ప్రముఖ స్మార్ట్ఫోన్ మేకర్ Nothing యొక్క సబ్-బ్రాండ్ CMF తన మొదటి స్మార్ట్ఫోన్ని భారతీయ మార్కెట్ లో లాంచ్ చేసింది. CMF Phone 1 పేరుతో ఈ డివైజ్ విడుదలైంది. యూనిక్ డిజైన్ తో వచ్చిన ఈ ఫోన్ యూజర్లను అమితంగా ఆకట్టుకుంటోంది. 2000 నిట్స్ బ్రైట్నెస్, ఎల్టీపీఎస్ స్క్రీన్, అమోలెడ్ డిస్ప్లే, 50ఎంపి కెమెరా వంటి స్పెసిఫికేషన్స్ ఈ ఫోన్ లో ఉన్నాయి. ఓసారి ఈ ఫోన్ ధర, లభ్యత మరియు పూర్తి స్పెసిఫికేషన్స్ వివరాలు తెలుసుకుందాం.
CMF Phone 1 ధర, లభ్యత, కలర్ ఆప్షన్స్
CMF Phone 1 స్మార్ట్ఫోన్ రెండు స్టోరేజీ ఆప్షన్స్ లో లభిస్తుంది. వీటి ధరలు తెలుసుకుందాం. 6జిబి ర్యామ్ + 128జిబి స్టోరేజీ మోడల్ ధరను రూ.15,999 గా నిర్ణయించారు. 8జిబి ర్యామ్ + 128జిబి స్టోరేజీ వేరియంట్ ధర రూ.17,999 గా ఉంది.
యాక్సిస్ బ్యాంక్, హెచ్డీఎఫ్సీ బ్యాంక్ మరియు వన్ కార్డ్స్ ద్వారా ఈ ఫోన్ కొనే వారికి రూ.1,000 డిస్కౌంట్ లభిస్తుంది.
జులై 12వ తేదీ నుంచి ఈ-కామర్స్ వేదిక ఫ్లిప్కార్ట్ ద్వారా CMF Phone 1 సేల్స్ ప్రారంభమవుతాయి.
CMF Phone 1 స్మార్ట్ఫోన్ బ్లాక్, లైట్ గ్రీన్ బ్లూ మరియు ఆరెంజ్ కలర్ ఆప్షన్స్ లో లభిస్తుంది. వీటిలో బ్లాక్, లైట్ గ్రీన్ కలర్ మోడల్స్ కేస్ తో కలగలిపి నిర్మితమయ్యాయి. మరోవైపు, బ్లూ మరియు ఆరెంజ్ వేరియంట్స్ వీగన్ లెదర్ ఫినిష్ తో వచ్చాయి.
CMF Phone 1 స్పెసిఫికేషన్స్
డిస్ప్లే: CMF Phone 1 లో 6.67-ఇంచ్ సూపర్ అమోలెడ్ ఎల్టీపీఎస్ స్క్రీన్, 1080*2400 పిక్సెల్స్ రెజుల్యూషన్, 395 పీపీఐ పిక్సెల్ డెన్సిటీ, 2000 నిట్స్ పీక్ బ్రైట్నెస్, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ఉన్నాయి.
ప్రాసెసర్: CMF Phone 1 లో మీడియాటెక్ డైమెన్సిటీ 7300 చిప్సెట్ వాడారు. దీని హయ్యస్ట్ క్లాక్ స్పీడ్ 2.5 గిగాహెర్ట్జ్. అంటుటు బెంచ్మార్క్ పై దీని స్కోర్ 6,73,000 గా నమోదైంది.
ర్యామ్, స్టోరేజీ: CMF Phone 1 డివైజ్ 8జిబి వరకు ర్యామ్, 128జిబి స్టోరేజీ, 8జిబి వర్చువల్ ర్యామ్ సపోర్ట్ తో వచ్చింది. మైక్రోఎస్డీ కార్డ్ సాయంతో 2టిబి వరకు మెమొరీని పెంచుకునే వీలుంది.
కెమెరా: CMF Phone 1 లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, పొట్రెయిట్ సెకండరీ లెన్స్ ఉన్నాయి. సెల్పీస్, వీడియో కాల్స్ కోసం 16ఎంపి ఫ్రంట్ కెమెరా అందించారు.
బ్యాటరీ: CMF Phone 1 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్, 5 వాట్ రివర్స్ వైర్డ్ చార్జింగ్కి సపోర్ట్ చేస్తుంది.
సాఫ్ట్వేర్: CMF Phone 1 ఆండ్రాయిడ్ 14 ఓఎస్ ఆధారిత నథింగ్ ఓఎస్ 2.6 కస్టమ్ స్కిన్ పై పని చేస్తుంది. 2 ఏళ్ళు ఓఎస్ అప్డేట్స్, 3 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
కనెక్టివిటీ: CMF Phone 1 లో డ్యూయల్ సిమ్, 5జీ, 4జీ, 13 5జీ బ్యాండ్స్, బ్లూటూత్, వై-ఫై వంటి ఆప్షన్స్ ఉన్నాయి.
ఇతర ఫీచర్లు: CMF Phone 1 లో ఐపీ52 రేటింగ్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.