హైలైట్స్
- అక్టోబర్ 19 నుంచి మొదలు కానున్న Flipkart Big Diwali Sale
- సేల్ సందర్భంగా అన్ని కొనుగోళ్ళపై 10 శాతం డిస్కౌంట్ పొందనున్న ఎస్బీఐ యూజర్లు
- ఎలక్ట్రానిక్స్ మరియు యాక్ససరీలపై 80 శాతం వరకు డిస్కౌంట్స్ ఆఫర్ చేస్తున్న ఫ్లిప్ కార్ట్
ఫ్లిప్ కార్ట్ బిగ్ దివాళీ సేల్ రివీల్ అయ్యింది. దీపావళి పండుగ ఇంకొన్ని రోజులే ఉన్న క్రమంలో ఫ్లిప్ కార్ట్ ఎన్నో ప్రొడక్ట్స్ పై డీల్స్, డిస్కౌంట్స్ ని ఆఫర్ చేస్తోంది. ఇటీవలె బిగ్ బిలియన్ డేస్ సేల్ ని తీసుకొచ్చిన ఫ్లిప్ కార్ట్ తాజాగా బిగ్ దివాళీ సేల్ తో జనాల ముందుకు వచ్చింది. వాల్ మార్ట్ యొక్క సంస్థ అయిన ఫ్లిప్ కార్ట్, ఎస్బీఐ తో కలిసి 10 శాతం అదనపు డిస్కౌంట్ ని దివాళీ సేల్ సందర్భంగా అందించబోతోంది.
Flipkart బిగ్ దివాళీ సేల్ తేదీ
అక్టోబర్ 19 నుంచి ఫ్లిప్ కార్ట్ బిగ్ దివాళీ సేల్ మొదలవుతుంది. అక్టోబర్ 23 న ఈ సేల్ ముగుస్తుంది. ఫ్లిప్ కార్ట్ ప్లస్ మెంబర్స్ కి అక్టోబర్ 18 నుంచి సేల్ అందుబాటులో ఉంటుంది. సేల్ సందర్భంగా ఎస్బీఐ క్రెడిట్ కార్డ్ యూజర్లు 10 శాతం డిస్కౌంట్ పొందవచ్చు. ఎస్బీఐ క్రెడిట్ కార్డ్ ద్వారా నెరిపే ఈఎంఐ ట్రాన్సాక్షన్లకు కూడా ఇది వర్తిస్తుంది.
ఇదే కాకుండా, పేటీఎమ్ వ్యాలెట్, యూపీఐ ట్రాన్సాక్షన్స్ ద్వారా జరిపే లావాదేవీలపై 10 శాతం వరకు ఇన్స్టంట్ క్యాష్బ్యాక్ పొందవచ్చు. అంతే కాదండోయ్, ఫ్లిప్ కార్ట్ పే లేటర్ విధానం ద్వారా కొనుగోళ్ళు జరిపే అవకాశం కూడా ఫ్లిప్ కార్ట్ అందిస్తోంది. స్మార్ట్ ఫోన్ కొనేవారికి రూ.199 కే మొబైల్ ప్రొటెక్షన్ ప్లాన్ లభిస్తుంది.
ల్యాప్ టాప్స్, స్మార్ట్ వాచెస్, స్మార్ట్ ఫోన్స్, ట్యాబ్లెట్స్ తదితర వాటిపై ఫ్లిప్ కార్ట్ డీల్స్ ని అందిస్తోంది. ఫ్లిప్ కార్ట్ బిగ్ దివాళీ సేల్ సందర్భంగా ఈ-కామర్స్ దిగ్గజం సౌండ్ బార్స్ ని రూ.1000 లోపు ధరలో అందిస్తోంది. సేల్ సమయంలో కొనుగోలుదారులు, అన్ని ఎలక్ట్రానిక్స్ మరియు యాక్ససరీలపై 80 శాతం వరకు డిస్కౌంట్ ని పొందే అవకాశం ఉంది.
ఫ్లిప్ కార్ట్ ప్రత్యేకంగా స్మార్ట్ ఫోన్లకు సంబంధించిన డీల్స్ ని రివీల్ చేయలేదు. కానీ, వెబ్ సైట్ లో రియల్మీ, పోకో, ఒప్పో, రెడ్మీ తదితర స్మార్ట్ ఫోన్లపై డిస్కౌంట్స్ కనిపిస్తున్నాయి. టీవీలు, హోమ్ అప్లయన్సెస్ పై ఫ్లిప్ కార్ట్ 80 శాతం వరకు డిస్కౌంట్ ని ప్రకటించింది.
ఇటీవలె బిగ్ బిలియన్ డేస్ సేల్ సందర్భంగా ఎన్నో ఆఫర్లను తీసుకొచ్చిన ఫ్లిప్ కార్ట్ ఆ సేల్ ని ఘనంగా ముగించింది. ఇప్పుడు దీపావళి పండుగ సీజన్ ను క్యాష్ చేసుకోవాలని ప్లాన్ చేసింది. ఈ క్రమంలోనే బిగ్ దివాళీ సేల్ అనే పేరుతో మరొక సేల్ తో జనాల ముందుకు వచ్చింది. ఈ సేల్ లో ఎన్నో ఉత్పత్తులపై భారీ డిస్కౌంట్స్ ని ఫ్లిప్ కార్ట్ అందిస్తోంది. ఇందులో బ్యాంక్ ఆఫర్లు కూడా ఉన్నాయి. ప్రత్యేకించి ఎస్బీఐ కస్టమర్లకు ఈ సేల్ ద్వారా లాభం చేకూరనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
