OnePlus సంస్థ త్వరలోనే OnePlus 12 సిరీస్ ని భారత్ లో లాంచ్ చేసేందుకు సిద్ధమవుతోంది. జనవరి 23న భారతీయ మార్కెట్ లో ఈ ఫోన్ లాంచ్ కానుంది. లాంచ్ ఈవెంట్ లో వన్ప్లస్ సంస్థ OnePlus 12 తో పాటు OnePlus 12R ని లాంచ్ చేయనుంది. అయితే లాంచ్ కి ముందు OnePlus 12 స్మార్ట్ఫోన్ యొక్క మైక్రోసైట్ అమెజాన్ వెబ్సైట్ పై లిస్ట్ అయ్యింది. టీజర్ ద్వారా OnePlus 12 డిజైన్, చార్జింగ్ స్పెసిఫికేషన్స్ రివీల్ చేశారు. చైనాలో ఇప్పటికే లాంచైన OnePlus 12 మాదిరే ఇండియా మోడల్ కూడా ఉంటుంది.
Amazon వెబ్సైట్ పై OnePlus 12 మైక్రోసైట్
జనవరి 23న భారతీయ మార్కెట్ లో లాంచ్ కాబోయే OnePlus 12 డివైజ్ తాజాగా ఈ-కామర్స్ వెబ్సైట్ అమెజాన్ లో లిస్ట్ అయ్యింది. OnePlus 12 మైక్రోసైట్ ప్రస్తుతం అమెజాన్ ప్లాట్ఫామ్ పై దర్శనమిస్తోంది. అమెజాన్ ఎక్స్క్లూజివ్ ఈ డివైజ్ టీజర్ ని షేర్ చేసింది. టీజర్ ద్వారా పలు స్పెసిఫికేషన్స్ కన్ఫర్మ్ అయ్యాయి.
OnePlus 12 ఇండియా అంచనా ధర
- OnePlus 12 12జిబి+256జిబి వేరియంట్ ధర చైనాలో CNY 4,299 (సుమారు రూ.50,600) గా ఉంది. భారత్ లో ఈ వేరియంట్ ధర రూ.60,000 గా ఉంటుందని అంచనా వేస్తున్నారు.
- OnePlus 12R స్నాప్డ్రాగన్ 8 జెన్ 2 చిప్సెట్ తో వస్తోంది. దీని ధర భారత్ లో రూ.50,000 లోపు ఉండే అవకాశం ఉంది.
OnePlus 12 స్పెసిఫికేషన్స్
- డిస్ప్లే: OnePlus 12 లో 6.82-ఇంచ్ ఓఎల్ఈడీ స్క్రీన్, 2కే రెజుల్యూషన్, 120 హెర్ట్జ్ రిఫ్రెష్ రేట్, 4,500 నిట్స్ పీక్ బ్రైట్నెస్, 2,160 హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
- ప్రాసెసర్: OnePlus 12 లో క్వాల్కమ్ స్నాప్ డ్రాగన్ 8 జెన్ 3 చిప్సెట్ వాడారు.
- ర్యామ్, స్టోరేజీ: OnePlus 12 స్మార్ట్ఫోన్ 24జిబి వరకు ర్యామ్, 1టిబి వరకు స్టోరేజీ ఆప్షన్స్ లో లభిస్తుంది.
- కెమెరా: OnePlus 12 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఎల్వైటీ-808 ఓఐఎస్ ప్రైమరీ కెమెరా, 48ఎంపి సోని ఐఎంఎక్స్581 అల్ట్రావైడ్ లెన్స్, 64ఎంపి ఒమ్నివిజన్ ఒవి64బి 3x పెరిస్కోప్ జూమ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంది.
- బ్యాటరీ: OnePlus 12 స్మార్ట్ఫోన్ లో పవర్ బ్యాకప్ కోసం 5,400 ఎంఏహెచ్ బ్యాటరీ ఉంది. ఇందులో 100 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ సపోర్ట్ ఉన్నాయి.
- ఓఎస్: OnePlus 12 ఫోన్ ఆండ్రాయిడ్ 14 ఓఎస్ ఆధారిత కలర్ఓఎస్ 14 కస్టమ్ స్కిన్ పై పని చేస్తుంది.
