీ కెమెరా, ఏఐ లెన్స్, ఎల్ఈడీ ఫ్లాష్ ఉంటాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా, డ్యూయల్ ఎల్ఈడీ ఫ్లాష్ ఉంటాయి.
- బ్యాటరీ: Tecno Pop 8 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 10 వాట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్ఫర్ కోసం యూఎస్బీ టైప్-సీ పోర్ట్ ఉంటుంది.
- సెక్యూరిటీ: Tecno Pop 8 లో భద్రత కోసం సైడ్-మౌంటెడ్ ఫింగర్ ప్రింట్ స్కానర్ ఉంటుంది.
- ఆడియో: Tecno Pop 8 లో స్టీరియో స్పీకర్ సెటప్, డీటీఎస్ ఆడియో ఉంటాయి.
- కనెక్టివిటీ: Tecno Pop 8 లో డ్యూయల్ సిమ్, 4జీ, వై-ఫై, బ్లూటూత్, జీపీఎస్ ఉంటాయి.
