హైలైట్స్
- జియో లో లేని ఎయిర్టెల్ ఆఫర్ చేస్తున్న ఆ రెండు ప్యాక్స్
- రూ.499 మరియు రూ.3359 రీచార్జ్ ప్లాన్స్ తో లభిస్తున్న అమెజాన్ ప్రైమ్ వీడియో, డిస్నీ+ హాట్స్టార్ ఉచిత సబ్స్క్రిప్షన్
- అదనపు ప్రయోజనాలు కూడా అందిస్తోన్న రూ.499, రూ.3359 ప్లాన్స్
Airtel ఇటీవలె తన బేసిక్ ప్లాన్ ధరను 57 శాతం పెంచేసింది. దీంతో ఎయిర్టెల్ కస్టమర్లు కోపోద్రిక్తులయ్యారు. ఇప్పుడు ఎయిర్టెల్ యొక్క చీపెస్ట్ ప్లాన్ ధర రూ.155 నుంచి మొదలవుతుంది. ఇకపోతే ఎయిర్టెల్ లో రెండు చక్కటి ప్లాన్స్ ఉన్నాయి. ఆ తరహా ప్లాన్స్ ని Jio కూడా అందించడం లేదు. జియోకి, ఎయిర్టెల్ కి మధ్య తేడా ఇక్కడే ఉంది. అవును మరి, అద్భుతమైన రెండు కాంబో ప్లాన్స్ ఎయిర్టెల్ వద్ద ఉన్నాయి. అవేంటో తెలుసుకుందాం పదండి.
ఈ రీచార్జ్ లతో లభించనున్న Disney+ Hotstar సభ్యత్వం
ఎయిర్టెల్ అందిస్తోన్న రూ.499 మరియు రూ.3359 ప్లాన్స్ ద్వారా డిస్నీ ప్లస్ హాట్ స్టార్ సభ్యత్వం లభిస్తుంది. అదే జియో వద్ద ఇలా ఓటీటీ సబ్స్క్రిప్షన్ తో కూడిన ప్లాన్స్ అందుబాటులో లేవు. సరే కాసేపు జియో విషయం పక్కనబెడితే, రూ.499 మరియు రూ.3359 ప్లాన్స్ అందిస్తోన్న బెనిఫిట్స్ ఏంటో తెలుసుకుందాం పదండి.
Airtel Rs.499 ప్లాన్
ఎయిర్టెల్ అందిస్తోన్న రూ.499 ప్లాన్ ద్వారా యూజర్లకు అపరిమిత కాలింగ్ సౌకర్యం, డెయిలీ 100 ఎస్ఎంఎస్ లు, డెయిలీ 2జిబి డేటా లభిస్తాయి. అలాగే ఈ ప్లాన్ 28 రోజుల పాటు చెల్లుబాటులో ఉంటుంది. అంతేనా, ఫాస్టాగ్ పై రూ.100 క్యాష్బ్యాక్ లభిస్తుంది. ఇంకా డిస్నీ ప్లస్ హాట్స్టార్, వింక్ మ్యూజిక్, హలో ట్యూన్స్ లభిస్తాయి. అపోలో 24*7 బెనిఫిట్స్ మూడు నెలల వరకు లభిస్తాయి.
Airtel Rs.3359 ప్లాన్
ఎయిర్టెల్ అందిస్తోన్న మరొక చక్కటి ప్లాన్ రూ.3359. ఈ ప్లాన్ ని రీచార్జ్ చేసుకునే కస్టమర్లకు Amazon Prime Video Mobile Edition సభ్యత్వం ఉచితంగా లభిస్తుంది. అంతేకాదండోయ్, Disney+ Hotstar సభ్యత్వం ఏడాది పాటు ఉచితంగా లభిస్తుంది. ఈ ప్లాన్ తో అదనపు లాభాలు కూడా ఉన్నాయి. అవేంటంటే, ఈ ప్లాన్ ద్వారా 365 రోజుల వ్యాలిడిటీ, డెయిలీ 2.5జిబి డేటా, డెయిలీ 100 ఎస్ఎంఎస్, అపరిమిత కాల్స్ లభిస్తాయి.
ఇన్ని విధాలుగా బెనిఫిట్స్ అందిస్తోన్న ఈ ఎయిర్టెల్ రీచార్జ్ ప్లాన్స్ గురించి ఇప్పుడు మీకు తెలిసింది కదా. మీరు కనుక ఇటువంటి కాంబో ప్యాక్ కోసం చూస్తున్నట్లయితే ఓసారి ట్రై చేయండి. ఏడాది వ్యాలిడిటీ ఉన్న ప్యాక్ కోసం చూస్తుంటే రూ.3359 సరైన ఆప్షన్. అందునా, ఈ ప్లాన్ తో ప్రైమ్ వీడియో, డిస్నీ ప్లస్ హాట్ స్టార్ సభ్యత్వం కూడా ఉచితంగా లభిస్తోంది. 28 రోజుల వ్యాలిడిటీ చాలనుకుంటే అప్పుడు రూ.499 ప్యాక్ ని ప్రయత్నించండి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.