దక్షిణ కొరియా స్మార్ట్ఫోన్ తయారీదారు Samsung నేడు అనగా 2024 జనవరి 17న Galaxy Unpacked 2024 ఈవెంట్ ని నిర్వహిస్తోంది. ఈవెంట్ లో భాగంగా పలు శాంసంగ్ ఉత్పత్తులు లాంచ్ కానున్నాయి. అందులో గెలాక్సీ ఏఐ తో పాటు, గెలాక్సీ ఎస్24 సిరీస్ ఫోన్లు ఉన్నాయి. 7 ఏళ్ళ పాటు సెక్యూరిటీ మరియు ఓఎస్ అప్డేట్స్ ని అందించబోతున్నట్లు ఈవెంట్ లో శాంసంగ్ ప్రకటించింది.
అన్ప్యాక్డ్ ఈవెంట్ ని లైవ్ లో చూడాలనుకునే వారు క్రింద మేం అందించిన వివరాలను ఫాలో అవ్వండి.
Galaxy Unpacked 2024 ఈవెంట్ లైవ్ ఎక్కడ చూడాలి?
అమెరికాలోని క్యాలిఫోర్నియాలో గెలాక్సీ అన్ప్యాక్డ్ 2024 గ్లోబల్ ఈవెంట్ నిర్వహించబడుతోంది. ఈవెంట్ ప్రత్యక్షప్రసారాన్ని భారత్ నుంచి వీక్షించవచ్చు. జనవరి 17న రాత్రి 11.30 గంటలకు ఈవెంట్ ప్రత్యక్షప్రసారం భారత్ లో మొదలైంది. కంపెనీ వెబ్సైట్ శాంసంగ్ ఇండియా తో పాటు శాంసంగ్ న్యూస్రూమ్ ఇండియా ద్వారా ఈవెంట్ లైవ్ ని చూడవచ్చు.
శాంసంగ్ యొక్క సోషల్ మీడియా ప్లాట్ఫామ్స్ X మరియు Facebook లతో పాటు YouTube ఛానల్ ద్వారా Galaxy Unpacked Event 2024 లైవ్ ని చూడవచ్చు. క్రింద ఇవ్వబడిన వీడియో విండో ద్వారా ఈవెంట్ లైవ్ ని వీక్షించవచ్చు.
Galaxy Unpacked 2024 లో ఏమి లాంచ్ కానున్నాయి?
భారత్ లో శాంసంగ్ ఉత్పత్తులకు, ప్రత్యేకించి స్మార్ట్ఫోన్లకు మాంచి గిరాకీ ఉన్న సంగతి తెలిసిందే. అందుకోసమే శాంసంగ్ గ్లోబల్ మార్కెట్స్ తో పాటు భారత్ లో కూడా ఏకకాలంలో తన ఉత్పత్తులను లాంచ్ చేస్తోంది. Galaxy S24 సిరీస్ లో 3 స్మార్ట్ఫోన్లు లాంచ్ కానున్నాయి. ఈ లైనప్ లో Samsung Galaxy S24, Galaxy S24 Plus మరియు Galaxy S24 Ultra డివైజెస్ లాంచ్ కానున్నాయి. ఇంకా కొత్త ఆర్టిఫిషియల్ ఇంటెలిజెన్స్ టెక్నాలజీని శాంసంగ్ ఈ ఈవెంట్ లో లాంచ్ చేయనుంది.
Samsung Galaxy S24 Ultra స్పెసిఫికేషన్స్ (అంచనా)
- డిస్ప్లే: Samsung Galaxy S24 Ultra లో 6.8-ఇంచ్ ఎల్టీపీవో అమోలెడ్ డిస్ప్లే, క్యూహెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్, డాల్బీ విజన్, సెంటర్ పంచ్-హోల్ కటౌట్ ఉంటాయి.
- ప్రాసెసర్: Samsung Galaxy S24 Ultra లో క్వాల్కమ్ స్నాప్డ్రాగన్ 8 జెన్ 3 చిప్సెట్ ఉంటుంది. మరొక వేరియంట్ ఎగ్జినోస్ 2400 చిప్సెట్ తో వస్తోంది. అలాగే గెలాక్సీ ఏఐ ఫీచర్స్ ని కంపెనీ టీజ్ చేస్తోంది.
- మెమొరీ: Samsung Galaxy S24 Ultra డివైజ్ 12జిబి వరకు ర్యామ్, 256జిబి/512జిబి/1టిబి వరకు స్టోరేజీతో వస్తోంది.
- బ్యాటరీ: Samsung Galaxy S24 Ultra లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఈ డివైజ్ 45 వాట్ ఫాస్ట్ చార్జింగ్ కి సపోర్ట్ చేస్తుంది.
