భారతదేశంలో ఉన్న రెండో అతిపెద్ద టెలీకామ్ సంస్థగా ఎయిర్టెల్ కొనసాగుతోంది. రిలయన్స్ జియోని వెనక్కి నెట్టేందుకు ఎయిర్టెల్ విశ్వప్రయత్నం చేస్తోంది. ఇక విషయంలోకి వెళ్తే తాజాగా, ఎయిర్టెల్ ఒక చవకైన ప్లాన్ ని లాంచ్ చేసింది. రూ.49 విలువజేసే ఈ డేటా వోచర్ ప్రయోజనాలేంటో తెలుసుకుందాం పదండి.
ఎయిర్టెల్ రూ.49 ప్లాన్
ఎయిర్టెల్ తీసుకొచ్చిన రూ.49 రీచార్జ్ ప్లాన్ ఒక డేటా వోచర్. ఈ ప్లాన్ ద్వారా యూజర్ కి ఇంటర్నెట్ డేటా ప్రయోజనం లభిస్తుంది. ఈ డేటా వోచర్ ద్వారా యూజర్ కి కేవలం 1 రోజు వ్యాలిడిటీ లభిస్తుంది. అంటే ఒక్కసారి రీచార్జ్ చేస్తే 24 గంటల పాటు ఈ వోచర్ చెల్లుబాటు అవుతుంది.
రూ.49 ప్లాన్ ప్రయోజనాలు
- 6జిబి డేటా
- 1 రోజు వ్యాలిడిటీ
- 4జీ స్పీడ్
ఎయిర్టెల్ లాంచ్ చేసిన కొత్త రీచర్జ్ ప్లాన్ అయిన రూ.49 వోచర్ ద్వారా యూజర్ కి ఒక రోజుల వ్యాలిడిటీ లభిస్తుంది. అలాగే 4జీ స్పీడ్ గల 6జిబి డేటా లభిస్తుంది. ఈ డేటా రోలోవర్ కాబోదు. అంటే 6జిబి డేటాను వ్యాలిడిటీ లోపే వాడుకోవాలి. లేదంటే మిగిలిన డేటా ప్రయోజనం ఎక్స్పైర్ అవుతుంది. ఒకరోజు వ్యాలిడిటీ ముగిసాక ఈ ప్లాన్ కి సంబంధించిన ఏ డేటా కూడా వాడుకోలేరు.
ఈ ఎయిర్టెల్ డేటా వోచర్ ద్వారా ఇంటర్నెట్ ఫెసిలీటీ మాత్రమే లభిస్తుంది. ఎస్ఎంఎస్ లేదా కాలింగ్ ప్రయోజనాలు లభించవు. అలాగే ఈ ప్లాన్ ద్వారా ఎక్స్ట్రా వ్యాలిడిటీ లభించదు. యాక్టివ్ ప్లాన్ లో కొనసాగే కస్టమర్లు ఈ డేటా వోచర్ ని రీచార్జ్ చేసుకోవచ్చు.
Airtel Rs 65 ప్లాన్
ఇటీవలె ఎయిర్టెల్ సంస్థ రూ.65 డేటా వోచర్ ని కూడా పరిచయం చేసింది. ఈ ప్లాన్ ద్వారా యూజర్ కి 4జిబి 4జీ డేటా లభిస్తుంది. అయితే ఈ ప్లాన్ ద్వారా కాలింగ్ లేదా మెసేజ్ ప్రయోజనాలు లభించవు.
ఎయిర్టెల్ రూ.49 vs రూ.65 ప్లాన్
అదేంటి, ఎయిర్టెల్ తాజాగా తీసుకొచ్చిన రూ.49 ప్లాన్ తో 6జిబి డేటా ప్రయోజనం లభిస్తుండగా, ఖరీదెక్కువైన రూ.65 ప్లాన్ తో 4జిబి డేటా మాత్రమే లభిస్తుందని అనుకుంటున్నారా? అసలు విషయం ఏంటంటే, రూ.65 ప్లాన్ కి వ్యాలిడిటీ పరిమితి ఏమీ లేదు. యూజర్ యాక్టివ్ ప్లాన్ చెల్లుబాటయ్యేంత వరకు దీన్ని వాడుకోవచ్చు. అదే రూ.49 ప్లాన్ అయితే కేవలం ఒక రోజు వ్యాలిడిటీ మాత్రమే లభిస్తుంది.
