హైలైట్స్:
- బెంచ్ మార్కింగ్ లిస్టింగ్ లో కనిపించిన Google Pixel 7 Pro
- Google Pixel 7 Pro ఫోన్ పెర్ఫామెన్స్ ఎలా ఉందో తెలిపిన లిస్టింగ్
- గీక్ బెంచ్ లిస్టింగ్ ద్వారా తెలిసిన Google Pixel 7 Pro స్పెసిఫికేషన్స్
అక్టోబర్ 6 న మేడ్ బై గూగుల్ ఈవెంట్ జరగనుంది. ఈ ఈవెంట్లో గూగుల్ కంపెనీ Google Pixel 7 సిరీస్ తో పాటు Google Pixel Watch ని లాంచ్ చేయనుంది. ఈవెంట్ కి ముందు, Google Pixel 7 Pro బెంచ్ మార్క్ లిస్టింగ్ పై కనిపించింది. దీని ద్వారా ఫోన్ యొక్క స్పెసిఫికేషన్స్ కొన్ని బయటకు వచ్చాయి.
గీక్ బెంచ్ లిస్టింగ్ ని తొలుత ప్రముఖ టిప్ స్టర్ అభిషేక్ యాదవ్ గమనించాడు. ఇక Google Pixel 7 Pro సింగిల్-కోర్ టెస్ట్ లో 1068 పాయింట్లు, మల్టీ-స్కోర్ టెస్ట్ లో 3149 పాయింట్లు సాధించింది. ఈ లిస్టింగ్ ద్వారా Google Pixel 7 Pro యొక్క ముఖ్యమైన స్పెసిఫికేషన్స్ తెలిశాయి. ర్యామ్, ప్రాసెసర్, మదర్ బోర్డ్ తదితర వివరాలు బయటకు వచ్చాయి.
Google Pixel 7 Pro ఆండ్రాయిడ్ 13 ఓఎస్ తో రానుందని Geekbench జాబితా ద్వారా తెలుస్తోంది. అలాగే 1.8 గిగాహెర్ట్జ్ కలిగిన ఆక్టా కోర్ ప్రాసెసర్ ఇందులో ఉండనుంది. కచ్చితంగా ఏ ప్రాసెసర్ తో Google Pixel 7 Pro వస్తుందో గీక్ బెంచ్ లిస్టింగ్ వెల్లడించలేదు. కానీ, టిప్ స్టర్ చెబుతున్న దాన్ని బట్టి, Google Pixel 7 Pro ఫోన్ Google Tensor G2 చిప్సెట్ తో వస్తుందని సమాచారం. అలాగే ఇందులో 12జిబి ర్యామ్ ఉంటుందని సదరు టిప్ స్టర్ తెలిపాడు.
బెంచ్ మార్క్ లిస్టింగ్ లో Google Pixel 7 Pro ఫోన్ మదర్ బోర్డ్ చీతా అనే పేరుతో కనిపించింది. Google Pixel 7 Pro లో మాలి-జీ710 జీపీయూ ఉండనుంది.
Google Pixel 7 Pro నుంచి ఏమి ఆశించవచ్చు
పిక్సెల్ 7, పిక్సెల్ 7 ప్రో ఫోన్లతో పాటు, గూగుల్ పిక్సెల్ వాచ్ ని అక్టోబర్ 6 న జరిగే మేడ్ బై గూగుల్ ఈవెంట్ సందర్భంగా లాంచ్ చేయనున్నట్లు గూగుల్ ఇదివరకే ప్రకటించింది. రానున్న ఈవెంట్లకు సంబంధించిన వివరాలతో గూగుల్ తన వెబ్ సైట్ ని అప్డేట్ చేసింది.
అప్డేట్ చేయబడిన Pixel 7 యొక్క మేగజీన్ పేజీ ఆధారంగా, Tensor G2 చిప్సెట్ తో పిక్సెల్ 7 రానుందని స్పష్టమైంది. Pixel 7a, పిక్సెల్ ఫోల్డబుల్ ఫోన్లలో టెన్సర్ జీ2 చిప్ ఉండనుంది. టెన్సర్ జీ2 చిప్ ఫోటోలు, వీడియోలు, సెక్యూరిటీ, స్పీచ్ రికగ్నిషన్ విషయంలో పర్సనలైజ్డ్ ఫీచర్లను అందిస్తుందని Google తెలిపింది.
Tensor G2 చిప్ గురించి తెలుసుకుందాం. ఈ చిప్ 4 నానోమీటర్ ప్రాసెస్ పై తయారైంది. ఈ చిప్ ని గూగుల్ కోసం శాంసంగ్ తయారు చేస్తోంది. మల్టీ కోర్ పెర్ఫామెన్స్ లో 10 శాతం ఇంప్రూవ్మెంట్ కనిపించనుంది. ఇక గ్రాఫిక్స్ కోసం టెన్సర్ జీ2 చిప్, Mali-G78 MP20 GPU ని ఉపయోగించుకోనుంది. డైమెన్సిటీ 9000+ చిప్ లో కూడా ఇదే జీపీయూని వాడటం జరిగింది.
లేటెస్ట్ స్మార్ట్ ఫోన్, టెలీకామ్, టెక్నాలజీ, ఆటోమొబైల్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.