ప్రముఖ స్మార్ట్ఫోన్ బ్రాండ్ OnePlus త్వరలో గ్లోబల్ మరియు భారతీయ మార్కెట్స్ లో OnePlus 12 ఫ్లాగ్షిప్ ని లాంచ్ చేయనుంది. ఇప్పటికే ఈ ఫోన్ చైనాలో లాంచ్ అయ్యింది. జనవరి 23న భారత్ తో పాటు గ్లోబల్ గా OnePlus 12 ఎంట్రీ ఇవ్వనుంది. ఈ ఫోన్ తో పాటు OnePlus 12R కూడా లాంచ్ కానుందని సమాచారం. తాజాగా ఈ రెండు ఫోన్ల యొక్క ధర లీక్ అయ్యింది. సరే, ఓసారి ఆ విశేషాలేంటో తెలుసుకుందాం పదండి.
OnePlus 12, OnePlus 12R ధరలు (లీక్)
- టిప్స్టర్ యోగేశ్ బ్రార్ OnePlus 12 ధర రూ.58,000 నుంచి రూ.60,000 మధ్య ఉంటుందని చెబుతున్నారు.
- OnePlus 12 క్వాల్కమ్ స్నాప్ డ్రాగన్ 8 జెన్ 3 చిప్సెట్ తో వస్తోంది.
- OnePlus 12 స్మార్ట్ఫోన్ భారత్ లో 16జిబి వరకు ర్యామ్ + 512జిబి వరకు స్టోరేజీ వేరియంట్స్ లో లభించనుంది.
- OnePlus 12 డివైజ్ గ్రీన్ మరియు బ్లాక్ కలర్ ఆప్షన్స్ లో లభిస్తుందని టిప్స్టర్ తెలిపారు.
- మరోవైపు, OnePlus 12R ధర రూ.40,000 నుంచి రూ.42,000 మధ్య ఉంటుందని టిప్స్టర్ అంచనా వేశారు.
- OnePlus 12R లో క్వాల్కమ్ స్నాప్ డ్రాగన్ 8 జెన్ 2 చిప్సెట్ ఉంటుంది.
- OnePlus 12R డివైజ్ 16జిబి వరకు ర్యామ్, 256జిబి వరకు స్టోరేజీ వేరియంట్స్ లో లభించనుంది.
- OnePlus 12R ఫోన్ బ్లూ మరియు బ్లాక్ కలర్ వేరియంట్స్ లో లభించే అవకాశం ఉంది.
- OnePlus 12 డివైజ్ 12జిబి ర్యామ్ + 256జిబి బేస్ మోడల్ ధర చైనాలో CNY 4,299 (సుమారు రూ.50,600) గా ఉంది.
- OnePlus 12 డివైజ్ 16జిబి ర్యామ్, 512జిబి స్టోరేజీ వేరియంట్ ధర CNY 4,799 (సుమారు రూ.56,500) గా ఉంది.
- OnePlus 12 16జిబి +1టిబి టాప్ వేరియంట్ ధర CNY 5,299 (సుమారు రూ.62,400) గా ఉంది.
- OnePlus 12 24జిబి + 1టిబి వేరియంట్ ధర CNY 5,799 (సుమారు రూ.68,200) గా ఉంది.
OnePlus 12 స్పెసిఫికేషన్స్
- డిస్ప్లే: OnePlus 12 లో 6.82-ఇంచ్ ఓఎల్ఈడీ స్క్రీన్, 2కే రెజుల్యూషన్, 120 హెర్ట్జ్ రిఫ్రెష్ రేట్, 4,500 నిట్స్ పీక్ బ్రైట్నెస్, 2,160 హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
- ప్రాసెసర్: OnePlus 12 లో క్వాల్కమ్ స్నాప్ డ్రాగన్ 8 జెన్ 3 చిప్సెట్ వాడారు.
- ర్యామ్, స్టోరేజీ: OnePlus 12 స్మార్ట్ఫోన్ 24జిబి వరకు ర్యామ్, 1టిబి వరకు స్టోరేజీ ఆప్షన్స్ లో లభిస్తుంది.
- కెమెరా: OnePlus 12 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఎల్వైటీ-808 ఓఐఎస్ ప్రైమరీ కెమెరా, 48ఎంపి సోని ఐఎంఎక్స్581 అల్ట్రావైడ్ లెన్స్, 64ఎంపి ఒమ్నివిజన్ ఒవి64బి 3x పెరిస్కోప్ జూమ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంది.
- బ్యాటరీ: OnePlus 12 స్మార్ట్ఫోన్ లో పవర్ బ్యాకప్ కోసం 5,400 ఎంఏహెచ్ బ్యాటరీ ఉంది. ఇందులో 100 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ సపోర్ట్ ఉన్నాయి.
- ఓఎస్: OnePlus 12 ఫోన్ ఆండ్రాయిడ్ 14 ఓఎస్ ఆధారిత కలర్ఓఎస్ 14 కస్టమ్ స్కిన్ పై పని చేస్తుంది.
