భారత్ లో Honor రీలాంచ్ అధికార ప్రకటనకు ముందే, కంపెనీ ఏ ప్రొడక్ట్ తో ఎంట్రీ ఇవ్వనుందన్న దానిపై మాంచి బజ్ నెలకొంది. అయితే Honor 90 డివైజ్ తో హానర్ రీ-ఎంట్రీ ఇవ్వనుందని కన్ఫర్మ్ అయిపోయింది. Honor 90 అతి త్వరలో భారతీయ మార్కెట్ లోకి అడుగుపెడుతోంది.
అదనంగా, హానర్ ప్రారంభ దశ నుండి భారతదేశంలో 150 సేవా కేంద్రాల భారీ నెట్వర్క్ను ప్లాన్ చేస్తుందని పరిశ్రమ వర్గాలు వెల్లడించాయి. మాధవ్ షేత్ హానర్ ఇండియా స్ట్రాటజీని నిలకడగా వెల్లడిస్తున్నారు మరియు అతని ప్రసిద్ధ టాక్ సిరీస్ #AskMadhavలో, ఇప్పుడు హానర్తో, హానర్ 90 ఇండియా వేరియంట్ నుండి మనం ఏమి ఆశించవచ్చో ఆయన వెల్లడించారు. 91మొబైల్స్ ఎడిటర్-ఇన్-చీఫ్ దీపక్ ధింగ్రాతో ప్రత్యేక ఇంటర్వ్యూలో, కంపెనీ నుండి రాబోవు ఇతర ఉత్పత్తులు ఎలా ఉండనున్నాయోననే విషయాలను కూడా షెత్ పంచుకున్నారు. AskMadhav ఇంటర్వ్యూ విశేషాలను ఇక్కడ చదివి తెలుసుకోండి.
- భారతదేశంలోని హానర్ స్మార్ట్ఫోన్లు ఆండ్రాయిడ్ 13తో వస్తాయని మరియు గూగుల్ మ్యాప్స్, డ్రైవ్, మీట్తో సహా గూగుల్ యాప్లను కలిగి ఉంటాయని మాధవ్ ధృవీకరించారు. అదనంగా, హానర్ రెండు సంవత్సరాల ఆండ్రాయిడ్ అప్డేట్లు మరియు మూడు సంవత్సరాల సెక్యూరిటీ అప్డేట్లను నిర్ధారిస్తోంది.
- Honor 90 ఎప్పుడు లాంచ్ కానుందన్న విషయంపై స్పందించిన మాధవ్ షేత్.. త్వరలోనే లాంచ్ ఉంటుందని చెప్పారు. అయితే కచ్చితంగా అసలైన ఫ్లాగ్షిప్ అనుభూతి Honor 90 తో కల్గుతుందని తెలిపారు.
- Honor 90 ఇప్పటికే గ్లోబల్ మార్కెట్స్ లో అందుబాటులో ఉంది. కానీ, భారత వేరియంట్ పలు మార్పులు చేర్పులతో రానుందని సమాచారం. భారత్ లో Honor 90 ధర రూ.40,000 వద్ద ఉంటుందని అంచనా వేస్తున్నారు.
నూతన టెక్నాలజీతో భారత్ లో లాంచ్ కానున్న Honor ఉత్పత్తులు
భవిష్యత్తులో భారతీయ మార్కెట్ లోకి రాబోవు హానర్ ఉత్పత్తుల నుంచి ఇమ్మర్సివ్ డిస్ప్లేస్, ఏఐ డ్రైవెన్ ఎన్హాస్మెంట్స్, అడ్వాన్స్డ్ కెమెరా టెక్నాలజీ, నాన్-ఇంట్రూసివ్ యూజర్ ఇంటర్ఫేసెస్ వంటి వాటిని ఆశించవచ్చని మాధవ్ షేత్ తెలిపారు. Honor 90 అమోలెడ్ డిస్ప్లే, క్వాడ్-కర్వ్, ఫ్లోటింగ్ డిస్ప్లే తో రానున్నట్లు మాధవ్ చెప్పారు.
Honor 90 స్పెసిఫికేషన్స్
- డిస్ప్లే: Honor 90 లో 6.7-ఇంచ్ అమోలెడ్ క్వాడ్-కర్వ్డ్ ఫ్లోటింగ్ స్క్రీన్ ఉంటుంది.
- రియర్ కెమెరా: Honor 90 లో ట్రిపుల్ రియర్ కెమెరా సెటప్ ఉంటుంది. ఇందులో 200ఎంపి మెయిన్ కెమెరా, 12ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉంటాయి.
- సెల్ఫీ కెమెరా: Honor 90 లో సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఉంటుంది.
- చిప్సెట్: Honor 90 లో స్నాప్ డ్రాగన్ 7 జెన్ 1 యాక్సలరేటెడ్ ఎడిషన్ చిప్ వాడారు.
- స్టోరేజీ: Honor 90 డివైజ్ 8జిబి+256జిబి, 12జిబి+256జిబి, 12జిబి+512జిబి మెమొరీ వేరియంట్స్ లో లభిస్తుంది.
- ఓఎస్: Honor 90 స్మార్ట్ ఫోన్ ఆండ్రాయిడ్ 13 ఓఎస్ ఆధారిత మ్యాజిక్ఓఎస్ 7.1 కస్టమ్ స్కిన్ పై పని చేస్తుంది.
- బ్యాటరీ: Honor 90 డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 66 వాట్ సూపర్చార్జ్ టెక్నాలజీతో వస్తోంది.
- కనెక్టివిటీ: Honor 90 లో బ్లూటూత్ 5.2, ఎన్ఎఫ్సీ, యూఎస్బీ టైప్-సీ, వై-ఫై, జీపీఎస్, డ్యూయల్ సిమ్, 5జీ వంటి ఆప్షన్స్ ఉంటాయి.