ప్రముఖ చైనీస్ స్మార్ట్ఫోన్ మేకర్ HONOR తాజాగా యూరోపియన్ మార్కెట్ లో HONOR 200 సిరీస్ను లాంచ్ చేసింది. ఈ లైనప్ లో HONOR 200 మరియు HONOR 200 Pro అనే మోడల్స్ మార్కెట్ లోకి ఎంట్రీ ఇచ్చాయి. అయితే ఈ ఫోన్లు కొన్ని రోజుల క్రితమే చైనాలో లాంచ్ అయ్యాయి. హానర్ 200 సిరీస్ 6.7-ఇంచ్ కర్వ్డ్ ఓఎల్ఈడీ స్క్రీన్, 4000 నిట్స్ పీక్ బ్రైట్నెస్ వంటి ఫీచర్లతో వచ్చింది. ఓసారి ఈ సిరీస్ లోని ఫోన్ల ధరలు, పూర్తి స్పెసిఫికేషన్స్ తెలుసుకుందాం.
HONOR 200 సిరీస్ ధర, లభ్యత
HONOR 200 డివైజ్ యొక్క 8జిబి ర్యామ్ + 256జిబి స్టోరేజీ మోడల్ ధరను 499 యూరోలు (సుమారు రూ.45,000) గా పెట్టారు. 12జిబి ర్యామ్ + 512జిబి స్టోరేజీ మోడల్ ధరను 699 యూరోలు (సుమారు రూ.63,000) గా నిర్ణయించారు.
యూకే తో పాటు ఇతర యూరోపియన్ దేశాల్లో జూన్ 26 నుంచి ప్రీ-ఆర్డర్స్ మొదలవుతాయి. HONOR 200 సిరీస్ త్వరలోనే భారత్ లో లాంచ్ అవుతుందని హానర్ సంస్థ అధికారికంగా వెల్లడించింది.
HONOR 200 సిరీస్ లోని డివైజెస్ మూన్లైట్ వైట్, గ్రీన్ మరియు బ్లాక్ కలర్ ఆప్షన్స్ లో లభిస్తాయి.
HONOR 200, HONOR 200 Pro స్పెసిఫికేషన్స్
డిస్ప్లే: HONOR 200 లో 2664*1200 పిక్సెల్స్ రెజుల్యూషన్ గల 6.7-ఇంచ్ స్క్రీన్ ఉంటుంది. మరోవైపు HONOR 200 Pro లో 2700*1224 పిక్సెల్స్ రెజుల్యూషన్ గల 6.78-ఇంచ్ డిస్ప్లే ఉంటుంది. ఇక ఈ రెండు ఫోన్లలో 1.5కే ఓఎల్ఈడీ కర్వ్డ్ స్క్రీన్స్, 120 హెర్ట్జ్ రిఫ్రెష్ రేట్, 4000 నిట్స్ పీక్ బ్రైట్నెస్ ఉన్నాయి.
ప్రాసెసర్: HONOR 200 లో క్వాల్కమ్ స్నాప్డ్రాగన్ 7 జెన్ 3 చిప్సెట్ ఉంటుంది. 4 నానోమీటర్ ఫ్యాబ్రికేషన్ పై తయారైన ఈ ప్రాసెసర్ హయ్యస్ట్ క్లాక్ స్పీడ్ 2.63 గిగాహెర్ట్జ్. ఈ ఫోన్ లో గ్రాఫిక్స్ కోసం అడ్రెనో 720 జీపీయూ ఇచ్చారు. HONOR 200 Pro లో స్నాప్డ్రాగన్ 8ఎస్ జెన్ 3 చిప్సెట్ వాడారు. గ్రాఫిక్స్ కోసం అడ్రెనో 735 జీపీయూ అందించారు.
సాఫ్ట్వేర్: HONOR 200 సిరీస్ లోని రెండు ఫోన్లు ఆండ్రాయిడ్ 14 ఓఎస్ ఆధారిత మ్యాజిక్ఓఎస్ 8.0 కస్టమ్ స్కిన్ పై పని చేస్తాయి.
రియర్ కెమెరా: HONOR 200 సిరీస్ ట్రిపుల్ రియర్ కెమెరా సెటప్ తో వచ్చింది. HONOR 200 లో 50ఎంపి సోని ఐఎంఎక్స్906 మెయిన్ కెమెరా, 12ఎంపి అల్ట్రావైడ్/మ్యాక్రో సెన్సర్, 50ఎంపి 2.5ఎక్స్ పొట్రెయిట్ టెలీఫోటో లెన్స్ ఉన్నాయి. HONOR 200 Pro లో 50ఎంపి ఒమ్నివిజన్ ఒవి50హెచ్ ప్రైమరీ కెమెరా, 12ఎంపి అల్ట్రావైడ్ లెన్స్, 50ఎంపి 2.5ఎక్స్ పొట్రెయిట్ టెలీఫోటో లెన్స్ ఉన్నాయి.
ఫ్రంట్ కెమెరా: HONOR 200, HONOR 200 Pro ఫోన్లలో 50ఎంపి సోని ఐఎంఎక్స్906 కెమెరా ఉంది. దీని అపర్చర్ F/2.1. అయితే HONOR 200 Pro లో 3డీ డెప్త్ సెన్సర్ కూడా ఉంది. దీంతో ప్రో వేరియంట్ లో డ్యూయల్ సెల్ఫీ కెమెరా సెటప్ ఉందని చెప్పవచ్చు.
బ్యాటరీ: HONOR 200 సిరీస్ లోని రెండు ఫోన్లలో పవర్ బ్యాకప్ కోసం 5,200 ఎంఏహెచ్ బ్యాటరీ ఉంటుంది. ఈ ఫోన్లు 100 వాట్ సూపర్చార్జ్ ఫాస్ట్ చార్జింగ్ టెక్నాలజీతో వచ్చాయి. ప్రో వేరియంట్ 66 వాట్ వైర్లెస్ సూపర్చార్జ్ టెక్నాలజీకి సపోర్ట్ చేస్తుంది.