హైలైట్స్
- ఢిల్లీ, కోల్ కాతా, ముంబై మరియు వారణాసి నగరాల్లో అందుబాటులో ఉన్న వేగవంతమైన 5జీ
- 598.58 ఎంబీపీఎస్ డౌన్ లోడ్ స్పీడ్ తో ఢిల్లీలో ఎయిర్టెల్ కంటే బెటర్ గా ఉన్న జియో 5జీ
- ఢిల్లీలో ఎయిర్టెల్ డౌన్ లోడ్ స్పీడ్ 197.98 ఎంబీపీఎస్
- జియో 5జీ పెర్ఫామెన్స్ బాగుందని తెలిపిన Ookla నివేదిక
భారతదేశంలో మెల్లగా 5జీ నెట్వర్క్ విస్తరిస్తోంది. ఎయిర్టెల్ మరియు జియో కంపెనీలు 2024 మార్చి కల్లా పూర్తిస్థాయిలో దేశ వ్యాప్తంగా 5జీని విస్తరింపజేయాలని లక్ష్యంగా పెట్టుకున్నాయి. ప్రస్తుతం, 5జీ నెట్వర్క్ ప్రధాన మెట్రో నగరాల్లో అందుబాటులో ఉంది. వీటిలో హైదరాబాద్, ఢిల్లీ, ముంబై, వారణాసి తదితర నగరాలున్నాయి. 5జీ నెట్వర్క్ విషయానికి వస్తే నెట్వర్క్ స్పీడ్ అనేది ప్రధాన భూమిక పోషిస్తుంది.
ఢిల్లీలో ఎయిర్టెల్ తో పోల్చితే జియో 5జీ మెరుగ్గా ఉన్నట్లు తాజాగా ఊక్లా నివేదికలో తేలింది. అక్కడ జియో డౌన్ లోడ్ స్పీడ్ 598.58 ఎంబీపీఎస్ కాగా, ఎయిర్టెల్ డౌన్ లోడ్ స్పీడ్ 197.98 గా ఉంది. ఊక్లా రికార్డ్ చేసిన డౌన్ లోడ్ స్పీడ్స్ ని ఇక్కడ అందిస్తున్నాం. ఓసారి చూడండి.
భారత్ లో 5జీ స్పీడ్స్
ముంబై వంటి ప్రముఖ నగరాల్లో జియో కంటే ఎయిర్టెల్ వెనుకంజలో ఉంది. అక్కడ ఎయిర్టెల్ డౌన్ లోడ్ స్పీడ్ 271.07 ఎంబీపీఎస్ కాగా, జియో డౌన్ లోడ్ స్పీడ్ 515.38 ఎంబీపీఎస్ గా ఉంది. కోల్కతా లో అయితే ఎయిర్టెల్ డౌన్ లోడ్ స్పీడ్ 33.83 ఎంబీపీఎస్ ఉండగా, జియో డౌన్ లోడ్ స్పీడ్ 482.02 ఎంబీపీఎస్ గా ఉంది.
వారణాసిలో జియో మరియు ఎయిర్టెల్ నడుమ వ్యత్యాసం చాలా తక్కువగా ఉంది. ఇక్కడ ఎయిర్టెల్ 516.57 ఎంబీపీఎస్ డౌన్ లోడ్ ని కలిగి ఉండగా, జియో 485.22 డౌన్ లోడ్ స్పీడ్ ని కలిగి ఉంది. ఊక్లా రిపోర్ట్ ప్రకారం జియో 5జీ పెర్ఫామెన్స్ బాగుందని తెలుస్తోంది. జియో వాడుతోన్న 5జీ బ్యాండ్ అందుకు కారణమని సమాచారం. సీ-బ్యాండ్ (ఎన్78) డౌన్ లోడ్ స్పీడ్ పెర్ఫామెన్స్ 606.53ఎంబీపీఎస్ మరియు 875.26ఎంబీపీఎస్ మధ్య ఉంటుంది.
700 మెగాహెర్ట్జ్ బ్యాండ్ (ఎన్28) ద్వారా 5జీ నెట్వర్క్ ని అందిస్తే అప్పుడు డౌన్ లోడ్ స్పీడ్స్ 100 ఎంబీపీఎస్ కంటే తక్కువగా ఉంటాయి. సుమారుగా 78.69 ఎంబీపీఎస్ మరియు 95.13 ఎంబీపీఎస్ మధ్య ఈ స్పీడ్స్ ఉంటాయి.
ఊక్లా నివేదిక ప్రకారం, ఎయిర్టెల్ సీ-బ్యాండ్ స్పెక్ట్రమ్ ద్వారా 365.48 ఎంబీపీఎస్ నుంచి 716.85 ఎంబీపీఎస్ వరకు స్పీడ్స్ ని అందుకోగలిగిందని తెలుస్తోంది. ఇక జియో నెట్వర్క్ విషయానికి వస్తే, గత ఏడాది కాలంలో 5జీ కి సపోర్ట్ చేసే డివైజెస్ లో 67.4 శాతం వృద్ధిని నమోదు చేసింది. 61.6 శాతంతో రెండో స్థానంలో ఎయిర్టెల్, 56 శాతంతో మూడో స్థానంలో వొడాఫోన్ ఐడియా ఉన్నాయి. 2022 జూన్ నుంచి నమోదు చేయబడిన 5జీ స్పీడ్స్ ని ఈ నివేదికలో పొందుపరిచారు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.