భారత మార్కెట్ లో Ampere Zeal EX ఎలక్ట్రిక్ స్కూటర్ లాంచైంది. తక్కువ ధరకే ఆంపియర్ సంస్థ తన సరికొత్త మోడల్ Zeal EX ని మార్కెట్ లోకి తీసుకొచ్చింది. ఇప్పటికే ఈ సంస్థ బడ్జెట్ ప్రైస్ లో పలు ఎలక్ట్రిక్ స్కూటర్లను లాంచ్ చేసింది. తాజాగా స్టైలిష్ గా ఉన్న Ampere Zeal EX స్కూటర్ ని తీసుకొచ్చింది. లుక్ అండ్ ఫినిషింగ్ చూస్తే, ఈ బండి యూత్ ని బాగా ఆకర్షించనుందని అర్థమవుతోంది. ధర తక్కువైన ఎన్నో ఫీచర్లను ఈ స్కూటర్లో అందించడం విశేషం.
భారత్ లో Ampere Zeal EX ధర
సుదీర్ఘ సవారీల విషయానికి వస్తే, Ampere Zeal EX ఉత్తమమైనదని చెప్పవచ్చు. ఎందుకంటే ఈ బండి సింగిల్ చార్జ్ పై 120 కిలోమీటర్ల దూరం పరిగెడుతుంది. ఈ స్కూటర్ ప్రస్తుతం మధ్యప్రదేశ్, బీహార్, ఉత్తరప్రదేశ్, ఝార్ఖండ్ రాష్ట్రాల్లో రూ.69,900 ఎక్స్-షోరూమ్ ధరతో లాంచ్ చేశారు. దేశంలోని ఇతర ప్రాంతాల్లో దీని ఎక్స్-షోరూమ్ ధర రూ.75,000 గా ఉంటుంది.
అంతే కాదండోయ్, Ampere Zeal EX ఈ-స్కూటర్ కొనుగోలుపై పేరెంట్ కంపెనీ అయిన Greaves Mobility రూ.6,000 ల అదనపు ప్రయోజనాలను అందిస్తోంది. 2023, మార్చి 31 లోపు బండిని కొనుగోలు చేస్తే ఈ ప్రయోజనాలు లభిస్తాయి.
Ampere Zeal EX స్పెసిఫికేషన్స్
Ampere Zeal EX ఎలక్ట్రిక్ స్కూటర్ లో 1.8 కిలోవాట్ పవర్ ని ఉత్పత్తి చేసే మోటర్ ఉంది. ఈ బండి టాప్ స్పీడ్ 50 నుంచి 55 కేఎంపీహెచ్. 60 వోల్ట్స్, 2.3 కిలోవాట్ అవర్ లిథియమ్ బ్యాటరీని ఈ బండిలో అందించారు. సింగిల్ చార్జ్ పై Ampere Zeal EX స్కూటర్ 120 కిలోమీటర్ల దూరం పరిగెడుతుంది.
Ampere Zeal EX బండిలో డ్రమ్ బ్రేక్, ఫ్రంట్ టెలీస్కోపిక్, రియర్ ట్విన్ ట్యూబ్ సస్పెన్షన్ అందించారు. ఈ స్కూటర్ యొక్క మోత సామర్థ్యం 150 కిలోలుగా ఉంది. చార్జర్ విషయానికి వస్తే, ఆంపియర్ సంస్థ ఈ బండితో పాటు 60 వోల్ట్స్, 7.5A Li చార్జర్ ని అందిస్తోంది. బ్యాటరీ పూర్తిగా చార్జ్ అవ్వడానికి 5 గంటల సమయం పడుతుంది.
Ampere Zeal EX బండిపై కంపెనీ 3 ఏళ్ళ వ్యారంటీ, చార్జర్, మోటర్, కంట్రోలర్, కన్వర్టర్ వంటి ప్రయోజనాలను అందిస్తోంది. గత వారం ఆంపియర్ సంస్థ నుంచి Ampere Primus ఎలక్ట్రిక్ స్కూటర్ భారత్ లో లాంచ్ అయిన సంగతి తెలిసిందే. ఈ Primus ఈ-స్కూటర్ 107 కిలోమీటర్ల రేంజ్, 77కేఎంపీహెచ్ టాప్ స్పీడ్ తో వచ్చింది. దీని ఎక్స్-షోరూమ్ ధర రూ.1.10 లక్షలుగా ఉంది. Ampere Primus గురించి ఇక్కడ క్లిక్ చేసి తెలుసుకోండి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.