ఆసియా కప్ 2023లో భారతదేశం మరియు పాకిస్థాన్ క్రికెట్ జట్లు (ఇండియా vs పాకిస్థాన్) మరోసారి ముఖాముఖి తలపడనున్నాయి. ఆసియా కప్ 2023 16వ ఎడిషన్ ఆగస్టు 30న ప్రారంభమవుతోంది. ఇక ఫైనల్ మ్యాచ్ సెప్టెంబర్ 17, 2023న జరుగనుంది. ఈసారి ఆసియా కప్కు పాకిస్థాన్ మరియు శ్రీలంక ఆతిథ్యం ఇస్తున్నాయి.
ఆసియా కప్ను హైబ్రిడ్ ఫార్మాట్లో నిర్వహించడం ఇదే తొలిసారి. ఇందులో నాలుగు మ్యాచ్లు పాకిస్థాన్లో, మిగిలిన తొమ్మిది మ్యాచ్లు శ్రీలంకలో జరగనున్నాయి. ఆసియా కప్ 2023లో మొత్తం ఆరు జట్లు పాల్గొంటున్నాయి. ఆసియా క్రికెట్ కౌన్సిల్ (ACC)లో ఐదు శాశ్వత సభ్య దేశాలైన ఆఫ్ఘనిస్తాన్, బంగ్లాదేశ్, భారత్, పాకిస్థాన్ మరియు శ్రీలంకతో పాటు.. ACC పురుషుల ప్రీమియర్ కప్ 2023ని గెలుచుకోవడం ద్వారా ఆసియా కప్కు అర్హత సాధించిన ఆరవ జట్టు నేపాల్ కూడా ఈసారి పాల్గొనబోతోంది. మీరు ఆసియా కప్ 2023 మ్యాచ్లను ఆన్లైన్లో ఎలా ఉచితంగా చూడాలో? అలాగే మ్యాచ్ షెడ్యూల్ ఏంటో ఇక్కడ తెలుసుకోండి.
Asia Cup 2023 ని ఉచితంగా చూడటం ఎలా?
ప్రత్యక్ష ప్రసారం: మీరు ఆసియా కప్ 2023 మ్యాచ్లను ఉచితంగా చూడగలరు. హాట్స్టార్లో ఆసియా కప్ 2023 లైవ్ స్ట్రీమింగ్ భారతీయ వినియోగదారులకు ఉచితం. Disney + Hotstar కొన్ని రోజుల క్రితం ఆసియా కప్ 2023 కోసం పేవాల్ను తీసివేసింది. అంటే మీరు ప్రయాణంలో ఉన్నప్పుడు మీ స్మార్ట్ఫోన్లో ఆసియా కప్ 2023ని ఉచితంగా ఆస్వాదించగలరు.
టీవీ హక్కులు: టీవీ హక్కుల గురించి మాట్లాడితే, స్టార్ స్పోర్ట్స్ నెట్వర్క్ ఆసియా కప్ 2023ని దేశవ్యాప్తంగా టెలివిజన్లో ప్రత్యక్ష ప్రసారం చేస్తుంది. స్టార్ స్పోర్ట్స్ ఆసియా కప్ 2023 లైవ్ స్ట్రీమింగ్ ని.. స్టార్ స్పోర్ట్స్ 1, స్టార్ స్పోర్ట్స్ 1 HD, స్టార్ స్పోర్ట్స్ 1 హిందీ, స్టార్ స్పోర్ట్స్ 1 హిందీ HD, స్టార్ స్పోర్ట్స్ సెలెక్ట్ 1, స్టార్ స్పోర్ట్స్, స్టార్ స్పోర్ట్స్ 2, సెలెక్ట్ 1 HD, స్టార్ స్పోర్ట్స్ 2 HD, స్టార్ స్పోర్ట్స్ 1 తెలుగు చానళ్ళలో చూడవచ్చు.
భారత్ vs పాకిస్తాన్ ఆసియా కప్ 2023
ఆసియా కప్ 2023లో సెప్టెంబర్ 2న శ్రీలంకలోని క్యాండీలోని పల్లెకెలె అంతర్జాతీయ క్రికెట్ స్టేడియంలో భారత్, పాకిస్థాన్ జట్లు తలపడనున్నాయి. భారత జట్టు ఇప్పటి వరకు అత్యధికంగా 7 సార్లు ఈ టైటిల్ను గెలుచుకుంది. ఇక పాకిస్థాన్ గురించి చెప్పాలంటే మూడు సార్లు ఆసియా కప్ గెలిచింది.
Asia Cup 2023 ఫార్మాట్
ఆసియా కప్ 2023లో 50 ఓవర్ల టోర్నమెంట్లో ఆరు జట్లు పాల్గొంటాయి, ఒక్కొక్కటి మూడు జట్లతో రెండు గ్రూపులుగా విభజించబడ్డాయి. ఆరు లీగ్ మ్యాచ్లు, ఆరు సూపర్ 4 మ్యాచ్లు మరియు ఫైనల్తో కలిపి మొత్తం 13 మ్యాచ్లు జరుగుతాయి.
గ్రూప్ A జట్లు: భారత్, పాకిస్థాన్ మరియు నేపాల్
గ్రూప్ B జట్లు: శ్రీలంక (డిఫెండింగ్ ఛాంపియన్), ఆఫ్ఘనిస్తాన్ మరియు బంగ్లాదేశ్
Asia Cup 2023 షెడ్యూల్
ఆసియా కప్ 2023 తేదీలను ఆసియా క్రికెట్ కౌన్సిల్ అధికారికంగా విడుదల చేసింది. ACC ప్రకారం, ఆసియా కప్ 2023 ఆగస్టు 30న ప్రారంభమై సెప్టెంబర్ 17, 2023న ముగుస్తుంది. ఈవెంట్ హైబ్రిడ్ ఫార్మాట్లో నిర్వహించబడుతోంది. 2023 ఆసియా కప్కు పాకిస్థాన్ మరియు శ్రీలంక సంయుక్తంగా ఆతిథ్యమిస్తున్నాయి. 2023 వన్డే ఆసియా కప్లో మొత్తం 13 మ్యాచ్లు ఉంటాయి. ఆసియా కప్లో నాలుగు మ్యాచ్లు పాకిస్థాన్లో జరగనుండగా, మిగిలిన తొమ్మిది మ్యాచ్లు శ్రీలంకలో జరగనున్నాయి.
