ప్రముఖ స్మార్ట్ఫోన్ బ్రాండ్ HMD నుంచి త్వరలో ఒక కొత్త ఫోన్ లాంచ్ కానుంది. HMD Skyline పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. తాజాగా ఈ ఫోన్ బెంచ్మార్కింగ్ ప్లాట్పామ్ గీక్బెంచ్పై లిస్ట్ అయ్యింది. క్వాల్కమ్ స్నాప్డ్రాగన్ 7ఎస్ జెన్ 2 ప్రాసెసర్ తో ఈ ఫోన్ వస్తున్నట్లు సమాచారం. ఓసారి గీక్బెంచ్ లిస్టింగ్ వివరాలు మరియు అంచనా స్పెసిఫికేషన్స్ తెలుసుకుందాం.
HMD Skyline గీక్బెంచ్ లిస్టింగ్
HMD Skyline స్మార్ట్ఫోన్ గీక్బెంచ్ పై లిస్టైంది. ఈ వివరాలను క్రింద ఇమేజ్ ద్వారా గమనించవచ్చు.
ఇకపోతే, HMD Skyline ఫోన్ సింగిల్-కోర్ టెస్ట్ లో 1027 పాయింట్లు, మల్టీ-కోర్ టెస్ట్ లో 2857 పాయింట్లు స్కోర్ చేసింది.
లిస్టింగ్ పై మదర్బోర్డ్ కోడ్ నేమ్ “టామ్ క్యాట్” అని ఉంది. ఈ ఫోన్ లో ఆక్టా-కోర్ ప్రాసెసర్ ఉంటుందని లిస్టింగ్ ద్వారా తెలుస్తోంది. దీని హయ్యస్ట్ క్లాక్ స్పీడ్ 2.40 గిగాహెర్ట్జ్.
చిప్సెట్ వివరాలను బట్టి, ఈ డివైజ్ క్వాల్కమ్ స్నాప్డ్రాగన్ 7ఎస్ జెన్ 2 చిప్ తో వస్తున్నట్లు అర్థమవుతోంది.
HMD Skyline డివైజ్ లిస్టింగ్ పై 8జిబి ర్యామ్, ఆండ్రాయిడ్ 14 ఓఎస్ తో లిస్ట్ అయ్యింది. ఇతర మెమొరీ వేరియంట్స్ కూడా ఉండే అవకాశం ఉంది.
HMD Skyline స్పెసిఫికేషన్స్ (లీక్)
డిస్ప్లే: HMD Skyline లో ఫుల్ హెచ్డీ+ స్క్రీన్, ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్ ఉంటాయని ఓ నివేదిక ద్వారా తెలుస్తోంది.
చిప్సెట్: HMD Skyline లో క్వాల్కమ్ స్నాప్డ్రాగన్ 7ఎస్ జెన్ 2 చిప్సెట్ ఉంటుంది.
కెమెరా: HMD Skyline లో 108ఎంపి మెయిన్ కెమెరా, మ్యాక్రో లేదా డెప్త్ సెన్సర్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఇవ్వనున్నారు.
బ్యాటరీ: HMD Skyline లో పవర్ బ్యాకప్ కోసం 4900 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: HMD Skyline లో డ్యూయల్ సిమ్, 5జీ, 4జీ, బ్లూటూత్, వై-ఫై, ఐపీ67 రేటింగ్ ఉంటాయి.
HMD Skyline ధర (లీక్)
HMD Skyline డివైజ్ 8జిబి ర్యామ్ + 256జిబి స్టోరేజీ వేరియంట్ లో లాంచ్ కానుంది. దీని ధర 520 యూరోలు (సుమారు రూ.47,000) గా ఉంటుందని గతంలో బయటకు వచ్చిన లీక్స్ ద్వారా తెలుస్తోంది.
